11 நாட்கள் காலாண்டு விடுமுறை..! பள்ளி மாணவர்கள், ஆசிரியர்கள் குஷி..! தேர்வு அட்டவணையும் வெளியீடு!

தமிழ்நாட்டில் பள்ளிகளுக்கு காலாண்டு தேர்வு அட்டவணை வெளியிடப்பட்டுள்ளது. அத்துடன் காலாண்டு தேர்வு விடுமுறையும் அறிவிக்கப்பட்டுள்ளது.

TN School Quarterly Exams & Holiday Schedule 2025

தமிழக பள்ளிகளில் காலாண்டுத் தேர்வு அட்டவணை வெளியிடப்பட்டுள்ளது. பள்ளிக்கல்வி இயக்குநரகம் மற்றும் தனியார் பள்ளிகள் இயக்குநரகம் இணைந்து அறிவித்துள்ள தகவலின் படி, 6 முதல் 10 ஆம் வகுப்பு மாணவர்களுக்கு ஒரே நாளில் தேர்வுகள் நடைபெறவுள்ளன. பிளஸ் 1 மற்றும் பிளஸ் 2 மாணவர்களுக்கான தேர்வுகள் தனித்தனி நாள்களில் நடைபெற உள்ளது. 6 முதல் 9 ஆம் வகுப்பு மாணவர்களுக்கு செப்டம்பர் 15 ஆம் தேதி தொடங்கி செப்டம்பர் 26 வரை காலாண்டுத் தேர்வுகள் நடைபெறும். இதே தேதிகளில் 10 ஆம் வகுப்பு மாணவர்களுக்கும் தேர்வுகள் நடத்தப்படுகின்றன.

காலாண்டு தேர்வு அட்டவணை வெளியீடு

அதே வேளையில் பிளஸ் 1 மற்றும் பிளஸ் 2 மாணவர்களின் தேர்வுகள் முன்னதாகவே தொடங்குகின்றன. பிளஸ் 1 மற்றும் பிளஸ் 2 வகுப்புகளுக்கான காலாண்டுத் தேர்வுகள் செப்டம்பர் 10 ஆம் தேதி தொடங்கி செப்டம்பர் 25 வரை நடைபெறவுள்ளதாக அறிவிக்கப்பட்டுள்ளது. இதில் பிளஸ் 2 மற்றும் 10 ஆம் வகுப்பு தேர்வுகள் காலை நேரங்களில் நடத்தப்படுகின்றன; பிளஸ் 1 மாணவர்களுக்கான தேர்வுகள் மதிய வேளையில் நடைபெறும்.

11 நாட்கள் காலாண்டு விடுமுறை

தேர்வுகள் முடிந்ததும் மாணவர்களுக்கு 11 நாட்கள் விடுமுறை வழங்கப்படுகிறது. இதன்படி, செப்டம்பர் 27 முதல் அக்டோபர் 5 வரை காலாண்டு விடுமுறை அறிவிக்கப்பட்டுள்ளது. இதில் அக்டோபர் 1 அன்று சரஸ்வதி பூஜை மற்றும் ஆயுத பூஜை, அக்டோபர் 2 அன்று காந்தி ஜெயந்தி ஆகியவை வர உள்ளது குறிப்பிடத்தக்கது.

மாணவர்கள், ஆசிரியர்கள் கொண்டாட்டம்

காலாண்டு தேர்வு அறிவிக்கப்பட்டது மாணவர்களுக்கு கசப்பாக இருந்தாலும், காலாண்டு விடுமுறை 11 நாட்கள் வருவதால் பள்ளி மாணவர்களும், ஆசிரியர்களும் கொண்டாட்டத்தில் துள்ளிக்குதித்து வருகின்றனர்.