ரூ.35 மட்டும் போதும்.. வெப் சீரிஸ், திரைப்படங்களை 28 நாட்களுக்கு பார்க்கலாம்.!

Vi Rs 35 Recharge Plan: திரைப்படங்கள், வெப் சீரிஸ்களைப் பார்க்க விரும்பும் வோடஃபோன் ஐடியா வாடிக்கையாளர்களுக்கு வெறும் ரூ.35க்கு புதிய சலுகை அறிமுகமாகியுள்ளது. 28 நாட்கள் பார்க்கும், இந்தத் திட்டத்தின் முழு விவரங்களையும் தெரிந்துகொள்ளலாம்.

ரூ.35க்கு புதிய ஓடிடி சலுகை

வோடஃபோன் ஐடியா (Vi) நிறுவனம் தனது வாடிக்கையாளர்களுக்காக ரூ.35 விலையில் புதிய பொழுதுபோக்கு கூடுதல் திட்டத்தை அறிமுகப்படுத்தியுள்ளது. திரைப்படங்கள், வெப் சீரிஸ்கள் மற்றும் மாநில மொழிப் படைப்புகளை விரும்பிப் பார்ப்பவர்களைக் குறிவைத்து இந்தச் சலுகை கொண்டுவரப்பட்டுள்ளது. இதன் மூலம் ஆறு ஓடிடி தளங்களில் வாடிக்கையாளர்கள் தங்களுக்குப் பிடித்த இரண்டு தளங்களைத் தேர்வு செய்துகொள்ளலாம். தேர்வு செய்த தளங்களை 28 நாட்கள் பயன்படுத்தும் வசதி வழங்கப்படுகிறது. இதனுடன் 1 ஜிபி இணையத் தரவும் கிடைக்கும். குறைந்த செலவில் கூடுதல் பொழுதுபோக்கு வசதியை விரும்புவோருக்கு இது கவனிக்கத்தக்க திட்டமாகும்.

எந்தெந்த ஓடிடி தளங்களைத் தேர்வு செய்யலாம்?

இந்தத் திட்டத்தில் SonyLIV South, Chaupal, ManoramaMAX, KLiKK, AddaTimes மற்றும் Aao NXT ஆகிய ஆறு தளங்கள் இடம்பெற்றுள்ளன. இதில் SonyLIV South வழியாக தமிழ், தெலுங்கு, மலையாளம், கன்னடம் ஆகிய மொழிகளின் படைப்புகளைப் பார்க்கலாம். ManoramaMAX தளத்தில் மலையாளப் பொழுதுபோக்கு நிகழ்ச்சிகளும், Chaupal தளத்தில் பஞ்சாபி, ஹரியான்வி, போஜ்புரி மொழிப் படைப்புகளும் கிடைக்கின்றன. KLiKK மற்றும் AddaTimes ஆகியவை வங்காள மொழி உள்ளடக்கங்களை வழங்குகின்றன. Aao NXT தளத்தில் ஒடியா மொழிப் படைப்புகளைப் பார்க்கலாம். இவ்வாறு மொத்தம் ஒன்பது இந்திய மொழிகளில் பொழுதுபோக்கு உள்ளடக்கங்களைத் தேர்வு செய்யும் வாய்ப்பு கிடைக்கிறது.

இணையத் தரவு, ஓடிடி காலம் எவ்வளவு?

இந்தத் திட்டத்தில் கிடைக்கும் இரண்டு சலுகைகளுக்கும் வெவ்வேறு கால அளவுகள் உள்ளன. ரூ.35க்கு வழங்கப்படும் 1 ஜிபி இணையத் தரவை ஏழு நாட்களுக்குள் பயன்படுத்த வேண்டும். ஆனால், தேர்வு செய்யப்படும் இரண்டு ஓடிடி தளங்களுக்கான அணுகல் வசதி 28 நாட்கள் வரை இருக்கும். இந்தத் திட்டம் கைப்பேசியில் மட்டுமே பயன்படுத்தக்கூடியது. மேலும், இது கூடுதல் சலுகைத் திட்டம் என்பதால் தனியாகச் சேவை கால நீட்டிப்பை வழங்காது. அதாவது, ரூ.35க்கு மட்டும் ரீசார்ஜ் செய்தால் உங்கள் முதன்மை எண்ணின் சேவை காலம் நீட்டிக்கப்படாது. இந்த வசதியைப் பெற ஏற்கெனவே செல்லுபடியாகும் சேவை காலத்துடன் கூடிய அடிப்படை ரீசார்ஜ் திட்டம் இருக்க வேண்டும்.

ரூ.35 திட்டத்தைச் செயல்படுத்துவது எப்படி?

முதலில் Vi செயலி அல்லது ஆதரவு வழங்கும் பிற ரீசார்ஜ் தளங்கள் வழியாக ரூ.35 கூடுதல் திட்டத்தைச் செயல்படுத்த வேண்டும். அதன் பிறகு Vi Movies and TV செயலியைத் திறந்து, உங்கள் Vi மொபைல் எண்ணைப் பயன்படுத்தி லாகின் செய்ய வேண்டும். அங்கு வழங்கப்படும் ஆறு ஓடிடி தளங்களின் பட்டியலில் இருந்து உங்களுக்குப் பிடித்த இரண்டு தளங்களைத் தேர்வு செய்யலாம். தேர்வு முடிந்ததும் அந்தத் தளங்களுக்கான பொழுதுபோக்கு வசதியைச் செயலி வழியாகப் பயன்படுத்தலாம். உங்கள் எண்ணுக்குத் திட்டம் கிடைக்கிறதா, தேர்வு செய்யக்கூடிய தளங்கள் என்னென்ன என்பதையும் ரீசார்ஜ் செய்வதற்கு முன்பு செயலியில் சரிபார்ப்பது நல்லது.

யாருக்கு இந்தத் திட்டம் பயனுள்ளதாக இருக்கும்?

ஏற்கெனவே வோடஃபோன் ஐடியா எண்ணில் செல்லுபடியாகும் அடிப்படை ரீசார்ஜ் வைத்திருப்பவர்களுக்கும், மாநில மொழித் திரைப்படங்கள் மற்றும் வெப் சீரிஸ்களைப் பார்க்க விரும்புபவர்களுக்கும் இந்தத் திட்டம் உதவியாக இருக்கலாம். குறிப்பாக, தமிழ் உள்ளடக்கங்களைப் பார்க்க விரும்புவோர் SonyLIV South தளத்தை மற்றொரு விருப்பமான தளத்துடன் இணைத்துத் தேர்வு செய்யலாம். இருப்பினும், 1 ஜிபி தரவு ஏழு நாட்கள் மட்டுமே செல்லுபடியாகும் என்பதையும், ஓடிடி வசதி கைப்பேசியில் மட்டுமே கிடைக்கும் என்பதையும் கவனத்தில் கொள்ள வேண்டும். குறைந்த விலையில் இரண்டு தளங்களைப் பயன்படுத்த விரும்புவோருக்கு இந்த ரூ.35 திட்டம் ஒரு தேர்வாக அமையும்.