Black Raisins for Diabetes : பல சத்துக்கள் மிகுந்த கருப்பு திராட்சை; சர்க்கரை நோயாளிகள் சாப்பிடலாமா?

சர்க்கரை நோயாளிகள் கருப்பு திராட்சை சாப்பிட்டால் என்னாகும் என்பது பற்றிய தகவல்கள் இங்கே விளக்கப்பட்டுள்ளன.

Are Black Raisins Good for Diabetes?

சர்க்கரை நோயாளிகள் ஆரோக்கியமான உணவு பழக்கத்தை பின்பற்ற வேண்டிய கட்டாயமாக இருக்கிறது. ஒருவரின் உணவு பழக்கம் தான் ரத்தத்தில் சர்க்கரை அளவை உயர்த்துவதிலும், குறைப்பதிலும் முக்கிய பங்கு வகிக்கிறது. இரத்தத்தில் சர்க்கரை அளவு அதிகமாக இருந்தால் அவர் ஆரோக்கியமான உணவுகளை எடுப்பதில் சற்று கவனமாக இருக்க வேண்டும்.

வெறும் மருந்துகள் மட்டும் சர்க்கரை நோயை கட்டுக்குள் வைப்பதில்லை என்பதை மக்கள் புரிந்து கொள்ள வேண்டும். இந்த பதிவில் சர்க்கரை நோயாளிகள் கருப்பு திராட்சையை சாப்பிடலாமா? அவர்கள் சாப்பிடும் போது என்னென்ன மாதிரியான மாற்றங்கள் உடலில் ஏற்படுகின்றன என்பதை காணலாம்.

கருப்பு திராட்சை சத்துக்கள்;

கருப்பு திராட்சையில் நார்ச்சத்து, வைட்டமின் சி, வைட்டமின் கே, வைட்டமின் பி6, இரும்பு, பொட்டாசியம், கால்சியம், மெக்னீசியம் ஆகிய தாதுக்களும் உள்ளன.

நீரிழிவு நோய்க்கு கருப்பு திராட்சை நல்லதா?

நிச்சயமாக இல்லை. நீரிழிவு நோயாளிகளுக்கு கருப்பு திராட்சை நல்லதல்ல. சர்க்கரை நோயாளிகள் கருப்பு திராட்சையை உண்பது அவர்களின் ஆரோக்கியத்திற்கு நல்லதல்ல. அதாவது இதில் உள்ள இயற்கையான சர்க்கரைகள் இரத்த சர்க்கரை அளவை பாதிக்கக்கூடும். இது உடனடியாக சர்க்கரை அளவை அதிகமாக்கும்.

திராட்சை உண்பதால் நன்மைகள் கிடைக்குமா?

இதில் உள்ள நார்ச்சத்து, வைட்டமின்கள், பொட்டாசியம் போன்ற தாதுக்கள் நன்மையை தந்தாலும், நீரிழிவு நோயாளிகளுக்கு ஆபத்துதான் அதிகம் உள்ளது. திராட்சையில் இருக்கும் நார்ச்சத்து இதயம் மற்றும் செரிமான மண்டலத்திற்கு நன்மை செய்தாலும் உடனடியாக இரத்தத்தில் சர்க்கரை அதிகரிப்பது நல்ல விளைவு அல்ல. இதற்கு பதிலாக பாதாம், வால்நட் உள்ளிட்ட உலர் பழங்கள் வகையை உண்ணலாம். 

மற்ற ஆரோக்கியமான பழங்கள்;

திராட்சைக்கு பதிலாக ஆப்பிள், பெர்ரிகள், ஆரஞ்சு ஆகியவை உண்ணலாம். குறைந்த கிளைசிமிக் இண்டெக்ஸ் கொண்ட நட்ஸ் உண்ணலாம்.