இரும்புச்சத்து குறைபாடு.. பெண்களே இந்த 4 எளிய வழிகளை ஃபாலோ பண்ணா, ரத்தசோகை நோயை தவிர்க்கலாம்

உடலில் ஹீமோகுளோபினை உருவாக்க போதுமான இரும்புச்சத்து இல்லாததால் தான் ரத்த சோகை ஏற்படுகிறது.

நம் உடலுக்கு தேவையான அத்தியாவசிய ஊட்டச்சத்துக்களில் இரும்புச்சத்து முக்கியமானது. அனைத்து உடல் பாகங்களுக்கும் ஆக்ஸிஜனைக் கொண்டு செல்வதில் இரும்புச்சத்து முக்கியமானது. இரும்பு சத்து நோய் எதிர்ப்பு சக்தியை அதிகரிப்பதுடன், குழந்தைகளின் அறிவாற்றல் வளர்ச்சியை ஆதரிக்கிறது. உடலில் உள்ள இரும்புச்சத்து தோராயமாக 65-70% ஹீமோகுளோபினில் காணப்படுகிறது. ரத்த சிவப்பணுக்களில் இருக்கும் புரதம், இது ஒவ்வொரு உயிரணுவிற்கும் ஆக்ஸிஜனைக் கொண்டு செல்கிறது.

உடலில் ஹீமோகுளோபினை உருவாக்க போதுமான இரும்புச்சத்து இல்லாததால் தான் ரத்த சோகை ஏற்படுகிறது. இரும்புச்சத்து குறைபாடு பலவீனம், சோர்வு, தலைச்சுற்றல், முடி உதிர்தல், வெளிர் தோல், பலவீனமான நோய் எதிர்ப்பு சக்தி உள்ளிட்ட பல பிரச்சனைகளுக்கு வழிவகுக்கும். பொதுவாக இளம் பெண்கள் அல்லது பெண்களுக்கு ஏற்படும் இரும்புச்சத்து குறைபாடு இரத்த சோகை என்று அழைக்கப்படுகிறது, இது உடல் முழுவதும் ஆக்ஸிஜனைக் கொண்டு செல்லும் இரத்தத்தின் திறனை பாதிக்கிறது.

உடலானது உணவில் இருந்து இரும்புச்சத்து பெறுகிறது. எனவே நம் உணவில் இருந்து போதுமான இரும்புச்சத்து கிடைக்காமல் இருப்பதும் குறைபாட்டிற்கு வழிவகுக்கும். எனவே இரும்பு சத்து குறைபாட்டை போக்கும் வகையில், பயனுள்ள குறிப்புகளை போக்கலாம்.

அதிக வைட்டமின் சி நிறைந்த உணவுகளைச் சேர்க்கவும்: இரும்புச்சத்து நிறைந்த உணவுகளை வைட்டமின் சி உடன் இணைப்பது உடலில் இரும்புச்சத்து அதிகரிக்க உதவும். மிட்டாய்/ஜூஸ் வடிவில் உள்ள நெல்லிக்காய் போன்ற வைட்டமின் சி நிறைந்த உணவுகளைச் சேர்க்கவும். கொய்யா, ஆரஞ்சு, எலுமிச்சை, கிவி, அன்னாசி, பப்பாளி, ப்ரோக்கோலி, குடைமிளகாய், மிளகு, தக்காளி, காலே, காலிஃபிளவர், முட்டைக்கோஸ் போன்ற பழங்கள் மற்றும் காய்கறிகளை உணவில் சேர்க்க வேண்டும்.

காஃபினேட்டட் பானங்களைத் தவிர்க்கவும்:  ஒரு சிலர் உணவு சாப்பிட்ட உடனேயே டீ அல்லது காபி குடிப்பதை வழக்கமாக கொண்டிருப்பார்கள். ஆனால் டீ/காபியில் உள்ள டானின்கள், உணவுடன் அல்லது உணவு உண்ட உடனேயே உட்கொண்டால் இரும்புச் சத்தை உறிஞ்சுவதைத் தடுக்கலாம். எனவே, உங்கள் உணவுக்கும் காஃபின் கலந்த பானங்களுக்கும் இடையே குறைந்தது ஒரு மணிநேர இடைவெளியை பராமரிக்க பரிந்துரைக்கப்படுகிறது.

அதிக நார்ச்சத்துகளை தவிர்க்க வேண்டும் : அதிக நார்ச்சத்து உட்கொள்வது குடல் புறணியை சேதப்படுத்தும். இது உடலில் உள்ள ஊட்டச்சத்துக்களை உறிஞ்சுவதைத் தடுக்கிறது. உடலில் வைட்டமின் பி 12 இன் மோசமான உறிஞ்சுதல் தீங்கு விளைவிக்கும் இரத்த சோகை எனப்படும் ஒரு மருத்துவ நிலைக்கு வழிவகுக்கிறது, இதில் வைட்டமின் 12 குறைபாடு காரணமாக நம் உடலில் போதுமான சிவப்பு இரத்த அணுக்களை உருவாக்க முடியாது. எனவே தினசரி வழக்கத்தில் நார்ச்சத்து உட்கொள்வதில் கவனமாக இருக்க பரிந்துரைக்கப்படுகிறது.

மிகக் குறைந்த கலோரி உணவுகள் : மிகக்குறைந்த கலோரிகள் கொண்ட உணவுகள், குறுகிய கால எடை இழப்பை அடைவதற்கு நன்மை பயக்கும், ஆனால் இது உங்கள் உடலுக்கு இணக்கமாக வேலை செய்ய தேவையான அத்தியாவசிய ஊட்டச்சத்துக்களை இழக்கிறது. எனவே, சமச்சீரான ஊட்டச்சத்து உணவை கடைபிடிக்க வேண்டியது அவசியம். ஒவ்வொரு 6மாதங்களுக்கும் உங்கள் இரும்பு மற்றும் ஹீமோகுளோபின் அளவை பரிசோதித்து, உணவின் மூலம் பூர்த்தி செய்ய முடியாத அளவு குறைவாக இருந்தால், மருத்துவரின் பரிந்துரையின் பேரில் உணவுகளை உட்கொள்ள வேண்டும்.