Shampoo Hacks: ஷாம்பூ தலைக்கு மட்டுமல்ல.. துணி முதல் குழாய் கறை வரை நீக்கலாம்.. இதை படிங்க!

Shampoo Hacks: நாம் தினமும் பயன்படுத்தும் ஷாம்பூ தலைக்கு மட்டும் தான் என நினைத்துக் கொண்டிருக்கிறோம். ஆனால் ஷாம்பை வைத்து துணி முதல் குழாய் கறைகள் வரை நீக்க முடியும். இது குறித்து இந்த செய்தியில் பார்ப்போம்.

ஷாம்பூவின் அசத்தல் பயன்கள் - Shampoo Hacks

தலைமுடியை அலசப் பயன்படும் ஷாம்பூ, குளியலறையில் ஒரு மூலையில் இருக்கும் சாதாரண பொருள் என்றுதானே நினைத்திருக்கிறீர்கள். ஆனால், அதே ஷாம்பூவை வைத்து உங்கள் வீட்டின் பல மூலைகளையும் பளபளப்பாக்க முடியும். இதில் ஆச்சரியப்பட ஒன்றுமில்லை. 

ஷாம்பூவில் உள்ள மென்மையான சுத்திகரிப்பு மூலக்கூறுகள் எண்ணெய் மற்றும் அழுக்குகளை அகற்றுவதில் சிறப்பாகச் செயல்படுகின்றன. கடுமையான கெமிக்கல் கிளீனர்களுக்குப் பதிலாக, சில சமயங்களில் ஷாம்பூ ஒரு சிறந்த மாற்றாக அமையும். ஆனால், விலை உயர்ந்த பொருட்களின் மீது பயன்படுத்தும் முன், ஒரு சிறிய மறைவான இடத்தில் சோதனை செய்து பார்ப்பது எப்போதும் பாதுகாப்பானது.

இதையும் படிங்க: வெள்ளி கொலுசு கறுத்துப்போச்சா? புதுசு போல ஜொலிக்க வைக்க சூப்பர் டிப்ஸ்!

ஷாம்பூவால் என்னென்ன பயன்கள்?

குளியலறை குழாய் கறைகளை ஷாம்பு நீக்கும்

குளியலறை மற்றும் சமையலறையில் உள்ள க்ரோம் குழாய்களில் படியும் நீர்க்கறை மற்றும் சோப்புப் படிவுகளை நீக்க, ஷாம்பூ ஒரு எளிய வழி. மென்மையான துணியில் சில துளிகள் ஷாம்பூவை எடுத்து குழாய்களைத் துடைத்து, ஈரத்துணியால் சுத்தம் செய்தால் போதும், புதியது போல பளபளக்கும்.

ஆடைகளில் உள்ள எண்ணெய் கறைகளை ஷாம்பூ நீக்கும்

இதேபோல, மேஜை, அலமாரி போன்ற லேமினேட் செய்யப்பட்ட பரப்புகளில் உள்ள கைரேகைகள் மற்றும் பிசுக்குகளை அகற்றவும் ஷாம்பூ கலந்த நீரைப் பயன்படுத்தலாம். ஆடைகளில் படும் திடீர் எண்ணெய் கறைகள் எரிச்சலூட்டும். 

அந்தக் கறையின் மீது நேரடியாக சில துளிகள் ஷாம்பூ விட்டு, சில நிமிடங்கள் ஊறவைத்து, மெதுவாகத் தேய்த்துப் பிறகு துவைத்தால் கறை மாயமாக மறைந்துவிடும். பட்டு, கம்பளி போன்ற மென்மையான ஆடைகளைத் துவைக்கவும், கடுமையான டிடர்ஜெண்டுகளுக்குப் பதிலாக பேபி ஷாம்பூ அல்லது மைல்டு ஷாம்பூவைப் பயன்படுத்தினால், துணிகளின் ஆயுள் நீடிக்கும்.

இதையும் படிங்க: டாய்லெட்ல கெட்ட வாடையா? 2 பூண்டு போதும்! மேஜிக்கை நீங்களே பாருங்க!

மேக்கப் பொருட்களின் கறைகள்

பெண்கள் பயன்படுத்தும் மேக்கப் பிரஷ்களில் தேங்கும் ஃபவுண்டேஷன் எச்சங்கள் மற்றும் பாக்டீரியாக்களை அகற்ற, வெதுவெதுப்பான நீரில் ஷாம்பூ கலந்து சுத்தம் செய்யலாம். இது பிரஷ்களின் மென்மையைப் பாதிக்காமல் சுத்தமாக்கும். ஏன், உங்கள் வீட்டு செடிகளின் இலைகளில் படிந்துள்ள தூசியை அகற்றக்கூட ஷாம்பூ உதவும். ஒரு லிட்டர் தண்ணீரில் ஓரிரு துளிகள் ஷாம்பூ கலந்து, அந்த நீரால் இலைகளை மெதுவாகத் துடைத்தால், செடிகள் புத்துணர்ச்சி பெறும்.

இதையும் படிங்க: அயர்ன் பாக்ஸ் கறையை 5 நிமிடத்தில் நீக்கலாம்! சமையலறை பொருட்கள் போதும்!

ஷாம்பூ பயன்படுத்துவதற்கு முன் இதை கவனியுங்கள்

ஷாம்பூ பல வேலைகளுக்கு உதவினாலும், அதை எல்லா இடங்களிலும் கண்மூடித்தனமாகப் பயன்படுத்த முடியாது. குறிப்பாக, மார்பிள், கிரானைட் போன்ற இயற்கை கற்கள் பதிக்கப்பட்ட தரைகள் அல்லது மேடைகளில் பயன்படுத்தும் முன், மிகச் சிறிய இடத்தில் சோதனை செய்வது அவசியம். ஏனெனில், சில ஷாம்பூக்கள் அவற்றின் பளபளப்பைப் பாதிக்கக்கூடும். எந்தவொரு பொருளைச் சுத்தம் செய்வதற்கும் மிகக் குறைந்த அளவு ஷாம்பூவே போதுமானது.

சுத்தம் செய்த பிறகு, சோப்பு எச்சங்கள் நீங்கும் வரை ஈரத்துணியால் நன்றாகத் துடைக்க வேண்டும். மிக முக்கியமாக, ப்ளீச் அல்லது அமிலம் போன்ற வேறு எந்த ரசாயனங்களுடனும் ஷாம்பூவைக் கலக்கவே கூடாது; அது எதிர்பாராத விளைவுகளை ஏற்படுத்தக்கூடும். அடுத்த முறை ஷாம்பூ பாட்டில் தீர்ந்துபோகும் நிலையில் இருக்கும்போது, அதை அப்படியே தூக்கி எறிந்துவிட வேண்டாம். இந்த சின்னச்சின்ன வீட்டுப் பராமரிப்பு வேலைகளுக்கு அதைப் பயன்படுத்தி பாருங்கள்.