Red Rice Poha recipe in Tamil: உடலுக்கு ஆரோக்கியத்தை அள்ளி தரும், சிவப்பு அரிசி அவல் எப்படி தயார் செய்வது.? என்பதை இந்த பதிவின் மூலம் தெரிந்து வைத்து கொள்வோம்.
இன்றைய கால கட்டத்தில், வீட்டில் ஒருவருக்கு சர்க்கரை வியாதி, ரத்த அழுத்தம், போன்ற பிரச்சனைகள் இருக்கிறது. இன்றைய மேற்கத்திய உணவு கலாச்சாரம் முக்கிய காரணமாக அமைந்துள்ளது. எனவே, ஒருவர் ஆரோக்கியமான உணவுகளை உட்கொள்வது அவசியம். அப்படியாக, சத்து நிறைந்த ஐந்து நிமிடத்திலே தயாரிக்க கூடிய சிகப்பு அவல் பற்றி தான் தெரிந்து கொள்ள போகிறோம்.
இதில் நார்ச்சத்து வைட்டமின் பி, கால்சியம், ஜிங்க், இரும்புச்சத்து, மாங்கனீசு, மெக்னீசியம் போன்ற அத்தனை சத்துக்கள் நிறைந்துள்ளது. அந்த வகையில், இன்று இந்த சிகப்பரிசி அவலை வைத்து அவல் உப்புமா எப்படி செய்வது..? என்பதை இந்த பதிவில் பார்க்கலாம்.
தேவையான பொருள்கள்:
சிகப்பு அவல் – 1/2 கப்
கடுகு, உளுத்தம் பருப்பு – 1 டீஸ்புன்
பச்சை மிளகாய் – 2
முந்திரி – 5
தேங்காய் துருவியது – 1 கப்
எண்ணெய் – 2 டீஸ்புன்
எலுமிச்சை சாறு – 1/2 டீஸ்புன்
இஞ்சி நறுக்கியது – 1 துண்டு
செய்முறை விளக்கம்:
1. அவல் உப்புமா தயார் செய்வதற்கு தட்டையான சிகப்பரிசி அவலை எடுத்து 5 நிமிடம் ஊற வைத்து வடிகட்டி வைத்து கொள்ளுங்கள். முதலில் அடுப்பில் கடாயை வைத்து அதில் இரண்டு டேபிள் ஸ்பூன் எண்ணெய் ஊற்றி கடுகு, உளுத்தம் பருப்பு, கடலைப் பருப்பு, போட்டு தாளித்து கொள்ளுங்கள். பிறகு முந்திரியை போட்டு வறுத்து எடுத்து விடுங்கள்.
2. அதன் பிறகு நறுக்கிய இஞ்சி, கறிவேப்பிலை, துருவிய தேங்காய், மிளகாய் என அனைத்தையும் சேர்த்து பொன்னிறமாக வறுத்து கொள்ளுங்கள். அதில் உப்பு கால் டீஸ்பூன் சேர்த்த பிறகு, அலசி வடிகட்டி எடுத்து வைத்த அவலை சேர்த்து நன்றாக கிளறி விட்டுங்கள்.
3. இறுதியாக உப்புமாவை இறக்குவதற்கு ஐந்து நிமிடம் முன்பு, அதில் எலுமிச்சை பழச்சாறை ஊற்றி ஒரு முறை கலந்து விட்டு அடுப்பை அணைத்து விடுங்கள்.
பின் குறிப்பு: உங்களுக்கு தேவைப்பட்டால் இதில் பீன்ஸ் கேரட் போன்ற உங்களுக்கு விருப்பமான காய்கறிகள் சேர்த்து கிச்சடி போல கூட செய்து கொடுக்கலாம். குழந்தைகளும் விரும்பி சாப்பிடுவார்கள்.
சேனலை கிளிக் செய்து பின்தொடரவும்