Kids Health: குழந்தைகளுக்கு குளுட்டன் இல்லாத 7 ஆரோக்கியமான உணவுகள்!

சாதாரண குழந்தைகளுக்கு குளுட்டன் பாதிப்பில்லை. ஆனால், சீலியாக் நோய் அல்லது ஒவ்வாமை உள்ள குழந்தைகளுக்கு வயிறு வலி, வயிற்றுப்போக்கு, வளர்ச்சி குறைபாடு வரலாம். இதிலிருந்து பாதுகாக்க, குழந்தைகள் சாப்பிடக்கூடிய எளிய குளுட்டன்-அற்ற உணவுகள் பற்றி பார்ப்போம்.

குழந்தைகளுக்கு குளுட்டன் இல்லாத ஆரோக்கியமான உணவுகள் :

பொதுவாக கோதுமை, பார்லி போன்ற தானியங்களில் காணப்படும் ஒருவகை புரதமே குளுட்டன் ஆகும். பெரும்பாலான குழந்தைகளுக்கு இதனால் எந்த பிரச்சனையும் இல்லை என்றாலும், சில குழந்தைகளுக்கு இது ஒவ்வாமையை (Sensitivity) ஏற்படுத்தலாம். இதனால் அவர்களுக்கு வயிறு உப்புசம், வயிற்றுப்போக்கு, மந்தமான வளர்ச்சி போன்ற குறைபாடுகள் வரக்கூடும்.

இயற்கை தானியங்கள் :

அரிசி, சோளம், கம்பு, கேழ்வரகு (ராகி), சாமை மற்றும் குதிரைவாலி போன்ற சிறுதானியங்கள் இயற்கையிலேயே குளுட்டன் இல்லாதவை. இவை வளரும் குழந்தைகளுக்கு தேவையான நல்ல ஆற்றலைத் தருகின்றன.

பச்சைக் காய்கறிகள் மற்றும் பழங்கள் :

அனைத்து வகையான புதிய பழங்கள் மற்றும் காய்கறிகளில் குளுட்டன் கிடையாது. இவற்றில் உடலுக்குத் தேவையான வைட்டமின்கள், தாதுக்கள் (Minerals) மற்றும் நார்ச்சத்துக்கள் ஏராளமாக நிறைந்துள்ளன.

புரதச்சத்து நிறைந்த உணவுகள் ;

முட்டை, கோழி இறைச்சி, மீன், பருப்பு வகைகள் மற்றும் சுண்டல் போன்றவற்றில் இயற்கையாகவே குளுட்டன் இல்லை. இது குழந்தைகளின் தசை வளர்ச்சிக்கும் ஒட்டுமொத்த உடல் வளர்ச்சிக்கும் பெரிதும் உதவுகிறது.

பால் பொருட்கள் :

பால், சாதாரண தயிர் மற்றும் பாலாடைக்கட்டி (Cheese) ஆகியவற்றில் குளுட்டன் இருக்காது. இவை குழந்தைகளின் எலும்புகள் மற்றும் பற்களை வலுவாக்கத் தேவையான கால்சியத்தை வழங்குகின்றன. (சுவையூட்டப்பட்ட பால் பொருட்களில் லேபிளை சரிபார்ப்பது நல்லது).

ஆரோக்கியமான நொறுக்குத்தீனிகள் :

வழக்கமான பிஸ்கட் அல்லது சிப்ஸ் வகைகளுக்குப் பதிலாக பாப்கார்ன் (சோளப்பொரி), பழத்துண்டுகள், தயிர் அல்லது குளுட்டன்-ஃப்ரீ என்று சான்றளிக்கப்பட்ட கிராக்கர்ஸை குழந்தைகளுக்கு சிற்றுண்டியாகத் தரலாம்.

முக்கியமான இரண்டு குறிப்புகள்:

லேபிள்களை கவனியுங்கள்: கடைகளில் பாக்கெட் உணவுகளை வாங்கும்போது, அதில் 'Gluten-Free' என்று சான்றளிக்கப்பட்ட முத்திரை இருக்கிறதா என்பதை எப்போதும் சரிபார்க்கவும்.

கலப்பதைத் தவிர்க்கவும்: வீட்டில் சமைக்கும்போது, குளுட்டன் உள்ள உணவுகளோடு (கோதுமை மாவு போன்றவை) இந்த உணவுகள் கலந்துவிடாமல் தனியாகப் பிரித்து வைப்பது பாதுகாப்பானது.