வழுக்கி விழுந்து ஐசியூவில் இருக்கும் இல.கணேசன்! உடல்நிலை எப்படி இருக்கு? பரபரப்பு தகவல்!

பாஜக மூத்த தலைவர் இல.கணேசன் கால் தவறி விழுந்து தலையில் பலத்த காயமடைந்தார். சென்னை அப்போலோ மருத்துவமனையில் தீவிர சிகிச்சை பிரிவில் அனுமதிக்கப்பட்டுள்ள அவரது உடல்நிலை குறித்து மருத்துவமனை நிர்வாகம் இதுவரை எந்த தகவலும் வெளியிடவில்லை.

தமிழக பாஜக மூத்த தலைவரான இல.கணேசன்(80). பாஜகவில் மாநில தலைவர், தேசிய செயலாளர், தேசிய துணைத் தலைவர் உள்ளிட்ட பல்வேறு பொறுப்புகளை வகித்துள்ளார். மாநிலங்களவை உறுப்பினராகவும் இருந்துள்ளார். அண்மையில் இல.கணேசன் தனது 80வது பிறந்த நாளை கொண்டாடினார். இதில் முதல்வர் ஸ்டாலினின் மனைவி துர்கா ஸ்டாலின் பங்கேற்றிருந்தார்.

இவர் முதலில் மணிப்பூர் மாநில ஆளுநராக (2021 ஆகஸ்ட் 27 முதல் 2023 பிப்ரவரி 19 வரை) மற்றும் மேற்கு வங்க மாநில ஆளுநராக கூடுதல் பொறுப்பு (2022 ஜூலை 18 முதல் 2022 நவம்பர் 17 வரை) பணியாற்றியவர். பின்னர் நாகாலாந்து மாநிலத்தின் 19வது ஆளுநராக 2023 பிப்ரவரி 20 முதல் இல.கணேசன் பதவி ஏற்றார். இந்நிலையில் நாகலாந்து ஆளுநராக இருந்தாலும் சென்னை தியாகராய நகரில் உள்ள தனது வீட்டுக்கு அவ்வப்போது வந்து செல்வது வழக்கம்.

அதன்படி சென்னை தியாகராய நகரில் உள்ள தனது வீட்டுக்கு சமீபத்தில் வந்திருந்தார். அப்போது எதிர்பாராத விதமாக கால் தவறி கீழே விழுந்துள்ளார். இதனால் தலையில் பலத்த காயம் ஏற்பட்டுள்ளது. இதனையடுத்து அவர் சென்னை கிரீம்ஸ் சாலையில் உள்ள அப்போலோ மருத்துவமனையில் தீவிர சிகிச்சை பிரிவில் அனுமதிக்கப்பட்ட அவருக்கு மருத்துவர்கள் தீவிர சிகிச்சை அளித்து வருகின்றனர்.

அவருக்கு தலையில் அடிபட்டதை அடுத்து நரம்பியல் உட்பட பல்நோக்கு மருத்துவ குழுவினர் தொடர் சிகிச்சை அளித்து வருகின்றனர். எனினும், இல. கணேசன் உடல்நிலை தொடர்பாக மருத்துவமனை நிர்வாகம் இதுவரை விளக்கம் அளிக்கவில்லை. எனினும். அவரது உடல்நலம் குறித்து மருத்துவமனை விரைவில் அறிக்கை வெளியிடும் என்று எதிர்பார்க்கப்படுகிறது. தமிழக முதல்​வர் மு.க.ஸ்​டா​லின், அமமுக பொதுச்​செய​லா​ளர் டிடிவி தினகரன் ஆகியோர் அவர் விரை​வில் நலம்​பெற்​று, மீண்​டும் நல்ல உடல்​நிலைக்கு திரும்ப வேண்​டும் என்று சமூக வலைதள பதிவில் தெரி​வித்​துள்​ளனர்.