Amla for Kids : குழந்தைகளுக்கு நெல்லிக்காய் கொடுக்குறதுல இவ்ளோ இருக்கா? பெற்றோரே! இது தெரியாம கொடுக்காதீங்க!

வளரும் குழந்தைகளுக்கு தினமும் நெல்லிக்காய் கொடுப்பதால் கிடைக்கும் அருகில் நன்மைகள் குறித்து இந்த பதிவில் தெரிந்து கொள்ளலாம்.

Amla for Kids

வளரும் குழந்தைகளுக்கு ஆரோக்கியமான உணவுகளை கொடுப்பது பெற்றோரின் கடமை. எனவே ஒவ்வொரு பெற்றோரும் தங்களது குழந்தையின் உணவில் ஏதாவது ஒரு வகையில் நெல்லிக்காய் கண்டிப்பாக சேர்க்க வேண்டும். ஏனெனில் 100 கிராம் நெல்லிக்காயில் இருக்கும் வைட்டமின் சி-யானது சுமார் 20 ஆரஞ்சு பழத்திற்கு சமம் என்று சொல்லப்படுகிறது. ஆனால் குழந்தைகள் நெல்லிக்காய் புளிப்பாக இருப்பதால் அதை விரும்பி சாப்பிட மாட்டார்கள். எனவே, பிற உணவுகளுடன் அதை சேர்க்கும்போது சுவையாகவும் இருக்கும், குழந்தைகளும் விரும்பி சாப்பிடுவார்கள். சரி இப்போது வளரும் குழந்தைகளுக்கு நெல்லிக்காய் கொடுப்பதால் என்னென்ன ஆரோக்கிய நன்மைகள் கிடைக்கும் என்பதை பற்றி இந்த பதிவில் பார்க்கலாம்.

இரும்புச்சத்து

வைட்டமின் சி தான் உணவில் இருந்து போதுமான இரும்புச்சத்தை உறிஞ்ச உதவுகிறது. இரும்புச்சத்து குறைபாடு இல்லை என்றால் ஹீமோகுளோபின் அளவும் மேம்படும். நெல்லிக்காயில் வைட்டமின் சி நிறைந்துள்ளதால் குழந்தைகளுக்கு ஏதாவது ஒரு வகையில் நெல்லிக்காயை அவர்களது உணவில் சேர்த்துக் கொள்ளுங்கள். இதனால் குழந்தைகளுக்கு இரும்புச்சத்து குறைபாடு ஏற்படாது.

செரிமான பிரச்சனை

தற்போது குழந்தைகளும் செரிமான பிரச்சனைகள் அவதிப்படுகிறார்கள். அதுமட்டுமல்லாமல் வயிற்று உப்புசம், நெஞ்செரிச்சல், குமட்டல் போன்ற பிரச்சினைகளும் வளரும் பிள்ளைகளிடம் இருக்கிறது. நெல்லிக்காயில் நிறைந்திருக்கும் நார்ச்சத்து குடல் ஆரோக்கியத்தை மேம்படுத்த உதவுகிறது. செரிமானத்தையும் ஊக்குவிக்கும். ஆக மொத்தம் வயிற்றை சுத்தம் செய்ய நெல்லிக்காய் முக்கிய பங்கு வகிக்கிறது.

நோய் எதிர்ப்பு சக்தி

குழந்தைகளுக்கு நோய் எதிர்ப்பு சக்தி அதிகரிக்கவும், தொற்று நோய்களை எதிர்த்து போராடவும் நெல்லிக்காய் உதவுகிறது. எனவே, குழந்தைகளின் உணவில் தினமும் நெல்லிக்காய் சேர்த்துக் கொள்ளுங்கள்.

பசி தூண்டப்படும்

பொதுவாக குழந்தைகளுக்கு எப்போதுமே பசி எடுக்காது. இதற்கு பல காரணங்கள் இருந்தாலும் குழந்தைகளுக்கு நெல்லிக்காய் கொடுப்பதன் மூலம் அவர்களது பசி தூண்டப்படும், ஆரோக்கியமான எடையும் அதிகரிக்கும்.

கண்ணுக்கு நன்மை

நெல்லிக்காயில் நிறைந்திருக்கும் வைட்டமின் ஏ குழந்தைகளின் கண் பார்வையை மேம்படுத்த உதவுகிறது. மேலும் இதில் இருக்கும் வைட்டமின் சி கண்ணை பாதிக்கும் பாக்டீரியாக்களை அழிக்க முக்கிய பங்கு வகிக்கிறது. குழந்தைகளின் உணவில் நெல்லிக்காய் சேர்ப்பதன் மூலம் அவர்களது கண் பார்வை கூர்மையாகும்.

ஞாபக சக்தி

நெல்லிக்காயில் இருக்கும் வைட்டமின், ஆன்டிஆக்சிடன்ட்கள் போன்ற ஊட்டச்சத்துக்கள் குழந்தைகளின் ஞாபக சக்தியை அதிகரிக்க உதவுகிறது. மேலும் டிமென்ஷியா பிரச்சனை உள்ளவர்களின் மூளை செயல்பாட்டை மேம்படுத்த பெரிதும் உதவுகிறது. எனவே பலரும் உங்கள் குழந்தையின் மூளை கம்ப்யூட்டர் வேகத்தில் செயல்பட அவர்களது உணவில் நெல்லிக்காய் சேர்க்கலாம்.