Tomato: மகாராஷ்டிராவில் வரத்து அதிகரிப்பால் வெங்காயம் மற்றும் தக்காளி விலை கடுமையாக வீழ்ச்சியடைந்து விவசாயிகளுக்கு வேதனையை ஏற்படுத்தியுள்ளது. இந்த விலை சரிவால் இல்லத்தரசிகள் மகிழ்ச்சி.
சமையலுக்கு முக்கிய பங்கு வகிக்கும் தக்காளி, வெங்காயம்
வெங்காயம் தக்காளி சமையலில் இன்றியமையாத ஒன்று. இந்தியாவில் அனைத்து வகையான உணவு தயாரிப்புகளிலும் வெங்காயம், தக்காளி பயன்படுத்தப்படுவதால் உள்நாட்டு தேவை மிக அதிகமாக உள்ளது. வெங்காயம் மற்றும் தக்காளி விலை விளைச்சல் பருவமழை மற்றும் வானிலை மாற்றங்களைப் பொறுத்து அமைகிறது.
26
தக்காளி வெங்காயம் போட்டா போட்டி
இந்நிலையில் மகாராஷ்டிராவில் வெங்காய விளைச்சல் அதிகரித்திருப்பதன் காரணமாக தினமும் லாரி லாரியாக வெங்காயம் விற்பனைக்கு கொண்டுவரப்படுகிறது. இதனால் வெங்காய மூட்டையுடன் லாரிகள் வரிசை கட்டி நிற்கின்றனர். வெங்காயம் வரத்து அதிகரிப்பால் விலை குறைந்து 6 கிலோ ரூ.100க்கு விற்பனை செய்யப்படுகிறது. அதேபோல் வெங்காயத்திற்கு போட்டியாக பெட்டி பெட்டியாக தக்காளி வரத்தை அடுத்து அதன் விலையும் வீழ்ச்சி அடைந்துள்ளது. ஒரு கிலோ 10 ரூபாய் முதல் 14 ரூபாய் வரை விற்பனை செய்யப்படுவதால் விவசாயிகள் வேதனை அடைந்துள்ளனர்.
36
இல்லத்தரசிகள் மகிழ்ச்சி
இதனால் இல்லத்தரசிகள் பை நிறைய தக்காளி மற்றும் வெங்காயத்தை வாங்கி செல்கின்றனர். மேலும் பச்சை காய்கறிகளின் விலையும் ஓரளவுக்கு குறைந்துள்ளதால் சந்தோஷத்தில் உள்ளனர்.
இந்நிலையில் சென்னை கோயம்பேடு காய்கறி சந்தையில் எந்தெந்த காய்கறிகள் என்னென்ன விலை என்பதை பார்ப்போம். பெரிய வெங்காயம் ஒரு கிலோ 20 முதல் 24 ரூபாய்க்கும், சின்ன வெங்காயம் ஒரு கிலோ 63 முதல் 70 ரூபாய்க்கும், தக்காளி ஒரு கிலோ 20 முதல் 22 ரூபாய்க்கும், பச்சை மிளகாய் 50 ரூபாய்க்கும், பீட்ரூட் ஒரு கிலோ 30 முதல் 35 ரூபாய்க்கும், உருளைக்கிழங்கு ஒரு கிலோ 15 ரூபாய்க்கும், நெல்லிக்காய் ரூ.250, குடைமிளகாய் ஒரு கிலோ 62 ரூபாய்க்கும், பாகற்காய் ஒரு கிலோ 41 முதல் 46 ரூபாய்க்கும், சுரைக்காய் ஒரு கிலோ 25 முதல் 35 ரூபாய்க்கும் விற்பனையாகிறது.
56
பை நிறைய அள்ளிச்செல்லும் மக்கள்
பட்டர் பீன்ஸ் ஒரு கிலோ 68 முதல் 90 ரூபாய்க்கும், அவரைக்காய் ஒரு கிலோ 70 முதல் 130 ரூபாய்க்கும், முட்டைக்கோஸ் ஒரு கிலோ 10 ரூபாய்க்கும், கேரட் ஒரு கிலோ 30 முதல் 40 ரூபாய்க்கும், காலிஃபிளவர் ஒரு கிலோ 25 ரூபாய், வெள்ளரிக்காய் ஒரு கிலோ20 முதல் 30 ரூபாய்க்கும், முருங்கைக்காய் ஒரு கிலோ 120 முதல் 140 ரூபாய்க்கும், கத்திரிக்காய் ஒரு கிலோ 46 ரூபாய்க்கும் விற்பனையாகிறது.
66
மாங்காய் கிலோ எவ்வளவு?
சேனைக்கிழங்கு ஒரு கிலோ 30 ரூபாய்க்கும், பீன்ஸ் ஒரு கிலோ 45 ரூபாய்க்கும், இஞ்சி ஒரு கிலோ 65 முதல் 70 ரூபாய்க்கும், மாங்காய் ரூ.55 முதல் 60 ரூபாய்க்கும், வெண்டைக்காய் ஒரு கிலோ 46 ரூபாய்க்கும், பூசணி ஒரு கிலோ 15 ரூபாய்க்கும், முள்ளங்கி ஒரு கிலோ 15 ரூபாய்க்கும், பீர்க்கங்காய் ஒரு கிலோ 50 முதல் 66 ரூபாய்க்கும், புடலங்காய் ஒரு கிலோ 25 ரூபாய்க்கும், நூக்கல் ஒரு கிலோ 30 முதல் 40 ரூபாய்க்கும், கோவைக்காய் ஒரு கிலோ 25 முதல் 50 ரூபாய்க்கும் விற்பனை செய்யப்படுகிறது.
