DMK To TVK: திமுக முக்கிய பிரமுகரின் மகன் தவெகவில் ஐக்கியம்.. அதிர்ச்சியில் ஸ்டாலின்.. உதயநிதி!

TVK Vijay: முதல்வராக விஜய் பொறுப்பேற்றதில் இருந்து தமிழக அரசியலில் தினமும் பல்வேறு அதிரடி மாற்றங்கள் நடைபெற்ற வண்ணம் உள்ளது. அதாவது பல்வேறு கட்சிகளை சேர்ந்த முக்கிய நிர்வாகிகள் இணைந்து வருகின்றனர்.

தனது முதல் சடட்டமன்ற தேர்தலை சந்தித்த தமிழக வெற்றிக் கழகம் வெற்றி பெற்றதை அடுத்து முதல்வராக விஜய் பொறுப்பேற்று கொண்டார். அன்று முதலே தமிழக அரசியலில் தினமும் பல்வேறு அதிரடி மாற்றங்கள் நடைபெற்ற வண்ணம் உள்ளது. அதாவது பல்வேறு கட்சிகளை சேர்ந்த முக்கிய நிர்வாகிகள் இணைந்து வருகின்றனர். குறிப்பாக அதிமுக எம்எல்ஏக்கள் 6 பேர் தங்கள் பதவிகளை ராஜினாமா செய்துவிட்டு தவெகவில் இணைந்தனர்.

அதேபோல, அதிமுக முன்னாள் அமைச்சர்கள், முன்னாள் எம்எல்ஏக்கள் - எம்.பிக்கள் பலரும் தவெகவில் ஐக்கியமாகி வருகின்றனர். சனிக்கிழமை வந்து விட்டாலே போதும் பனையூரில் உள்ள தவெக அலுவலகத்தில் ஒவ்வொரு வாரமும் சாரை சாரையாக இணைந்து வருகின்றனர்.

இந்நிலையில் சனிக்கிழமையான இன்று அதிமுகவை சேர்ந்த நடிகர் ரவி மரியா, ஜெ.எம். பஷீர், முன்னாள் அமைச்சர் வைகைச்செல்வன் உள்ளிட்டோரும் இணைந்தனர். இவர்களை தவெகவை சேர்ந்த பொதுச்செயலாளர் ஆனந்த் சால்வை அணிவித்து வரவேற்றார். அந்த வகையில் யாரும் எதிர்பாராத விதமாக திமுகவின் முக்கிய பிரமுகரும், அக்கட்சியின் நாடாளுமன்ற உறுப்பினரான ஜெகத்ரட்சகனின் மகன் சந்தீப் ஆனந்த் தவெகவில் இணைந்து ஸ்டாலின் மற்றும் உதயநிதிக்கு அதிர்ச்சி கொடுத்துள்ளார். தவெகவில் இவருக்கு முக்கிய பொறுப்பு கொடுக்கவும் முடிவு செய்யப்பட்டுள்ளதாக தகவல் வெளியாகியுள்ளது.

தமிழ்நாட்டின் TASMAC அமைப்பிற்கு மிகப்பெரிய மதுபான ஆலையான அக்கார்ட் டிஸ்டில்லரீஸ் அண்ட் புரூவரீஸ் பிரைவேட் லிமிடெட் மதுபானம் விநியோகம் செய்து வருகிறது. இதன் உரிமையாளர் எம்.பி.,ஜெகத்ரட்சகன் தான் என்பது குறிப்பிடத்தக்கது. மேலும் திமுக முன்னாள் எம்எல்ஏக்கள் ஜெ.கருணாநிதி, வி.பி.கலைராஜன் ஆகியோர் தவெகவில் இணைந்தனர்.