புடவைக்கு காண்ட்ராஸ்ட் ஆக ப்ளவுஸ் அணிவதுதான் இப்போதய ட்ரெண்ட். நாம் அணியும் ஆடைகளின் வண்ணங்கள் கண்களை உறுத்தாத வகையில் இருக்க வேண்டும். பொதுவாகவே பச்சை நிற ரவிக்கைக்கு ஏற்ற புடவைகள் பல உள்ளன, பொருத்தமான புடவைகளின் நிறங்களை உங்களுக்கு டிப்ஸ் ஆக தருகின்றனர் ஃபேஷன் டிசைனர்கள்.
சந்தன நிறம்
பச்சை நிறம் பார்ப்பவர்கள் பலருக்கும் புத்துணர்ச்சியை தரக்கூடியது. அலுவலகம், பார்ட்டி, பிசினஸ் மீட் என அனைத்திற்கும் ஏற்ற நிறம் பச்சை நிறம். பச்சை நிற ஆடைகளை அணிபவர்களின் தோற்றம் கம்பீரமான தோற்றத்தை கொடுக்கும். சந்தன நிற புடவையோடு பச்சை நிற ரவிக்கை இணைத்து அணிவதன் மூலம் ராயல் லுக் கிடைக்கும். இது புத்துணர்ச்சியை தருவதோடு உங்களின் மதிப்பை அதிகரிக்கும்.
இளம் மஞ்சள்
மரங்களில் பசுமையான இலைகளின் ஊடே மஞ்சள் நிற பூக்கள் பூத்துக்குலுங்கும். அது காண்பவர்களின் கண்ணைக் கவரும். அதுபோல இளம் மஞ்சள் நிற புடவைக்கு ஏற்ப பச்சை நிற ரவிக்கை அணிவதன் மூலம் உங்களுடைய தோற்றம் பிரகாசமாக இருக்கும். அதற்கேற்ப மஞ்சள் வண்ண காதணிகள், நகைகளை அணியலாம்.
நீல நிறம் பச்சை காம்பினேசன்
நீல நிறம், நேவி புளு புடவைகளுக்கு பச்சை நிற ரவிக்கை நேர்த்தியான தோற்றத்தை கொடுக்கும். வேலை செய்யும் இடத்தில் உங்களின் மதிப்பை, அங்கீகரத்தை கொடுக்கும்.
200 கிலோ தங்க நகைகளை அணிந்து நடித்த ஐஸ்வர்யா ராய்! டிசைன் செய்தவர்கள் யார் தெரியுமா?
நெஞ்சைக் கவரும் இளஞ்சிவப்பு
காதல் ரசிகர்கள், இயற்கை விரும்பிகள் அதிகம் இளஞ்சிவப்பு நிற புடவையை அணிவார்கள். பச்சை நிற ரவிக்கையுடன் மென்மையான இளஞ்சிவப்பு நிற புடவையை அணியலாம். அது ரிச் லுக் ஆக இருக்கும்.
பழுப்பு நிறம் க்ரே கலர் புடவை
க்ரே கலர் புடவைக்கும் பழுப்பு நிற புடவைக்கும் பச்சை நிற ப்ளவுஸ் சூட் ஆகும். இந்த புடவைக்கு மேட்ச் ஆக உங்களின் நகை அலங்காரத்தை மறந்து விடாதீர்கள்.
பாத்ரூம் செப்பல் ஒரு லட்ச ரூபாயாம்! அப்புடி என்ன தான் இருக்கு இந்த செருப்புல? கொந்தளிக்கும் நெட்டிசன்கள்!
அடர் சிவப்பு.. கருப்பு நிற புடவைகள்
கருப்பு கலர் புடவை பலரது விருப்ப தேர்வாக உள்ளது. கருப்பு நிற பச்சை டிசைன் போட்ட சுங்கிடி, காட்டன் புடவை அணிபவர்களுக்கு பச்சை ப்ளவுஸ் அழகான தோற்றத்தை தரக்கூடியது. அப்புறம் என்ன ஒரே ஒரு பச்சை நிற டிசைன் ப்ளவுஸ் எடுங்க அதற்கு பொருத்தமான நிறத்தில் புடவை உடுத்தி அசத்துங்க தோழிகளே!