பிக்பாஸ் சீசன் 7 முடிந்த கையேடு, பல ரசிகர்கள் குக் வித் கோமாளி நிகழ்ச்சி குறித்து கேட்க துவங்கிவிட்டனர். இதுகுறித்த அறிவிப்பு வெளியாக துவங்கியதும்... இந்த முறை நான் நடுவர் இல்லை என கையை உயர்த்திய செஃப் வெங்கடேஷ் பட், விரைவில் வேறு ஒரு நிகழ்ச்சியில் மக்களை சந்திக்க உள்ளதாக தெரிவித்தார். மேலும் குக் வித் கோமாளி புரடியூசர் மற்றும் இயக்குனர் என அடுத்தடுத்து இந்த நிகழ்ச்சி சம்மந்தப்பட்ட பிரபலங்கள் விலகியதால் நிகழ்ச்சி துவங்குமா என்கிற சந்தேகம் எழுந்தது.
தற்போது குக் வித் கோமாளி நிகழ்ச்சியின் பணிகள் சூடுபிடிக்க துவங்கியுள்ள நிலையில்... மற்றொருபுறம், இந்த முறை கலந்து கொள்ள உள்ள போட்டியாளர்கள் பற்றிய தகவல்களும் அவ்வப்போது வெளியான வண்ணம் உள்ளது.
இதைத்தொடர்ந்து வெளியாகியுள்ள புதிய லிஸ்டில்... பிரபல youtuber மற்றும் ஹோட்டல் ரிவியுவரான இர்பான், குக் வித் கோமாளி சீசன் 5 நிகழ்ச்சியில் கலந்து கொள்வது கிட்டத்தட்ட உறுதியாகி உள்ளதாக கூறப்படுகிறது. மேலும் நடிகர் விடிவி கணேஷ், இசையமைப்பாளர் ஸ்ரீகாந்த் தேவா மற்றும் இளம் நடிகை திவ்யா துரைசாமி ஆகியோருடன் முழு வீச்சில் பேச்சுவார்த்தை நடந்து வருவதாக கூறப்படுகிறது.