Washing Machine : தினசரி வாழ்வில் வாஷிங் மெஷினைப் பயன்படுத்தும்போது சிறு தவறுகள் உங்கள் துணிகளின் சுத்தம், இயந்திரத்தின் ஆயுள் ஆகியவற்றை எவ்வாறு பாதிக்கலாம் எனத் தெரிந்து கொள்ளுங்கள்.
வீட்டில் வாஷிங் மெஷின் வந்த பிறகு துணி துவைப்பது மிகவும் எளிதாகிவிட்டது. துணிகளைப் போட்டு டிடர்ஜென்ட் சேர்த்து, ஒரு வாஷ் மோடைத் தேர்வு செய்துவிட்டால் வேலை முடிந்துவிடும் என்று பலரும் நினைக்கிறோம். ஆனால், மெஷினைப் பயன்படுத்தும் முறையில் செய்யும் சில சின்னச் சின்ன தவறுகள் துணிகள் சரியாகத் துவையாமல் போகவும், டிடர்ஜென்ட் ரெசிடியூ உருவாகவும், மெஷினில் தேவையற்ற பிரச்சனைகள் ஏற்படவும் காரணமாகலாம். தினமும் துணி துவைக்கிறோம், ஆனால் இந்த சின்னச் சின்ன தவறுகளை நாமே செய்து கொண்டிருக்கிறோமா? அந்த 7 பொதுவான தவறுகள் என்னென்ன என்று இங்கு பார்க்கலாம்.
துணிகளை மெஷினில் போடும்போது பலரும் செய்யும் பொதுவான தவறு இது. வாஷிங் மெஷினின் கொள்ளளவைத் தாண்டி துணிகளை அடைத்து வைத்தால், அவை ட்ரம்முக்குள் சுதந்திரமாகச் சுழல முடியாது. இதனால் தண்ணீர் மற்றும் டிடர்ஜென்ட் துணிகளுக்குள் சரியாகச் செல்லாமல், துவைக்கும் திறன் பாதிக்கப்படலாம். அதிக லோடு மெஷினில் இம்பேலன்ஸ் மற்றும் ஸ்பின் பிரச்சனைகளையும் ஏற்படுத்தலாம். எனவே, மெஷினின் கெப்பாசிட்டியை மட்டும் பார்த்து துணிகளைத் திணிக்காமல், உங்கள் மாடலின் மேனுவலில் கொடுக்கப்பட்ட லோட் லிமிட்டைப் பின்பற்றுங்கள்.
2. டிடர்ஜென்ட் அதிகமா போட்டால் துணி இன்னும் சுத்தமாகுமா?
பலர் “அழுக்கு அதிகம் என்றால் டிடர்ஜென்ட் அதிகம்” என்று நினைக்கிறார்கள். ஆனால் இது எப்போதும் சரியல்ல. தேவைக்கு அதிகமான டிடர்ஜென்ட், அதிகமான ஃபோமை உருவாக்கி, துணிகளை அலசுவது சரியாக நடைபெறாமல் போகலாம். துணிகளில் டிடர்ஜென்ட் ரெசிடியூ படிவதுடன், மெஷினின் உள்ளேயும் பில்டப் ஏற்படலாம். துணிகளின் அளவு, அழுக்கு மற்றும் டிடர்ஜென்ட் தயாரிப்பாளரின் வழிமுறைக்கு ஏற்ப சரியான அளவைப் பயன்படுத்துங்கள். ஆட்டோமேட்டிக் வாஷிங் மெஷினுக்குப் பொருத்தமான லோ-சட்ஸ் டிடர்ஜென்ட் பயன்படுத்துவதும் முக்கியமானதாகும்.
வெள்ளை, கருப்பு, கலர் துணிகள் என எல்லாவற்றையும் ஒன்றாகப் போடுவது பலருக்கு சுலபமாகத் தோன்றலாம். ஆனால் இந்த முறை துணிகளின் நிறம் மாறுவதற்கும், சில துணிகள் சேதமடைவதற்கும் வழிவகுக்கும். மேலும், டவல்ஸ் போன்ற ரஃப் ஃபேப்ரிக்ஸை டெலிகேட் அல்லது சிந்தெடிக் துணிகளுடன் சேர்த்துத் துவைப்பதும் சரியான நடைமுறை அல்ல. துணியின் நிறம், ஃபேப்ரிக் டைப் மற்றும் கேர் லேபிள் ஆகியவற்றைப் பார்த்து லோடைப் பிரிப்பது நல்லது. குறிப்பாக வெள்ளைத் துணிகளைத் தனியாகவும், டார்க் அல்லது கலர் துணிகளைத் தனியாகவும் பிரிப்பது நல்லது.
