காரசாரமான முட்டை ரோஸ்ட்! இப்படி செய்து பாருங்க!

ப்ரோட்டீன், ஜிங்க், மக்னீசியம், இரும்பு போன்ற சத்துக்களை உள்ளடக்கிய முட்டை வைத்து காரசாரமான முட்டை ரோஸ்ட் ரெசிபியை வீட்டில் எப்படி எளிமையாக செய்வது என்று இந்த பதிவின் கொள்ளலாம்

நமது அன்றாட உணவில் தினமும் முட்டைகளை சேர்த்துக் கொள்ளுதல் ஆரோக்கியத்திற்கு மிகவும் நல்லது என்று மருத்துவர்கள் அறிவுத்துகின்றனர். முட்டையில் அதிகளவு ப்ரோட்டீன் உள்ளதால் நம்மை புத்துணர்வாக இருக்க துணை புரிகிறது. மேலும் இதில் மக்னீசியம், இரும்பு, ஜிங்க் போன்ற சத்துக்களும் நிறைந்து காணப்படுவதால் முட்டையை நாம் அனைவரும் நமது தினசரி உணவில் எடுத்துக் கொள்ளலாம். 

பொதுவாக முட்டையை பொடிமாஸ், ஆம்லெட், ஹாஃப் பாயில், வேக வைத்து சாப்பிட்டு இருப்பீர்கள். மேலும் சிலர் முட்டை வைத்து முட்டை போண்டா , முட்டை பப்ஸ், எக் ஃப்ரைட் ரைஸ் என்று இன்னும் பல விதங்களில் முட்டை வைத்து செய்து சாப்பிட்டு இருப்பீர்கள். அந்த வகையில் இன்று நாம் முட்டை வைத்து சூப்பரான,கரசராமான முட்டை ரோஸ்ட் ரெசிபியை காண உள்ளோம்.

இதனை ஒரு முறை செய்து கொடுத்தால், பின் மீண்டும் மீண்டும் இதனை செய்து தருமாறு வீட்டில் உள்ளவர்கள் கேட்பார்கள். ப்ரோட்டீன், ஜிங்க், மக்னீசியம், இரும்பு போன்ற சத்துக்களை உள்ளடக்கிய முட்டை வைத்து காரசாரமான முட்டை ரோஸ்ட் ரெசிபியை வீட்டில் எப்படி எளிமையாக செய்வது என்று இந்த பதிவின் கொள்ளலாம்

தேவையான பொருட்கள்:

முட்டை – 5
பூண்டு – 7
மல்லிதூள் – 2 ஸ்பூன்
மிளகாய் தூள்- 2 ஸ்பூன்
கரம் மசாலா தூள்- 1 ஸ்பூன்
மிளகு தூள்-2 ஸ்பூன்
கறிவேப்பிலை – சிறிதளவு
உப்பு – தேவையான அளவு
எண்ணெய்- தேவையான அளவு
இட்லி மாவு வைத்து மொறுமொறு ரிப்பன் பக்கோடா செய்யலாம் வாங்க!

செய்முறை:

முதலில் அடுப்பில் ஒரு கடாய் அல்லது குக்கர் வைத்து அதில் முட்டைகளை சேர்த்து தண்ணீர் ஊற்றி வேக வைத்து முட்டையின் ஓடுகளை நீக்கி விட்டு நீட்ட வடிவில் பாதி அளவாக வெட்டிக் கொள்ள வேண்டும். அடுப்பில் ஒரு வாணலி வைத்து அதில் கொஞ்சம் எண்ணெய் விட்டு, இடித்து வைத்துள்ள பூண்டினை போட்டு பொரித்து , பின் கறிவேப்பிலை சேர்த்து தாளிக்க வேண்டும்.

இப்போது மல்லித்தூள், மிளகாய் தூள், கரம் மசாலா தூள், மிளகுத்தூள் மற்றும் உப்பு சேர்த்து சிறிது தண்ணீர் தெளித்து நன்றாக வதக்கி விட வேண்டும். இப்போது வேக வைத்து எடுத்துள்ள முட்டைகளின் மீது சிறிது மசாலாவை சேர்த்து ஸ்ப்ரெட் செய்து வைத்துக் கொள்ள வேண்டும். இப்படி அனைத்து முட்டைகளின் மீதும் மசாலாக்களை ஸ்ப்ரெட் செய்து வைத்துக் கொள்ள வேண்டும்.

அடுப்பில் ஒரு பான் வைத்து  சிறிது எண்ணெய் விட்டு, எண்ணெய் சூடான பின் முட்டைகளை எண்ணெயில் பொரித்து பின் அதனை மசாலா உள்ள கடாயில் மாற்றிக் கொண்டு வதக்கி விட வேண்டும். அவ்ளோ தாங்க! காரசாரமான முட்டை ரோஸ்ட் ரெடி!