Women Cancer Report: ஐதராபாத்தில் ஒவ்வொரு 6 பெண்களில் ஒருவருக்குப் புற்றுநோய் வரும் அபாயம் இருப்பதாக ஐசிஎம்ஆர் அறிக்கை அதிர்ச்சி தகவலை வெளியிட்டுள்ளது.
ஒவ்வொரு 6 பெண்களில் ஒருவருக்கு புற்றுநோய் ஏற்படும் அபாயம்
தற்போதைய காலக்கட்டத்தில் சர்க்கரை வியாதி போல புற்றுநோய் பாதிப்புகளின் எண்ணிக்கை நாளுக்கு நாள் அதிகரித்து வருகிறது. இந்நிலையில் ICMR புற்றுநோய் தொடர்பான அதிர்ச்சி தகவல் ஒன்றை வெளியிட்டுள்ளது. ஐதராபாத்தில் வசிக்கும் ஒவ்வொரு 6 பெண்களில் ஒருவருக்குப் புற்றுநோய் ஏற்படும் அபாயம் இருப்பதாக ICMR வெளியிட்ட ஆய்வில் தெரிவிக்கப்பட்டுள்ளது.
27
ஆண்களுக்கு ஆபத்து குறைவு
ஆண்களுக்கு ஆபத்து குறைவு என்றாலும், இதுவும் கவலைக்குரிய விஷயமாகும். தெலங்கானா மக்களுக்குப் புற்றுநோய் என்பது இனி தொலைதூர சாத்தியம் இல்லை என்பதை இந்த ஆய்வு அறிக்கைகள் காட்டுகின்றன. 2026-ல் தெலங்கானாவில் 46,762 புதிய புற்றுநோய் பாதிப்புகளும், 2030-ல் இது 47,314 ஆகவும் உயரும் என அறிக்கை கூறுகிறது.
37
பொதுமக்களுக்கு விழிப்புணர்வு முக்கியம்
பெண்கள்தான் புற்றுநோயால் அதிகம் பாதிக்கப்படுகிறார்கள். மாநிலத்தில் புற்றுநோய் பாதிப்பு தொடர்ந்து அதிகரித்து வருகிறது. இந்தச் சூழலைச் சமாளிக்க, ஆரம்பத்திலேயே கண்டறிவதும், பொதுமக்களிடையே விழிப்புணர்வை ஏற்படுத்துவதும் மிக முக்கியம் என்கிறார் நிம்ஸ் (NIMS) இயக்குநர் டாக்டர் பீரப்பா நகரி.
புற்றுநோய் பாதிப்புகளில் மூன்றில் ஒரு பங்கு மார்பகப் புற்றுநோய்
ஆண்களுக்கு வாய்வழிப் புற்றுநோய் 21.7%, நுரையீரல் புற்றுநோய் 10.5%, பெருங்குடல் புற்றுநோய் 7.9% என்ற அளவில் உள்ளது. பெண்களின் புற்றுநோய் பாதிப்புகளில் மூன்றில் ஒரு பங்கு மார்பகப் புற்றுநோயாக இருந்தாலும், 30 முதல் 49 வயதுடைய பெண்களில் வெறும் 0.3% மட்டுமே மார்பகப் பரிசோதனை செய்துகொண்டுள்ளனர்.
57
மார்பகப் புற்றுநோய்தான் முதலிடம்
பெண்களைப் பொறுத்தவரை, மார்பகப் புற்றுநோய்தான் முதலிடத்தில் உள்ளது. ஆண்களுக்கு வாய்வழிப் புற்றுநோய் பாதிப்பு அதிகமாகக் காணப்படுகிறது. பெண்களைத் தாக்கும் புற்றுநோய்களில் 36.2% மார்பகப் புற்றுநோய்தான். இதற்கு அடுத்தபடியாக, கர்ப்பப்பை வாய் புற்றுநோய் 8.1%, கருப்பை புற்றுநோய் 6.6% உள்ளன.
67
புற்றுநோயை தடுக்க என்ன வழி
கர்ப்பப்பை வாய் புற்றுநோய் பரிசோதனை செய்துகொள்வோர் எண்ணிக்கை மிகக் குறைவாக உள்ளது. வெறும் 3.3% பெண்களே இந்த பரிசோதனையைச் செய்துள்ளனர். வாய்வழிப் புற்றுநோயைப் பொறுத்தவரை, பெண்கள் 2.5%, ஆண்கள் 2.6% மட்டுமே பரிசோதனை செய்துள்ளனர். ஆரோக்கியமான வாழ்க்கை முறை, தொடர் மருத்துவப் பரிசோதனைகள் ஆகியவை புற்றுநோய் தடுப்பில் முக்கியப் பங்கு வகிக்கின்றன.
77
உலகம் முழுவதும் பெண்களிடையே மார்பகப் புற்றுநோய் அதிகரிப்பு
உலகம் முழுவதும் பெண்களிடையே மார்பகப் புற்றுநோய் பாதிப்பு அதிகரித்து வருகிறது. மாறிவரும் வாழ்க்கை முறை, உணவுப் பழக்கம், ஹார்மோன் மாற்றங்கள் ஆகியவை இதற்கு காரணமாக கூறப்படுகிறது. வலி இல்லாத கட்டிகளே இதன் முதல் அறிகுறி. மார்பகங்களின் அளவு அல்லது வடிவத்தில் மாற்றம், மார்புக் காம்பு உள்வாங்குதல், தோலின் நிறம் மாறுதல், திரவக் கசிவு ஆகியவை மார்பகப் புற்றுநோயின் மற்ற அறிகுறிகளாகும்.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
