மறந்தும் இந்த 3 பொருள்களை குக்கரில் சமைக்காதீங்க..! அதனால் வர்ற பாதிப்புகள் பயங்கரமா இருக்கும்..!

பிரெஷர் குக்கரில் சமைக்கும்போது எந்த பொருள்களை தவிர்க்க வேண்டும் என்பதை இங்கு காணலாம்.   

குக்கர் நம்முடைய சமையலை எளிமையாக்கிவிடும். பெரும்பாலான பேச்சிலரின் அறை குக்கர் இல்லாமல் இருக்காது. அவசர சமையலுக்கும் குக்கர் நண்பன். பானையில் நாம் சோறு சமைக்கும் போது அரை மணி நேரம் ஆகிறது என வைத்து கொள்வோம். அதே வேலையை 15 நிமிடத்துக்குள்ளாக குக்கரில் செய்யலாம். சிலிண்டர் செலவும் அதிகம் ஆகாது. நேரம் குறைவு. ஆனால் இதனால் உடலுக்கு எந்தளவுக்கு நன்மை என்பது கேள்விக்குறியே. பிரெஷர் குக்கரில் சமைக்கும்போது எந்த பொருள்களை தவிர்க்க வேண்டும் என்பதை இங்கு காணலாம். 

அரிசி சோறு: 

சீக்கிரம் சமைக்க வேண்டும் என பலர் குக்கரில் அரிசியை வைக்கின்றனர். ஆனால் அரிசியை குக்கரில் சமைப்பதால் உடல் நலம் பாதிக்கிறது. ஏனென்றால் குக்கரில் சமைக்கும் போது அக்ரிலமைட் (acrylamide) வேதிப்பொருள் உருவாகுவதாக சொல்லப்படுகிறது. இதனால் பல நோய்கள் ஏற்படலாம். அரிசி சோறு வடித்து உண்பது தான் நல்லது. ஏனெனில் அரிசியில் நிறைய ஸ்ட்ராச் இருக்கும். அதை வடித்து உண்ணும்போது உடல் ஆரோக்கியமாக இருக்கும். வடிக்காமல் அப்படியே குக்கரில் சமைத்து சாப்பிடுவதால் உடல் பருமன் வரும். 

உருளைக்கிழங்கு: 

உருளைக்கிழங்கை குக்கரில் சமைத்து சாப்பிடக் கூடாது ஏனென்றால் அதன் ஸ்டார்ச் முழுமையாக நம் உடலுக்கு கிடைக்கும். இது அவ்வளவு நல்லதல்ல என நிபுணர்கள் கூறுகின்றனர். புற்றுநோய் தொடங்கி நரம்பியல் கோளாறு வரை பல உடல்நல பாதிப்பு ஏற்படலாம். 

பாஸ்தா: 

பாஸ்தாவ குக்கரில் சமைத்து சாப்பிட்டாலும் அதிக ஸ்டார்ச்சு உடலுக்கு செல்லும். இது உடலுக்கு நல்லதல்ல. அதை தனி பாத்திரத்தில் தண்ணீர் கொதிக்க வைத்து வேக வைப்பது நல்லது.