உங்க குழந்தையின் ஞாபக சக்தி சூப்பர் பாஸ்ட்டாக மாறணுமா? இந்த 5 உணவுகளை மிஸ் பண்ணாதீங்க!

Healthy Foods For Children: குழந்தைகள் வேகமாக வளரும் பருவத்தில் அவர்களுக்கு சரியான ஊட்டச்சத்து கிடைப்பது முக்கியம். குழந்தைகளின் ஞாபக சக்தியை அதிகரிக்கும் உணவுகள் குறித்து இந்த செய்தியில் பார்க்கலாம்.

குழந்தைகளின் ஞாபக சக்தியை அதிகரிக்கும் உணவுகள்

சரியான சாப்பாடு குழந்தைகளின் ஞாபக சக்தியை அதிகரிப்பது மட்டுமில்லாமல், கவனத்தையும் கூட்டும். குழந்தைகள் வேகமாக வளரும் பருவத்தில் அவர்களுக்கு சரியான ஊட்டச்சத்து கிடைக்கவில்லை என்றால், அது அவர்களின் உடல் மற்றும் மன ஆரோக்கியத்தை ரொம்பவே பாதிக்கும். சத்தான உணவுகளை சாப்பிடுவதன் மூலம் பல நோய்களைத் தடுத்து, ஞாபக சக்தி, கவனம் மற்றும் வளர்ச்சியை அதிகரிக்கலாம்.

ஆனால், 6 மாதத்தில் இருந்து 2 வயது வரைக்கும் உள்ள 3 குழந்தைகளில் 2 பேருக்கு அவர்களின் மூளை மற்றும் உடல் வளர்ச்சிக்கு தேவையான சரியான உணவு கிடைப்பதில்லை என்று யுனிசெஃப் (UNICEF) தெரிவிக்கிறது. இதனால் மூளை வளர்ச்சி குறைபாடு, கற்கும் திறன் குறைவு, நோய் எதிர்ப்பு சக்தி குறைபாடு மற்றும் அடிக்கடி தொற்று நோய்கள் வருவது போன்ற பல பிரச்சனைகள் ஏற்படுகின்றன. குழந்தைகளின் ஞாபக சக்தியை அதிகரிக்கும் உணவுகள் குறித்து இந்த செய்தியில் பார்க்கலாம்.

முட்டை மற்றும் மீன்

முட்டையின் மஞ்சள் கரு, சால்மன் மற்றும் மத்தி மீனில் ஒமேகா-3 ஃபேட்டி ஆசிட், DHA மாதிரியான கொழுப்புகள் உள்ளன. நம் மூளை இந்தக் கொழுப்புகளால்தான் உருவாகியுள்ளது. இது நல்ல கொலஸ்ட்ராலை அதிகரித்து, கண் பார்வையைப் பாதுகாத்து, செரிமானத்தை விரைவுபடுத்துகிறது. இந்த சூப்பர் உணவுகள் மூளை மற்றும் நரம்பு செல்களை உருவாக்கி, கற்கும் திறனையும் ஞாபக சக்தியையும் அதிகமாக்குகின்றன. இந்த உணவுகளை குறைவாக உட்கொண்டால், அது ஞாபக மறதிக்கும், சில நேரங்களில் மன அழுத்தத்திற்கும் காரணமாக அமையும் என்று ஆராய்ச்சியாளர்கள் எச்சரிக்கின்றனர்.

பச்சை இலை காய்கறிகள்

பச்சை இலை காய்கறிகளில் வைட்டமின்கள், ஆன்டி-ஆக்ஸிடன்ட்கள், தாதுக்கள் மற்றும் நார்ச்சத்து போன்ற பல சத்துக்கள் உள்ளன. இதில் உள்ள வைட்டமின் ஏ, பி, ஈ, கே, சி மற்றும் பீட்டா கரோட்டின், ஃபோலேட் எல்லாம் மூளை வளர்ச்சிக்கு ரொம்பவே உதவுகிறது. இதில் கொழுப்பு குறைவாக இருப்பதால், அனைத்து சத்துக்களையும் உடல் எளிதில் உறிஞ்சிக்கொள்ள உதவும். குறிப்பா, கீரைகளில் உள்ள ஃபோலேட் சத்து வளரும் குழந்தைகளின் மூளையில் நல்ல மாற்றங்களை ஏற்படுத்துகிறது என்று ஆய்வுகள் கூறுகின்றன.

ஓட்ஸ்

ஓட்ஸில் நார்ச்சத்து அதிகம் உள்ளது. இதில் கிளைசெமிக் இன்டெக்ஸ் குறைவாக இருப்பதால் கொலஸ்ட்ராலைக் குறைக்கும். இது உடலுக்கும் மூளைக்கும் தேவையான ஆற்றலைக் கொடுத்து, குழந்தைகளை எப்போதும் சுறுசுறுப்பாக வைத்திருக்க உதவும். மலச்சிக்கலைக் குறைத்து, குடலில் நல்ல பாக்டீரியாக்களை உருவாக்கி உடல் எடையைச் சீராகப் பராமரிக்க உதவும். ஓட்ஸை பாலோடு சேர்த்தோ அல்லது அப்படியேவோ குழந்தைகளுக்குக் கொடுக்கலாம்.

பெர்ரி பழங்கள்

பிளாக்பெர்ரி, ப்ளூபெர்ரி, ஸ்ட்ராபெர்ரி மற்றும் சிவப்பு செர்ரி போன்ற பழங்களில் ஆந்தோசயனின் மற்றும் ஃபிளாவனாய்டுகள் நிறைய உள்ளன. இது ஞாபக சக்தியை அதிகரிக்கச் செய்யும். இதில் ஆன்டி-ஆக்ஸிடன்ட்கள் மற்றும் நார்ச்சத்து அதிகம். இதில் உள்ள வைட்டமின் சி சருமத்தை அழகுபடுத்தி, இரும்புச்சத்தை உடல் எளிதில் உறிஞ்சிக்கொள்ள உதவுகிறது. மேலும், பெர்ரி பழங்களில் கால்சியம், பொட்டாசியம், பாஸ்பரஸ், துத்தநாகம் மற்றும் மெக்னீசியம் உள்ளதால், இது எலும்புகளையும் மூட்டுகளையும் வலுவாக வைத்திருக்க உதவுகிறது.

நட்ஸ் மற்றும் விதைகள்

நட்ஸில் ஆரோக்கியமான கொழுப்புகள், தாதுக்கள் மற்றும் வைட்டமின்கள் நிறைய உள்ளன. பார்க்கவே மூளை வடிவத்தில் இருக்கும் வால்நட்டில் ஒமேகா-3 ஃபேட்டி ஆசிட் இருப்பதால், அது ஞாபக சக்தியை அதிகரிக்கும். வேர்க்கடலை, பாதாம், பிஸ்தா மற்றும் முந்திரி போன்ற அனைத்து நட்ஸ்களிலும் மூளை நன்றாக வேலை செய்யத் தேவையான ஆற்றலைத் தரும் சத்துக்கள் உள்ளன. பூசணி விதை, சியா விதை மற்றும் ஆளி விதை போன்ற விதைகளில் நார்ச்சத்து அதிகம். இது குழந்தைகளின் அறிவாற்றலையும் ஒட்டுமொத்த ஆரோக்கியத்தையும் மேம்படுத்தும்.