பாண்டியன் ஸ்டோர்ஸ் 2-ம் பாகம் வந்தாச்சு... சுஜிதாவை நீக்கிவிட்டு 90ஸ் ஹீரோயினை களமிறக்கிய விஜய் டிவி

விஜய் டிவியில் வெற்றிகரமாக ஒளிபரப்பாகி வந்த பாண்டியன் ஸ்டோர்ஸ் சீரியலின் முதல் பாகம் முடிவுக்கு வந்ததை அடுத்து அதன் இரண்டாம் பாகத்துக்கான புரோமோ வெளியாகி உள்ளது.

pandian stores

விஜய் டிவியில் பிளாக்பஸ்டர் ஹிட் ஆன சீரியல்களில் பாண்டியன் ஸ்டோர்ஸ் சீரியலும் ஒன்று. கடந்த 2018-ம் ஆண்டு தொடங்கப்பட்ட இந்த சீரியல் அண்ணன் - தம்பி பாசத்தை மையமாக வைத்து எடுக்கப்பட்டது. இதில் நடிகர் ஸ்டாலின், மூர்த்தி என்கிற முதன்மை கதாபாத்திரத்தில் நடித்திருந்தார். அவருக்கு ஜோடியாக நடிகை சுஜிதா தனுஷ் நடித்திருந்தார். மூர்த்தியின் சகோதரர்களாக வெங்கட், குமரன், சரவண விக்ரம் ஆகியோர் நடித்திருந்தனர்.

Pandian Stores 1

அதேபோல் வெங்கட்டுக்கு ஜோடியாக மீனா கதாபாத்திரத்தில் ஹேமாவும், குமரன் நடித்த கதிர் கதாபாத்திரத்திற்கு ஜோடியாக முல்லை என்கிற ரோலில் முதலில் விஜே சித்ரா நடித்து வந்தார். அவர் நடித்தவரை இந்த சீரியல் டிஆர்பியில் சக்கைப்போடு போட்டது. கடந்த 2020-ம் ஆண்டு அவர் தற்கொலை செய்துகொண்டதை அடுத்து இந்த சீரியல் டல் அடிக்க தொடங்கியது. பின்னர் அந்த கேரக்டரில் காவ்யா நடித்தார். பின்னர் அவரும் விலகியதை அடுத்து கடைசியாக லாவண்யா நடித்தார்.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

Pandian stores serial

இப்படி குடும்ப பாசத்தையும், கூட்டுக் குடும்பத்தின் முக்கியத்துவத்தையும் உணர்த்தும் விதமாக அமைந்திருந்த இந்த சீரியல் கடந்த 5 ஆண்டுகளாக சக்கைப்போடு போட்டு வந்தது. இந்நிலையில், தற்போது பாண்டியன் ஸ்டோர்ஸ் சீரியல் முடிவுக்கு வந்துள்ளது. அந்த சீரியல் முடிந்த கையோடு, அதன் இரண்டாம் பாகத்தை ஆரம்பித்துள்ளனர். இதற்கான புரோமோ வீடியோ வெளியாகி வைரலாகி வருகிறது.

pandian stores 2

பாண்டியன் ஸ்டோர்ஸ் இரண்டாம் பாகத்தில் ஸ்டாலின் தவிர மற்ற அனைவருமே மாற்றப்பட்டு உள்ளனர். ஸ்டாலின் வழக்கம்போல் மூர்த்தியாக நடிக்க, அவருக்கு ஜோடியாக 90-களில் கலக்கிய நடிகை நிரோஷா நடிக்கிறார். முதல் பாகம் அண்ணன் தம்பி பாசத்தை மையமாக வைத்து உருவானதை போல் அதன் இரண்டாம் பாகத்தை தந்தை மகன் பாசத்தை மையமாக வைத்து உருவாக்க உள்ளனர். இதில் மூர்த்தியின் மகன்களாக 3 பேர் நடிக்கின்றனர். இந்த சீசன் விரைவில் தொடங்க உள்ளது.

இதையும் படியுங்கள்... ஐயப்பனும் கோஷியும்.. தமிழில் ரீமேக் செய்ய ஆசைப்பட்டேன்.. அதுவும் அந்த இரு தமிழ் நடிகர்களை வைத்து - லோகேஷ்!