TVK Vijay Cabinet: முதல்வர் விஜய் தலைமையிலான தமிழக அமைச்சரவை விரிவாக்கம் செய்யப்படுகிறது. இதில் 21 தவெக மற்றும் 2 காங்கிரஸ் உறுப்பினர்கள் உட்பட மொத்தம் 23 பேர் புதிய அமைச்சர்களாக பதவியேற்க உள்ளனர்.
தமிழக முதல்வராக விஜய் மே 10ம் தேதி பதவியேற்றுக்கொண்டார். அவருடன் என்.ஆனந்த், ஆதவ் அர்ஜூனா, ஏ.கே.செங்கோட்டையன், வெங்கட ரமணன், சிடிஆர்.நிர்மல்குமார், ராஜ் மோகன், பிரபு, கீர்த்தனா, அருண்ராஜ் உள்பட 9 பேர் அமைச்சர்களாக பதவி ஏற்றுக்கொண்டனர். பின்னர் அவர்களுக்கான இலாகா ஒதுக்கீடு செய்யப்பட்டது. இருப்பினும் 25-க்கும் மேற்பட்ட மிக முக்கிய துறைகளுக்குத் தனி அமைச்சர்கள் நியமிக்கப்படவில்லை. இதனால் அனைத்து கோப்புகளும் கிடப்பில் இருந்து வந்தன.
25
59 ஆண்டுகளுக்கு பிறகு அமைச்சரவையில் காங்கிரஸ்
இந்நிலையில் அமைச்சரவை விரிவாக்கம் தொடர்பாக முதல்வர் விஜய் கடந்த சில நாட்களாக தீவிர ஆலோசனை மேற்கொண்டு வந்தார். அதன்படி அமைச்சரவை விரிவாக்கம் இன்று நடைபெற உள்ளதாக நேற்று இரவு தகவல் வெளியானது. இதில் தவெக கூட்டணியில் இடம் பெற்றுள்ள காங்கிரஸ் கட்சிக்கு இரண்டு அமைச்சர்கள் பதவி வழங்க முடிவு செய்யப்பட்டுள்ளது. அதில், கிள்ளியூர் எம்எல்ஏ ராஜேஷ்குமார் மற்றும் வேலூர் எம்எல்ஏ விஸ்வநாதன் ஆகியோர் பெயர் பரிந்துரைக்கப்பட்டுள்ளது. இதன்மூலம் 59 ஆண்டுகளுக்கு பிறகு அமைச்சரவையில் காங்கிரஸ் கட்சி இடம் பெறுகிறது.
35
ஆளுநர் மாளிகை
இந்நிலையில் தமிழ்நாடு அமைச்சரவையில் இடம்பெற உள்ள 23 பேர் கொண்ட பட்டியலை ஆளுநர் மாளிகை அதிகாரப்பூர்வமாக வெளியிட்டுள்ளது. அதில், தூத்துக்குடி எம்எல்ஏ ஸ்ரீநாத், ஆர்.கே.நகர் எம்எல்ஏ மரிய வில்சன், அவிநாசி எம்எல்ஏ கமலி, குமாரபாளையம் எம்எல்ஏ விஜயலட்சுமி உள்ளிட்ட பெயர்கள் இடம் பெற்றுள்ளனர்.
ஸ்ரீநாத் - தூத்துக்குடி எம்எல்ஏ, கமலி - அவிநாசி எம்எல்ஏ, சி விஜயலட்சுமி - குமாரபாளையம் எம்எல்ஏ, ரஞ்சித் குமுார் - காஞ்சிபுரம் எம்எல்ஏ, வினோத் - கும்பகோணம் எம்எல்ஏ, ராஜீவ் - திருவாடானை எம்எல்ஏ, ராஜ் குமார் - கடலூர் எம்எல்ஏ, காந்திராஜ் - அரக்கோணம் எம்எல்ஏ, மதன் ராஜா - ஒட்டப்பிடாரம் எம்எல்ஏ, ஜெகதீஷ்வரி - ராஜபாளையம் எம்எல்ஏ, ராஜேஷ் குமார் - கிள்ளியூர் எம்எல்ஏ (காங்கிரஸ்) உள்ளிட்டோர் இடம் பெற்றுள்ளனர்.
55
காங்கிரஸ் கட்சியில் இரண்டு அமைச்சர்கள்
அதேபோல் விஜய் பாலாஜி - ஈரோடு கிழக்கு எம்எல்ஏ, லோகேஷ் தமிழ் செல்வன் - ராசிபுரம் எம்எல்ஏ, விஜய் தமிழன் பார்த்திபன் - சேலம் தெற்கு எம்எல்ஏ, ரமேஷ் - ஸ்ரீரங்கம் எம்எல்ஏ, விஸ்வநாதன் - மேலூர் எம்எல்ஏ (காங்கிரஸ்), குமார் - வேளச்சேரி எம்எல்ஏ, தென்னரசு - ஸ்ரீபெரும்புதூர் எம்எல்ஏ, சம்பத்குமார் - கோவை வடக்கு எம்எல்ஏ, முகமது பர்வாஸ் - அறந்தாங்கி எம்எல்ஏ, சரத்குமார் - தாம்பரம் எம்எல்ஏ, மரிய வில்சன் - ஆர்கே நகர் எம்எல்ஏ, விக்னேஷ் - கிணத்துக்கடவு எம்எல்ஏ என மொத்தம் 23 பேர் இன்று அமைச்சர்களாக பதவியேற்க உள்ளனர். இதில் 21 பேர் தவெகவை சேர்ந்தவர்கள். 2 பேர் காங்கிரஸ் கட்சியை சேர்ந்தவர்கள் என்பது குறிப்பிடத்தக்கது.
