வெயிலால் பாதம் கருப்பாவதை எண்ணி கவலை வேண்டாம். பியூட்டி பார்லர் செல்லாமல், வீட்டிலுள்ள பொருட்களை வைத்தே குறைந்த நேரத்தில் உங்கள் பாதங்களை மீண்டும் அழகாக்கி மின்னச் செய்ய முடியும். எளிமையான வீட்டு வைத்தியம் மூலம் பாதங்களை பராமரிக்கலாம்.
உருளைக்கிழங்கு சாற்றில் உள்ள இயற்கையான என்சைம்கள் பிடிவாதமான கருமையை நீக்க வல்லவை. துருவிய உருளைக்கிழங்கு சாற்றுடன் சிறிது எலுமிச்சை சாறு சேர்த்து, பாதங்களில் தேய்த்து 15 நிமிடம் ஊறவைத்துக் கழுவுங்கள்.
26
காபி ஸ்க்ரப் - உடனடி பொலிவு!
இறந்த செல்களை நீக்க காபி தூள் ஒரு சிறந்த ஸ்க்ரப். ஒரு ஸ்பூன் காபி தூளுடன் சிறிது தேன் கலந்து பாதங்களில் மென்மையாக மசாஜ் செய்யுங்கள். ரத்த ஓட்டம் அதிகரித்து பாதங்கள் பிரகாசமாகும்.
36
தயிர் - கடலைமாவு 'கோல்டன் பேக்'
வெயிலால் ஏற்பட்ட 'சன் டேன்' நீக்க இது ஒரு பாரம்பரிய வழி. 2 ஸ்பூன் கடலை மாவுடன், ஒரு ஸ்பூன் தயிர் சேர்த்த பேஸ்டை காலில் தேய்த்து, நன்கு காய விட்டு கழுவ வேண்டும். புளித்த தயிரைப் பயன்படுத்துவது அதிக பலன் தரும். இதில் உள்ள லாக்டிக் அமிலம் கருமையை வேரோடு அகற்றும்.
வெளியே சென்று வந்தவுடன் கால்கள் எரிச்சலாக இருக்கிறதா? தக்காளியை பாதியாக நறுக்கி அதில் சர்க்கரை தூவி தேய்க்கவும். இது சருமத்தின் PH அளவை சீராக்கி மென்மையாக்கும்.
56
இரவு நேர ரகசியம்!
தூங்குவதற்கு முன் பாதங்களைக் கழுவி விட்டு, கற்றாழை ஜெல்லைத் தடவி மசாஜ் செய்யுங்கள். மறுநாள் காலை உங்கள் பாதங்கள் பட்டுப்போல மென்மையாக இருப்பதை நீங்களே உணர்வீர்கள்.
66
சன்ஸ்கிரீன் அவசியம் :
முகம் போலவே கால்களுக்கும் சன்ஸ்கிரீன் (Sunscreen) பயன்படுத்துவது அவசியம். வெளியே செல்லும் முன் இதைத் தடவினால் கருமை ஏற்படுவதை ஆரம்பத்திலேயே தடுக்கலாம்.
