U19 WC IND vs AFG: ஆரோன் ஜார்ஜ் சதம், சூர்யவன்ஷி ருத்ரதாண்டவம்.. ஆப்கானை பந்தாடி பைனலுக்கு சென்ற இந்தியா!

U19 World Cup: U19 50 ஓவர் உலகக்கோப்பையில் இந்திய அணி ஆப்கானிஸ்தானை வீழ்த்தி இறுதிப்போட்டிக்குள் நுழைந்துள்ளார். ஆரோன் ஜார்ஜ் சூப்பர் சதம் விளாசினார்.

U19 ஓடிஐ உலகக்கோப்பை; பைனல் சென்ற இந்தியா

U19 ஓடிஐ உலகக்கோப்பையில் ஆப்கானிஸ்தானுக்கு எதிரான அரையிறுதி போட்டியில் இந்திய அணி 7 விக்கெட் வித்தியாசத்தில் அபார வெற்றி பெற்று இறுதிப்போட்டிக்கு சென்றுள்ளது. ஆப்கானிஸ்தான் அணி நிர்ணயித்த 311 ரன்கள் இலக்கை இந்திய அணி 3 விக்கெட் மட்டுமே இழந்து 41.1 ஓவரில் சேஸ் செய்து மாஸ் காட்டியுள்ளது. 

இந்திய வீரர் ஆரோன் ஜார்ஜ் 104 பந்துகளில் 15 பவுண்டரி, 2 சிக்சர்களுடன் 115 விளாசினார். ருத்ரதாண்டமாடிய வைபவ் சூர்யவன்ஷி 33 பந்துகளில் 9 பவுண்டரி, 4 சிக்சர்களுடன் 68 ரன்கள் எடுத்தார்.

ஆப்கானிஸ்தான் முதல் பேட்டிங்

இந்த போட்டியில் முதலில் பேட்டிங் செய்த ஆப்கானிஸ்தான் அணி 50 ஓவரில் 4 விக்கெட் இழப்பிற்கு 310 ரன்கள் குவித்தது. அந்த அணி வீரர் பைசல் ஷினோசாடா 93 பந்துகளில் 15 பவுண்டரியுடன் 110 ரன்களுடன் சூப்பர் சதம் விளாசினார். 

இதேபோல் சதம் அடித்த மற்றொரு வீரரான உசைருல்லா நியாசி 86 பந்துகளில் 12 பவுண்டரி, 2 சிக்சருடன் நாட் அவுட் ஆகாமல் களத்தில் இருந்தார். இந்திய அணி தரப்பில் தீபேஷ் தேவேந்திரன், கனிஷ்க் சௌஹான் தலா 2 விக்கெட்டுகளை வீழ்த்தினார்கள்.

ஆரோன் ஜார்ஜ் சூப்பர் சதம்

பின்பு இமாலய இலக்கை நோக்கி இந்திய அணி பேட்டிங் செய்த நிலையில், தொடக்க வீரர்கள் வைபவ் சூர்யவன்ஷியும், ஆரோன் ஜார்ஜும் சூப்பரான தொடக்கம் அளித்தனர். ஆரோன் ஜார்ஜ் மெதுவாக விளையாட சூர்யவன்ஷி தனது வழக்கமான ஸ்டைலில் சிக்சர் மழை பொழிந்தார். 33 பந்தில் 4 சிக்சர்களுடன் 68 ரன்கள் அடித்து அவர் அவுட் ஆனார்.

பைனலில் இந்தியா, இங்கிலாந்து

பின்பு ஜோடி சேர்ந்த கேப்டன் ஆயுஷ் மாத்ரேவும் சிறப்பாக விளையாடி 59 பந்தில் 5 பவுண்டரி, 4 சிக்சருடன் 62 ரன்கள் எடுத்து அவுட் ஆனார். மறுபக்கம் பொறுப்பாக விளையாடி சூப்பர் சதம் (115 ரன்) விளாசிய கேரள வீரர் ஆரோன் ஜார்ஜ் அணி வெற்றியை நெருங்கிய சமயத்தில் அவுட் ஆனார். 

இந்திய அணி 3 விக்கெட் மட்டுமே இழந்து பிரம்மாண்ட வெற்றி பெற்று பைனலுக்குள் சென்றுள்ளது. பிப்ரவரி 6ம் தேதி (வெள்ளிக்கிழமை) இந்தியாவும், இங்கிலாந்தும் பைனலில் மோதுகின்றன.