Yuvraj Singh Biopic Movies: யுவராஜ் சிங்கின் வாழ்க்கை வரலாற்று படம் – யுவியாக வாழ நடிகர்களை தேடும் இயக்குநர்!

தோனி, கபில் தேவ், சச்சின் டெண்டுல்கரின் வாழ்க்கை வரலாற்று படங்களைத் தொடர்ந்து இந்திய அணியின் முன்னாள் வீரர் யுவராஜ் சிங்கின் வாழ்க்கை வரலாற்று படம் அறிவிக்கப்பட்டுள்ளது.

இந்திய அணியின் முன்னாள் கிரிக்கெட் வீரர் யுவராஜ் சிங்கின் வாழ்க்கை வரலாற்றுப் படம் சமீபத்தில் அறிவிக்கப்பட்டதிலிருந்து, கிரிக்கெட் ரசிகர்கள் மத்தியில் பெரும் எதிர்பார்ப்பு நிலவி வருகிறது. எம்.எஸ். தோனி, சச்சின் டெண்டுல்கர் ஆகியோரின் வாழ்க்கை வரலாற்றுப் படங்கள் வெற்றி பெற்றதைத் தொடர்ந்து, யுவராஜ் சிங்கின் வாழ்க்கை வரலாற்றுப் படமும் உருவாக இருக்கிறது. அதற்கான நேரமும் தற்போது வந்துவிட்டது. 2011 ஐசிசி கிரிக்கெட் உலகக் கோப்பையை இந்தியா வெல்ல யுவராஜ் சிங் முக்கிய பங்கு வகித்தார். அணிக்காக விளையாடும் போதே, யுவராஜ் புற்றுநோயால் பாதிக்கப்பட்டிருந்தார், மேலும் பல ஆண்டுகள் போராடி அதை வென்றார்.

ரன்வீர் சிங்

கிரிக்கெட் வீரர் யுவராஜ் சிங்கின் வாழ்க்கையைப் பற்றியும், அவரது சாதனைகள் மற்றும் போராட்டங்களைப் பற்றியும் டி-சீரிஸ் நிறுவனம் வாழ்க்கை வரலாற்றுப் படத்தைத் தயாரிப்பதாக அறிவித்துள்ளது. இந்தப் படத்தில் யுவராஜ் சிங்காக நடிக்க தற்போது திரையுலகில் இருந்து இரண்டு நடிகர்களை ரசிகர்கள் விரும்புகிறார்கள். திறமையான கிரிக்கெட் வீரர் யுவராஜ் சிங்கின் பாத்திரத்தில் நடிக்க ரன்வீர் சிங் தற்போது போட்டியில் உள்ளார். 2021 ஆம் ஆண்டு வெளியான '83' என்ற படத்தில் இந்திய முன்னாள் கிரிக்கெட் கேப்டன் கபில் தேவாக ரன்வீர் நடித்திருந்தார். அவரது இயல்பான நடிப்பால் அனைவரையும் கவர்ந்தார் என்பது குறிப்பிடத்தக்கது.

விக்கி கௌஷல்

யுவராஜ் சிங்காக நடிக்கப் போட்டியிடும் மற்றொரு திறமையான நடிகர் விக்கி கௌஷல். சர்தார் உதம், சாம் மானேக்‌ஷா போன்ற சிறந்த நிஜ வாழ்க்கை கதாபாத்திரங்களில் விக்கி நடித்துள்ளார். விக்கி கௌஷல் யுவராஜ் சிங்கின் பாத்திரத்திற்கு சிறந்த தேர்வாக இருப்பார் என்று ஒரு தரப்பினர் வாதிடுகின்றனர். அதேபோல், டைகர் ஷெராஃப் கிரிக்கெட் வீரர் யுவராஜ் சிங்காக நடிக்க வேண்டும் என்று சில ரசிகர்கள் கோரிக்கை விடுத்துள்ளனர். 

யுவராஜ் சிங் வாழ்க்கை வரலாற்று படம்

யுவராஜ் சிங் தனது வாழ்க்கை வரலாற்றுப் படம் குறித்துப் பேசுகையில், "உலகம் முழுவதும் உள்ள எனது மில்லியன் கணக்கான ரசிகர்களுக்கு எனது கதையைக் காண்பிப்பது எனக்கு மிகவும் பெருமையாக இருக்கிறது. கிரிக்கெட் எனக்கு மிகுந்த அன்பையும், ஏற்ற தாழ்வுகளை எதிர்கொள்ளும் வலிமையையும் கொடுத்தது. கடினமான காலங்களில் எப்படி திரும்பி வர வேண்டும் என்பதற்கு இந்தப் படம் மற்றவர்களுக்கு உத்வேகத்தை அளிக்கும் என்று நான் நம்புகிறேன்" என்றார்.

Yuvraj Singh Biopic Movies

இந்த வாழ்க்கை வரலாற்றுப் படத்தின் தலைப்பு, நடிகர்கள் மற்றும் குழுவினர் குறித்த விவரங்களை படக்குழு இன்னும் வெளியிடவில்லை. பூஷண் குமார் மற்றும் ரவி பக்சந்தனி இணைந்து இந்தப் படத்தைத் தயாரிக்கின்றனர். யுவராஜின் வாழ்க்கை வரலாற்றுப் படம் மீதான எதிர்பார்ப்பு மிக அதிகமாக உள்ளது.