உடல் எடையை குறைக்கணுமா? இந்த சுவையான உணவுகள் மூலமும் வெயிட் லாஸ் பண்ணலாம்..
First Published | Jan 9, 2024, 10:29 AM ISTஉடல் எடையை குறைக்க உதவும் சில சுவையான உணவுகள் குறித்து இந்த பதிவில் பார்க்கலாம்.
☰
உடல் பருமன் என்பது சமீபகாலமாக உலகம் முழுவதும் அதிகரித்து வரும் ஒரு முக்கியமான பிரச்சனையாகும். உடல் உழைப்பு குறைப்பு, உட்கார்ந்த வாழ்க்கை முறை ஆகிய இதற்கு முக்கிய காரணங்களாக கருதப்படுகிறது. போதுமான நேரம் இல்லாததால், உடற்பயிற்சி செய்வது அல்லது ஜிம்மிற்கு செல்வது கடினமாகிறது.
எனவே உடற்பயிற்சி செய்ய முடியாதவர்களுக்கு உள்ள ஒரே வழி ஆரோக்கிய சமச்சீரான உணவை உண்பது மட்டும் தான். டயட் என்றால் சுவை இல்லாத உணவுகளை மட்டுமே சாப்பிட வேண்டும் என்று பொதுவான கருத்தாகும். ஆனால் சில சுவையான உணவுகள் உங்கள் எடை அதிகரிப்பைக் கட்டுப்படுத்த உதவுகின்றன, ஏனெனில் அவற்றில் கலோரிகள் மிகக் குறைவு. உங்கள் உணவில் நீங்கள் சேர்க்கக்கூடிய சில உணவுகளை பட்டியலிடுவோம்.
Latest Videos
காளான்
காளான்கள் பல்வேறு சத்துக்களின் பொக்கிஷம். அவற்றில் வைட்டமின் பி12, ரிபோஃப்ளேவின், பாந்தோதெனிக் அமிலம், பயோட்டின், செலினியம், தாமிரம் மற்றும் பொட்டாசியம் போன்ற சத்துக்கள் உள்ளன. அவற்றில் பலவிதமான ஆன்டிஆக்ஸிடன்ட்கள் உள்ளன, அவை பல நோய்களிலிருந்து நம்மைக் காக்கின்றன. இருப்பினும், காளான்களில் குறைந்த கலோரி உள்ளடக்கம் மிகவும் சுவாரஸ்யமானது. ஹெல்த்லைன் செய்திகளின்படி, 96 கிராம் காளான்களில் 21 கலோரிகள் மட்டுமே உள்ளன. எனவே உடல் எடையை குறைக்க வேண்டும் நினைவர்கள் காளான்களை தங்கள் உணவில் சேர்த்துக்கொள்ளலாம்.
cucumber
வெள்ளரிக்காய்
பயனுள்ள எடை இழப்புக்கு வெள்ளரிகள் எப்போதும் உங்கள் உணவியல் நிபுணர் அல்லது உங்கள் ஜிம் பயிற்சியாளரால் பரிந்துரைக்கப்படுகின்றன. தவிர, வெள்ளரியில் உள்ள பொட்டாசியம் இதய நோய்களில் இருந்தும் நம்மைப் பாதுகாக்கிறது. 100 கிராம் வெள்ளரிக்காயில் 13 கலோரிகள் மட்டுமே உள்ளது.
capsicum
கேப்சிகம்
கேப்சிகம் என்பது மற்ற காய்கறிகளுடன் ஒப்பிடுகையில் அதிகம் உட்கொள்ளப்படாத ஒரு காய்கறி. ஆனால் கேப்சிகம் எடை அதிகரிப்பு குறித்த உங்கள் கவலைகளுக்கு முற்றுப்புள்ளி வைக்கும். 100 கிராம் கேப்சிகத்தில் வெறும் 28 கலோரிகள் மட்டுமே உள்ளன. அதுமட்டுமின்றி இதில் ஊட்டச்சத்துக்கள் நிறைந்துள்ளது. இதில் வைட்டமின்கள் ஏ, சி மற்றும் பி6 உள்ளிட்ட பல்வேறு கனிமங்கள் உள்ளன. குடமிளகாயை அடிக்கடி பயன்படுத்துவதால் நோய் எதிர்ப்பு சக்தி அதிகரிக்கும். வளர்சிதை மாற்றத்தை அதிகரிப்பதோடு, இது புற்றுநோயின் அபாயத்தையும் குறைக்கிறது.
Egg
முட்டை
உடல் பருமனுக்கு டிரான்ஸ் கொழுப்பு மிகப்பெரிய காரணம். இதற்கு புரத உட்கொள்ளல் அவசியம். முட்டையில் உள்ள புரதச் சத்து உங்கள் ஆரோக்கியத்தை மேம்படுத்தும். ஒரு முட்டையில் 72 கலோரிகள் மட்டுமே உள்ளதால் உடல் எடை அதிகரிப்பதை தடுக்கிறது. அதுமட்டுமல்லாமல், புரதம் தசைகளை மீட்டெடுக்கவும், தசைகளைப் பெறவும் உதவுகிறது.
ஸ்ட்ராபெர்ரி
ஸ்ட்ராபெர்ரியில் பல வகையான வைட்டமின்கள், நார்ச்சத்து மற்றும் பாலிஃபீனால்கள் உள்ளன, அவை இரத்த சர்க்கரையை குறைப்பது மட்டுமல்லாமல் புற்றுநோயிலிருந்து பாதுகாக்கின்றன. 100 கிராம் ஸ்ட்ராபெர்ரியில் 32 கலோரிகள் மட்டுமே உள்ளது.
சேனலை கிளிக் செய்து பின்தொடரவும்click me!