T20 உலகக்கோப்பை 2026: நிக்கோலஸ் பூரன், நரேன் இல்லாதால் ஜாம்பவான் ஏமாற்றம்!
T20 World Cup 2026: 2024 டி20 உலகக் கோப்பைக்குப் பிறகு, வெஸ்ட் இண்டீஸ் 43 போட்டிகளில் 14-ல் மட்டுமே வெற்றி பெற்றுள்ளது, 27-ல் தோல்வியடைந்துள்ளது.
டி20 உலகக் கோப்பை 2026-க்கான வெஸ்ட் இண்டீஸ் அணியில் நிக்கோலஸ் பூரன் மற்றும் சுனில் நரைன் ஆகியோர் சேர்க்கப்படாதது குறித்து முன்னாள் இந்திய கிரிக்கெட் வீரர் ரவிச்சந்திரன் அஸ்வின் தனது ஏமாற்றத்தை வெளிப்படுத்தியுள்ளார்.
நிக்கோலஸ் பூரன் மற்றும் சுனில் நரைன் ஏன் இல்லை?
இது தொடர்பாக தனது யூடியூப் சேனலில் பேசிய அஸ்வின் "டி20 உலகக் கோப்பைக்கான அணியில் நிக்கோலஸ் பூரன் மற்றும் சுனில் நரைனை வெஸ்ட் இண்டீஸ் தேர்வு செய்யாதது எனக்கு மிகுந்த ஏமாற்றமளிக்கிறது.
நீங்கள் அவர்களுடன் அமர்ந்து பேசி, அவர்களை உலகக் கோப்பைக்கு அழைத்து வர வேண்டும். உங்கள் நாட்டிலிருந்து நிக்கோலஸ் பூரன் மற்றும் சுனில் நரைனை விட்டுவிட்டு எப்படி ஒரு உலகக் கோப்பைக்குச் செல்ல முடியும்? என்று கேள்வி எழுப்பியுள்ளார்.
மறுபரிசீலனை செய்ய வேண்டும்
தொடர்ந்து பேசிய அஸ்வின், ''நான் வெஸ்ட் இண்டீஸ் அணியின் தீவிர ரசிகன். அவர்களிடம் அதிக திறமை உள்ளது. ஆனால் அவர்கள் திட்டமிடும் விதமும், சில சமயங்களில் வெஸ்ட் இண்டீஸில் உள்ள உள்கட்டமைப்பும் என்னை வாயடைக்க வைக்கிறது.
வெஸ்ட் இண்டீஸ் கிரிக்கெட்டுக்கு அதிக திறனும், ஆற்றலும் இருப்பதாக நான் நினைக்கிறேன். ஆனால் உலகக் கோப்பைகளை அவர்கள் அணுகும் மற்றும் திட்டமிடும் விதத்தை அவர்கள் உண்மையில் மறுபரிசீலனை செய்ய வேண்டும்" என்று கூறினார்.
2 முறை சாம்பியன் வெஸ்ட் இண்டீஸ் அணி
2024 டி20 உலகக் கோப்பைக்குப் பிறகு, வெஸ்ட் இண்டீஸ் 43 போட்டிகளில் 14-ல் மட்டுமே வெற்றி பெற்றுள்ளது, 27-ல் தோல்வியடைந்துள்ளது மற்றும் இரண்டு போட்டிகள் முடிவின்றி முடிந்தன.
இரண்டு முறை சாம்பியனான இந்த அணி, நடப்பு சாம்பியனான இந்தியா, நேபாளம், ஸ்காட்லாந்து மற்றும் இத்தாலியுடன் 'சி' பிரிவில் உள்ளது. பிப்ரவரி 7 அன்று கொல்கத்தாவில் ஸ்காட்லாந்திற்கு எதிராக தனது பயணத்தைத் தொடங்கும்.
வெஸ்ட் இண்டீஸ் டி20 உலகக் கோப்பை அணி
ஷாய் ஹோப் (கேப்டன்), ஷிம்ரோன் ஹெட்மியர், ஜான்சன் சார்லஸ், ரோஸ்டன் சேஸ், மேத்யூ ஃபோர்டே, ஜேசன் ஹோல்டர், அகீல் ஹொசைன், ஷமர் ஜோசப், பிராண்டன் கிங், குடகேஷ் மோட்டி, ரோவ்மன் பவல், ஷெர்ஃபேன் ரூதர்ஃபோர்ட், குவென்டின் சாம்ப்சன், ஜெய்டன் சீல்ஸ் மற்றும் ரொமாரியோ ஷெப்பர்ட்.