4. துணிகளின் பாக்கெட்டை செக் செய்யாமல் மெஷினில் போடுவது!
பேண்ட் அல்லது ஷர்ட்டின் பாக்கெட்டில் இருக்கும் காயின், சேஃப்டி பின், சாவி, பேப்பர், டிஸ்யூ போன்ற பொருட்களை கவனிக்காமல் விட்டால் பிரச்சனை வரலாம். சிறிய பொருட்கள் ட்ரம் அல்லது டோர் சீலில் சிக்கலாம். கூர்மையான பொருட்கள் மெஷினின் சில பாகங்களையும் துணிகளையும் சேதப்படுத்தக்கூடும். அதனால், துணிகளை மெஷினுக்குள் போடுவதற்கு முன் எல்லா பாக்கெட்ஸையும் ஒருமுறை சரிபார்ப்பது நல்ல பழக்கம். இந்தச் செயல் மெஷினின் ஆயுளுக்கும், துணிகளின் பாதுகாப்பிற்கும் அவசியமாகும்.
வாஷ் சைக்கிள் முடிந்த பிறகும் ஈரமான துணிகளை பல மணி நேரம் மெஷினுக்குள்ளேயே வைத்திருப்பது நல்லதல்ல. ட்ரம்முக்குள் ஈரப்பதம் நீண்ட நேரம் இருப்பதால் துர்நாற்றம் மற்றும் மோல்ட் பில்டப் ஏற்பட வாய்ப்புள்ளது. ஈரமான துணிகளிலும் ஒருவித வாசனை உருவாகலாம். வாஷ் முடிந்ததும் துணிகளை விரைவாக வெளியே எடுத்து காயவைப்பது மிகவும் முக்கியம். ஃபிரண்ட்-லோட் மெஷின் பயன்படுத்துபவர்கள், வாஷ் முடிந்த பிறகு டோர்ரை சிறிது நேரம் திறந்து வைப்பது உள்ளே காற்றோட்டத்திற்கு உதவும். இது மெஷினின் உள்ளே சுத்தமாக இருக்க உதவும்.
6. துணிக்கு ஏற்ற வாஷ் மோடை பயன்படுத்தாமல் இருப்பது!
எல்லா துணிகளையும் ஒரே வாஷ் சைக்கிளில் துவைப்பதும் ஒரு தவறு. காட்டன், சிந்தெடிக், வூல், சில்க், டெலிகேட் ஃபேப்ரிக்ஸ் போன்றவற்றுக்கு வெவ்வேறு வாஷிங் தேவைகள் இருக்கலாம். துணியின் கேர் லேபிளைப் பார்த்து அதற்கேற்ற சைக்கிள் மற்றும் டெம்பரேச்சரைத் தேர்வு செய்வது நல்லது. உதாரணமாக, டெலிகேட் துணிகளை அதிகமான அஜிடேஷன் அல்லது அதிக வெப்பநிலை கொண்ட சைக்கிளில் துவைத்தால் அவற்றின் தன்மை பாதிக்கப்படலாம். மெஷினில் இருக்கும் ஒவ்வொரு மோடிற்கும் ஒரு காரணம் இருக்கிறது – அதற்கேற்ற துணிக்கு அதை பயன்படுத்துங்கள். இது துணிகளைப் பாதுகாக்கும்.
துணிகளை மட்டும் சுத்தமாக வைத்தால் போதாது; துணிகளைத் துவைக்கும் மெஷினையும் அவ்வப்போது சுத்தம் செய்ய வேண்டும். டிடர்ஜென்ட், ஃபேப்ரிக் சாஃப்ட்னர் மற்றும் அழுக்கு போன்றவை டிடர்ஜென்ட் டிராயர், டோர் சீல் மற்றும் ட்ரம் பகுதிகளில் தேங்கலாம். இதனால் துர்நாற்றம் மற்றும் வாஷிங் பெர்ஃபார்மன்ஸ் தொடர்பான பிரச்சனைகள் ஏற்படலாம். உங்கள் மெஷினில் ட்ரம் கிளீன் / எக்கோ ட்ரம் கிளீன் போன்ற வசதி இருந்தால், மேனுஃபேக்சரர் இன்ஸ்ட்ரக்ஷன்ஸ்க்கு ஏற்ப பயன்படுத்தலாம். கிளீனிங் செய்யும்போது மெஷினுக்குள் துணிகள் இருக்கக்கூடாது. குறிப்பிட்ட ட்ரம்-கிளீனிங் ப்ராடக்ட் இருந்தால் அதற்கான வழிமுறையைப் பின்பற்ற வேண்டும். இது மெஷினின் ஆயுளை அதிகரிக்கும்.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
