டெஸ்ட் தொடர் கை மீறிவிட்டது: பேட் கம்மின்ஸ் ஆஸ்திரேலியாவில் இருந்தால் போதும்: ஜேசன் கில்லெஸ்பி!

இந்தியாவுக்கு எதிரான எஞ்சிய போட்டிகளில் விளையாடாமல் பேட் கம்மின்ஸ் ஆஸ்திரேலியாவிலேயே இருக்க வேண்டும் என்று முன்னாள் வீரர் ஜேசன் கில்லெஸ்பி கூறியுள்ளார்.

பேட் கம்மின்ஸ்

இந்தியா மற்றும் ஆஸ்திரேலியா அணிகளுக்கு இடையிலான 4 டெஸ்ட் போட்டிகள் கொண்ட பார்டர் கவாஸ்கர் டிராபி தொடர் இந்தியாவில் நடந்து வருகிறது. இதில், இந்தியா முதல் டெஸ்ட் போட்டியில் இன்னிங்ஸ் மற்றும் 132 ரன்கள் வித்தியாசத்திலும் 2ஆவது டெஸ்ட் போட்டியில் 6 விக்கெட் வித்தியாசத்திலும் வெற்றி பெற்றது.

பேட் கம்மின்ஸ்

இதன் மூலம் இந்தியா 4 டெஸ்ட் போட்டிகள் கொண்ட தொடரில் 2-0 என்ற கணக்கில் முன்னிலை பெற்றுள்ளது. இதையடுத்து வரும் மார்ச் 1 ஆம் தேதி 3ஆவது டெஸ்ட் போட்டியும், 9ஆம் தேதி 4ஆவது டெஸ்ட் போட்டியும் நடக்கிறது.

பேட் கம்மின்ஸ்

ஆனால், அடுத்தடுத்த போட்டிகளில் ஆஸ்திரேலியா ஜெயிக்குமா என்பது கேள்விக்குறியாகியுள்ளது. ஆஸ்திரேலியாவில் டேவிட் வார்னர், ஜோஷ் ஹசல்வுட் ஆகியோர் காயம் காரணமாக விலகியுள்ளனர். மிட்செல் ஸ்டார்க் முதல் 2 டெஸ்ட் போட்டிகளில் பங்கேற்கவில்லை. 

பேட் கம்மின்ஸ்

மிட்செல் ஸ்வீப்சனும் முதல் குழந்தை பிறந்ததைத் தொடர்ந்து நாடு திரும்பினார். இப்படி ஆஸ்திரேலியாவுக்கு அடுத்தடுத்து சோதனைகள் நடந்த நிலையில், பேட் கம்மின்ஸூம் கடந்த 20 ஆம் தேதி நாடு திரும்பினார்.

பேட் கம்மின்ஸ்

ஆம், 2வது டெஸ்ட் போட்டி முடிந்ததும், ஆஸ்திரேலிய கேப்டன் பாட் கம்மின்ஸ் குடும்ப விவகாரம் காரணமாக ஆஸ்திரேலியாவிற்கு திரும்பினார். அவர் 3வது டெஸ்ட்டுக்கு முன் இந்தியா திரும்புவார் என எதிர்பார்க்கப்பட்ட நிலையில், அவரது தாய்க்கு உடம்பு சரியில்லை என்பதால் அவர் இந்தியாவிற்கு திரும்புவதில்லை என்று முடிவு எடுத்துள்ளார்.

பேட் கம்மின்ஸ்

ஆனால், 4ஆவது டெஸ்ட் போட்டியில் பங்கேற்க வாய்ப்பிருப்பதாக தகவல் வெளியானது. இந்த நிலையில் தான் ஆஸ்திரேலியாவின் முன்னாள் பந்து வீச்சாளர் ஜேசன் கில்லெஸ்பி, பேட் கம்மின்ஸ் ஆஸ்திரேலியாவிலேயே இருக்க வேண்டும் என்று கூறியுள்ளார்.

பேட் கம்மின்ஸ்

இது குறித்து அவர் கூறியிருப்பதாவது: ஏற்கனவே டெஸ்ட் தொடரி கை மீறி சென்றுவிட்டது. அப்படியிருக்கும் போது இந்த சூழ்நிலையில், பேட் கம்மின்ஸ் அவரது வீட்டில் தான் இருக்க வேண்டும்.

பேட் கம்மின்ஸ்

இந்த ஆண்டுக்குப் பிறகு இன்னும் முக்கியமான தொடர்கள் ஆஸ்திரேலிய கேப்டனுக்கு கிடைக்கும். ஆனால்,  அவரது குடும்பத்துடன் இருப்பதற்கு இதுதான் சரியான சமயம். ஒரு மகனாக உங்களது குடும்பத்தைச் சுற்றியே இருங்கள். 

பேட் கம்மின்ஸ்

குடும்பம் தான் முதலிடம். ஏற்கனவே 2 போட்டிகளில் வெற்றி பெற்று, 3ஆவது போட்டியில் வெற்றி பெற்று தொடரை கைப்பற்றும் நோக்கத்தில் உள்ளது. ஆஸ்திரேலியா எஞ்சிய போட்டிகளில் வெற்றி பெற்று ஒயிட்வாஷ் ஆவதை தவிர்க்கும் என்று அவர் கூறியுள்ளார்.