IND vs AUS 1st T20.. ஹர்சித் ராணாவுக்காக கழட்டி விடப்படும் 'ஸ்டார்' பவுலர்! இந்திய அணி பிளேயிங் லெவன்!

IND vs AUS 1st T20: நாளை நடைபெற உள்ள ஆஸ்திரேலியாவுக்கு எதிரான முதல் டி20 போட்டியில் இந்திய அணியின் பிளேயிங் என்ன? ஹர்சித் ராணாவுக்காக வாய்ப்பை இழக்கும் ஸ்டார் பவுலர் யார்? என்பது குறித்து பார்ப்போம்.

இந்தியா vs ஆஸ்திரேலியா டி20 தொடர்

இந்திய கிரிக்கெட் அணி ஆஸ்திரேலியாவுக்கு சுற்றுப்பயனம் செய்து 3 போட்டிகள் கொண்ட ஓடிஐ தொடரிலும், 5 போட்டிகள் கொண்ட டி20 தொடரிலும் விளையாடி வருகிறது. இதில் ஓடிஐ தொடரை 2 1 என்ற கணக்கில் இந்திய அணி பறிகொடுத்தது. இந்திய அணி அடுத்து ஆஸ்திரேலியாவுடன் 5 போட்டிகள் கொண்ட டி20 தொடரில் விளையாடுகிறது.

வெற்றியுடன் தொடங்குமா இந்தியா?

இதில் முதலாவது டி20 போட்டி நாளை (புதன்கிழமை) கான்பெராவில் நடைபெற உள்ளது. ஓடிஐ தொடரை இழந்ததால் முதல் டி20 போட்டியை இந்திய அணி வெற்றியுடன் தொடங்க முயற்சிக்கும். அண்மையில் சூர்யகுமார் யாதவ் தலைமையிலான இந்திய அணி டி20 வடிவில் நடந்த ஆசிய கோப்பையை கைப்பற்றி அசத்தியது. கிட்டத்தட்ட அதே அணி தான் ஆஸ்திரேலியாவுக்கு எதிரான டி20 தொடரிலும் களமிறங்குகிறது.

இந்திய அணி பேட்டிங் ஆர்டர் எப்படி?

இதில் நாளை நடக்கும் முதல் போட்டியில் இந்திய அணியின் பிளேயிங் லெவன் எப்படி இருக்கும்? என்ற எதிர்ப்பார்ப்பு எழுந்துள்ளது. அபிஷேக் சர்மா, சுப்மன் கில் வழக்கம்போல் ஓப்பனிங்கில் களமிறங்குவார்கள். ஒன் டவுனில் திலக் வர்மா, அதன்பின்பு கேப்டன் சூர்யகுமார் யாதவ், மிடில் வரிசையில் சஞ்சு சாம்சன், ஷிவம் துபே களமிறங்க உள்ளனர். இதன் பிறகு அக்சர் படேல், வாஷிங்டன் சுந்தர் பேட்டிங்கில் களமிறங்குவார்கள்.

ஹர்சித் ராணாவுக்காக இடத்தை இழக்கும் சூப்பர் பவுலர்

ஸ்பின் பவுலிங்கை பொறுத்தவரை அக்சர், வாஷிங்டன் உடன் குல்தீப் யாதவ்வும் இடம்பெறுவார் என எதிர்பார்க்கப்படுகிறது. தமிழக ஸ்பின்னர் வருண் சக்கரவர்த்திக்கு இடம் கிடைக்க வாய்ப்பில்லை. பாஸ்ட் பவுலிங்கை பொறுத்தவரை பும்ராவுடன், கம்பீருக்கு பிடித்த வீரரான ஹர்சித் ராணா கைகோர்க்க வாய்ப்பு இருப்பதால் சிறந்த டி20 பவுலரான அர்ஷ்தீப் சிங்குக்கு இடம் கிடைப்பது கஷ்டம் தான்.

இந்திய அணி உத்தேச பிளேயிங் லெவன்

அப்படி ஒருவேளை பாஸ்ட்டுக்கு சாதகமான பிட்ச் அமைந்தால் குல்தீப் யாதவ் கழட்டி விடப்பட்டு அர்ஷ்தீப் சிங் சேர்க்கப்படுவார். ஆஸ்திரேலியாவுக்கு எதிரான முதல் டி20 போட்டியில் இந்திய அணியின் உத்தேச பிளேயிங் லெவன்: சூர்யகுமார் யாதவ் (கேப்டன்), சுப்மன் கில், அபிஷேக் சர்மா, திலக் வர்மா, சஞ்சு சாம்சன், ஷிவம் துபே, அக்சர் படேல், வாஷிங்டன் சுந்தர், ஹர்ஷித் ராணா, ஜஸ்பிரித் பும்ரா, அர்ஷ்தீப் சிங் அல்லது குல்தீப் யாதவ்.