மாம்பழம்னா எல்லோருக்கும் பிடிக்கும். ஆனால், புளிப்பான பச்ச மாங்காயை எப்போதாவது சாப்பிட்டிருக்கிறீர்களா? இந்த மாங்காயை சாப்பிடுவதால் உடலுக்கு பல நன்மைகள் இருக்கு தெரியுமா? அது என்னென்னன்னு பார்ப்போம் வாங்க.
கோடைக்காலம்னாலே மாங்காய் சீசன்தான். இந்த சீசன்ல மாம்பழத்தை எல்லாரும் விரும்பி சாப்பிடுவோம். பழுத்த மாம்பழம் சுவையா இருந்தாலும், பச்ச மாங்காயும் டேஸ்ட்ல ஒண்ணும் இல்ல. புளிப்பும் இனிப்பும் கலந்த பச்ச மாங்காய், உடம்புக்கும் ரொம்ப நல்லது. உங்க டயட்ல இதை சேர்த்துக்கிட்டா நிறைய நன்மைகளைப் பெறலாம்.
25
இவ்ளோ சத்து இருக்கா பச்ச மாங்காயில
பச்ச மாங்காயில் விட்டமின் சி அதிகமா இருக்கு. இதை சாப்பிட்டா, நோய் எதிர்ப்பு சக்தி அதிகமாகும். இதில் இருக்கும் ஆன்டிஆக்ஸிடன்ட்கள், ஃப்ரீ ரேடிக்கல்ஸ் பாதிப்பிலிருந்து உடலை பாதுகாக்கும். கோடைக்காலத்தில் உடல் சீக்கிரம் சூடாகிவிடும். பச்ச மாங்காய் உடலை குளிர்ச்சியாக வைத்து, டீஹைட்ரேஷன் ஆகாமல் தடுக்கும். இதில் உள்ள எலக்ட்ரோலைட்கள் உடலில் நீர்ச்சத்தை சமநிலையில் வைக்க உதவுகின்றன.
35
ஜீரண மண்டலத்தை பலப்படுத்தும்
பச்ச மாங்காய் உங்க ஜீரண மண்டலத்தை பலப்படுத்தும். இதில் உள்ள நார்ச்சத்து மற்றும் பெக்டின், மலச்சிக்கல், அஜீரணம் போன்ற பிரச்சனைகளை சரிசெய்யும். சாப்பாட்டுக்கு முன்னாடி, கொஞ்சம் பச்ச மாங்காயை உப்பு, மிளகுடன் சாப்பிட்டால் ஜீரணம் நல்லா நடக்கும், பசியும் தூண்டும். இது கல்லீரலுக்கும் ரொம்ப நல்லது. கல்லீரலை சுத்தம் செய்து, பித்தநீர் உற்பத்தியை இது சீராக்குகிறது.
பச்ச மாங்காயில் உள்ள ஆன்டிஆக்ஸிடன்ட்கள் மற்றும் விட்டமின்கள், சருமத்தையும் முடியையும் பளபளப்பாகவும் வலுவாகவும் வைத்திருக்க உதவும். இது உடம்பில் உள்ள நச்சுக்களை வெளியேற்றுவதால், சருமம் இயற்கையாகவே பொலிவு பெறும். முடி கொட்டும் பிரச்சனையும் குறையும்.
பச்ச மாங்காய் சுவையானது மட்டுமல்ல, கோடைக்காலத்தில் வரும் பல பிரச்சனைகளுக்கு ஒரு நல்ல தீர்வும் கூட. இந்த கோடைக்காலத்தை ஆரோக்கியமாகவும், உற்சாகமாகவும் கழிக்கணும்னு நினைச்சா, உங்க டயட்ல பச்ச மாங்காயை கண்டிப்பா சேர்த்துக்கோங்க.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
