Jadeja: கிரிக்கெட் மட்டும் இல்ல அரசியலிலும் நான் ஆல்-ரவுண்டர்: பாஜக.வில் இணைந்தார் ஜடேஜா

இந்திய கிரிக்கெட் அணியின் நட்சத்திர ஆட்டக்காரரான ரவீந்திர ஜடேஜா தன்னை பாஜக.வில் இணைத்துக் கொண்டதற்கான உறுப்பினர் அடையாள அட்டையை அவரது மனைவி ரிவாபா ஜடேஜா எக்ஸ் தளத்தில் பகிர்ந்துள்ளார்.

Jadeja in BJP

இந்திய கிரிக்கெட் அணியின் நட்சத்திர ஆல்-ரவுண்டர் ஆட்டக்காரரான ரவீந்திர ஜடேஜா குஜராத் மாநிலத்தைப் பூர்வீகமாகக் கொண்டவர். இந்திய கிரிக்கெட் அணியில் எந்த பகுதியில் வெற்றிடம் ஏற்பட்டாலும் அதனை பூர்த்தி செய்யும் நபராக ஜடேஜா அறியப்பட்டார். உதாரணமாக பந்துவீச்சில் வெற்றிடம் ஏற்பட்டாலும் சரி, பேட்டிங்கில் அடுத்தடுத்து விக்கெட்டுகள் சரிந்தாலும் சரி தனது முழு திறனையும் வெளிப்படுத்தி அணிக்கு தனது பங்களிப்பை வழங்குவார்.

Ravindra Jadeja

ஜடேஜா குஜராத் மாநிலத்தைச் சேர்ந்தவராக இருந்தாலும் ஐபிஎல் போட்டிகளில் அவர் என்று சென்னை அணிக்காக விளையாடத் தொடங்கினாரோ அன்று முதல் அவர் சென்னையைச் சேர்ந்தவர் போன்ற உணர்வையே ரசிகர்கள் பெறுகின்றனர். அந்த அளவிற்கு தாம் சார்ந்த அணி என்ற அடிப்படையில் சென்னைக்காக தனது முழு திறனையும் வெளிப்படுத்தில் பல போட்டிகளில் வெற்றி பெறச் செய்துள்ளார். 

Jadeja with Dhoni

அந்த வகையில் 2023ம் ஆண்டு சென்னை அணிக்கும், குஜராத் அணிக்கும் நடைபெற்ற ஐபிஎல் இறுதிப் போட்டியை கிரிக்கெட் ரசிகர்கள் யாரும் அவ்வளவு சீக்கிரம் மறந்துவிட முடியாது. காரணம், பெரும்பாலும் குஜராத் அணிக்கு சாதகமாகவே அனைத்தும் அமைந்து வந்தது. மேலும் போட்டியும் குஜராத் ஹோம் கிரவுண்டிலேயே நடைபெற்றது. குஜராத்தின் டார்கெட்டை நோக்கி வேகமாக சென்ற சென்னை அணி கடைசியில் சற்று இக்கட்டான நிலைக்கு தள்ளப்பட்டது. கடைசி இரண்டு பந்துகளில் 10 ரன்கள் தேவை என்ற நிலையில் ஜடேஜா தான் பேட்டிங் முனையில் இருப்பார்.

All Rounder Jadeja

போட்டி முடிவடைந்துவிட்டது, குஜராத் தான் சாம்பியன் என்று பலரும் நினைத்தனர். ஆனால், கடைசி இரு போட்டிகளையும் ஜடேஜா பவுண்டரி, சிக்சர் விளாசி சென்னை அணிக்கு கோப்பையை பெற்றுத் தந்தார். அந்த போட்டியில் ஜடேஜா தனது சொந்த மாநிலத்தை எதிர்த்து தாம் சார்ந்த அணிக்காக உண்மையாக விளையாடி கோப்பையை பெற்று தந்த விதம் ரசிகர்கள் அனைவருக்கும் நெகிழ்ச்சியை ஏற்படுத்தியது.

Jadeja Joins BJP

இதுஒருபுறம் இருக்க ஜடேஜாவின் மனைவி ரிவாபா ஜடேஜா குஜராத் மாநிலத்தில் பாஜக சார்பில் போட்டியிட்டு சட்டமன்ற உறுப்பினராக செயல்பட்டு வருகிறார். பாஜக சட்டமன்ற உறுப்பினர் என்ற அடிப்படையில் அவ்வபோது பாஜக மூத்த தலைவர்களை அவர் நேரில் சந்தித்து வருவார். அப்போது அவரது கணவரும், இந்திய கிரிக்கெட் அணியின் நட்சத்திர ஆட்டக்காரருமான ஜடேஜாவும் பெரும்பாலும் உடன் இருப்பார். இதனால் அவர் பாஜகவில் இணைகிறார், இணைகிறார் என அவ்வபோது புரளிகள் வரும்.

இந்நிலையில் ஜடேஜா தன்னை பாஜக.வில் இணைத்துக் கொண்டுள்ளார். பாஜக.வில் இணைந்ததற்கான உறுப்பினர் அடையாள அட்டையை அவரது மனைவி ரிவாபா ஜடேஜா தமது எக்ஸ் தள பக்கத்தில் வெளியிட்டு உள்ளார். கடந்த ஜூன் மாதம் நடைபெற்ற டி20 உலகக்கோப்பைத் தொடரின் இறுதிப் போட்டியில் தென்னாப்பிரிகாவை வீழ்த்தி சரித்திர வெற்றியை பதிவு செய்தது. இந்த போட்டியோடு டி20 போட்டிகளில் இருந்து ஜடேஜா ஓய்வு பெற்றார் என்பது குறிப்பிடத்தக்கது.