டி20 உலகக் கோப்பையில் சஞ்சு சாம்சன் விளையாடுவதற்கான வாய்ப்புகள் குறைந்து வருகின்றன. தென்னாப்பிரிக்காவுக்கு எதிரான பயிற்சி ஆட்டத்தில் இதற்கான தெளிவான சிக்னல்கள் தெரிந்தன. மிடில் ஆர்டரில் கூட சஞ்சுவுக்கு வாய்ப்பு கிடைக்கவில்லை.
டி20 போட்டிகளில் தொடர்ந்து மோசமான ஆட்டத்தை வெளிப்படுத்தி வந்த சஞ்சு சாம்சன் உலகக்கோப்பை தொடரின் பிளேயிங் 11ல் இடம் பெறுவது கேள்விக்குறியாகி உள்ளது. மேலும் நேற்று நடைபெற்ற பயிற்சி ஆட்டத்தில் சஞ்சுவின் ஓபனிங் இடத்தில் இசான் கிஷன் இறக்கப்பட்டதால் சஞ்சு பிளேயிங் 11ல் இடம் பெற மாட்டாரென்றே சொல்லப்படுகிறது.
24
சஞ்சுவின் மோசமான ஃபார்ம்
டி20 உலகக்கோப்பை தொடருக்கு முன்பாக நியூசிலாந்து அணிக்கு எதிரான 5 போட்டிகள் கொண்ட தொடரில் ஓபனிங் பேட்ஸ்மேனாக களம் இறக்கப்பட்ட சஞ்சு சாம்சன் மொத்தமாகவே வெறும் 45 ரன்களை மட்டுமே சேர்த்தார். குறிப்பாக 5வது மற்றும் கடைசி போட்டியானது அவரது சொந்த ஊரான கேரளாவில் நடைபெற்றது. அந்த போட்டியில் கூட அவர் ரன் சேர்க்க தடுமாறியது ரசிகர்களை சோகத்தில் ஆழ்த்தியது.
மேலும் முதல் 4 போட்டிகளில் விக்கெட் கீப்பராக களம் இறக்கப்பட்ட சஞ்சு விடம் இருந்து 5வது போட்டியில் விக்கெட் கீப்பிங் கிளவுஸ்ம் பறிக்கப்பட்டது. அவருக்கு பதிலாக இசான் கிஷன் கீப்பராக செயல்பட்டது குறிப்படத்தக்கது.
34
சஞ்சு Vs திலக் வர்மா
அணியின் மிடில் ஆர்டரில் ஆக்ரோஷம் காட்டி வந்த திலக் வர்மா காயம் காரணமாக ஓய்வில் இருக்கிறார். திலக் வர்மாக உலகக்கோப்பை தொடருக்குள் முழு உடல் தகுதி பெற்றுவிடுவார் என அணி நிர்வாகம் நம்பிக்கை தெரிவித்துள்ளது. திலக் வர்மா அணிக்கு திரும்பும் பட்சத்தில் சஞ்சுவின் மிடில் ஆர்டர் இடமும் கேள்விக்குறியாக்கப்படும்.
பிட்ச் வேகம் மற்றும் பவுன்ஸிற்கு சஞ்சுவால் பழகிக்கொள்ள முடியும் என பந்துவீச்சு பயிற்சியாளர் மோர்னி மோர்கல் போன்றோர் கருதுகின்றனர். இந்த ஆதரவு அவருக்கு நம்பிக்கையை அளிக்கலாம். உலகக் கோப்பை அணியில் இருப்பதால், யாருக்கேனும் காயம் அல்லது ஃபார்ம் சரிவு ஏற்பட்டால் சஞ்சுவுக்கு ஆடும் லெவனில் வாய்ப்பு கிடைக்கலாம். எனவே, அவர் தயாராக இருப்பது அவசியம்.
