உடலை எப்போதும் சுறுசுறுப்பாகவும் ஆரோக்கியமாகவும் வைத்திருக்க போதுமான அளவு தண்ணீர் குடிப்பது மிக அவசியம். நாம் போதுமான அளவு தண்ணீர் குடிக்கிறோமா என்பதை அறிய ஊட்டச்சத்து நிபுணர் கூறும் 5 எளிய அறிகுறிகள் பற்றி விரிவாகப் பார்க்கலாம்.
உங்கள் கையின் பின்புறத்தில் உள்ள தோலை லேசாகக் கிள்ளிப் பிடித்து பின் விட்டுப் பாருங்கள். தோல் உடனடியாகப் பழைய நிலைக்குத் திரும்பினால், உங்கள் உடலில் போதுமான நீர்ச்சத்து உள்ளது என்று அர்த்தம். ஒருவேளை தோல் பழைய நிலைக்குத் திரும்ப நேரம் எடுத்தால், உடலில் நீர்ச்சத்து குறைபாடு (Dehydration) இருக்கலாம்.
25
மிருதுவான மற்றும் ஈரப்பதமான உதடுகள் :
உடலில் நீர்ச்சத்து குறைவாக இருக்கும் போது உதடுகள் வறண்டு, வெடிப்பு ஏற்பட்டு தோல்கள் உரியத் தொடங்கும். போதுமான அளவு தண்ணீர் குடிப்பவர்களின் உதடுகள் எப்போதும் வறட்சியின்றி, மிருதுவாகவும் ஈரப்பதத்துடனும் இருக்கும்.
35
அடிக்கடி தலைவலி வராமல் இருப்பது :
அடிக்கடி ஏற்படும் தலைவலி அல்லது ஒற்றை தலைவலிக்கு (Migraine) உடலில் நீர்ச்சத்து குறைபாடும் ஒரு முக்கியக் காரணமாகும். நீங்கள் போதுமான அளவு தண்ணீர் குடித்து வந்தால், நீர்ச்சத்து குறைபாட்டால் ஏற்படும் தலைவலிகள் உங்களுக்கு வர வாய்ப்பில்லை.
உடலின் நீர்ச்சத்தைக் கண்டறிய மிகவும் எளிமையான வழி சிறுநீரின் நிறத்தைக் கவனிப்பதாகும். சிறுநீர் லேசான மஞ்சள் நிறத்தில் (Light Yellow / Straw Color) இருந்தால் உடலின் நீர்ச்சத்து சரியாக உள்ளது என்று அர்த்தம். அடர் மஞ்சள் நிறத்தில் இருந்தால் நீர்ச்சத்து குறைபாட்டையும், முற்றிலும் நிறமற்று தண்ணீர் போல் இருந்தால் அளவுக்கு அதிகமாகத் தண்ணீர் குடிப்பவதையும் குறிக்கிறது.
55
தண்ணீர் குடித்தவுடனே சிறுநீர் கழிக்காமல் இருப்பது :
நீங்கள் ஒரு டம்ளர் தண்ணீர் குடித்த உடனேயே அவசரமாகக் கழிப்பறைக்குச் செல்ல வேண்டிய சூழல் வராமல் இருக்க வேண்டும். தண்ணீர் குடித்த பிறகு உடலானது அதைச் சிறிது நேரம் தக்க வைத்துக் கொள்ள வேண்டும். ஒவ்வொரு முறை தண்ணீர் குடித்த உடனும் கழிப்பறைக்குச் செல்லும் நிலை இருந்தால், உங்கள் நீர்ச்சத்துப் பழக்கவழக்கத்தைக் கவனிப்பது நல்லது.
குறிப்பு: இந்த 5 அறிகுறிகளில் குறைந்தது இரண்டு அல்லது மூன்று அறிகுறிகளாவது உங்களிடம் இல்லை என்றால், நீங்கள் தினமும் குடிக்கும் தண்ணீரின் அளவை உயர்த்த வேண்டியது அவசியம்!
