உங்கள் சருமம் பொலிவாக இருக்க வேண்டுமா..? இந்த டிப்ஸ ஃபாலோ பண்ணுங்க..!
First Published Feb 26, 2024, 8:11 PM ISTஉங்கள் சருமம் எப்பொழுதும் பளபளப்பாக இருக்க வேண்டுமெனில், உங்கள் அன்றாட வாழ்வில் இந்த பழக்க வழக்கங்கள் சிலவற்றைப் பின்பற்றுவது நல்லது.
உங்கள் சருமம் எப்பொழுதும் பளபளப்பாக இருக்க வேண்டுமெனில், உங்கள் அன்றாட வாழ்வில் இந்த பழக்க வழக்கங்கள் சிலவற்றைப் பின்பற்றுவது நல்லது.
நம் ஆரோக்கியத்தை கவனித்துக்கொள்வது அவசியம், ஆனால் சில நேரங்களில் நாம் நம் சருமத்தின் ஆரோக்கியத்தை புறக்கணிக்கிறோம். நமது உடலைப் பாதுகாப்பதில் சருமம் முக்கியப் பங்காற்றுகிறது மேலும் உங்கள் சருமத்தை ஆரோக்கியமாகவும், பளபளப்பாகவும் வைத்திருக்கும் வழிகள் இங்கே உள்ளன. அவற்றை மட்டும் நீங்கள் பின்பற்றினால் போதும். அவை..
ஆரோக்கியமான உணவை உண்ணுங்கள்: போதுமான ஊட்டச்சத்தைப் பெறும்போது சருமத்தின் சரியான செயல்பாடு ஏற்படுகிறது. பழங்கள் மற்றும் காய்கறிகள் நிறைந்த உணவைத் தேர்ந்தெடுத்து சர்க்கரையை குறைக்கவும். கூடுதலாக, உங்கள் உணவில் பாதாம் போன்ற பருப்புகளைச் சேர்த்துக்கொள்வது முக்கியம், அவை சுமார் 15 ஊட்டச்சத்துக்கள் நிறைந்தவை. ஏனெனில், பாதாமில் உள்ள ஆன்டி-ஆக்ஸிடன்ட்கள் மற்றும் சூரிய பாதுகாப்பு பண்புகள், சருமத்தின் சுருக்கங்கள் மற்றும் நிறமிகளால் ஏற்படும் சீரற்ற சருமத்தின் வாய்ப்புகளை குறைக்க உதவுகிறது.
தன் சுத்தம் அவசியம்: தோல் பராமரிப்பு வழக்கத்தை பின்பற்றுவது முக்கியம். அதற்கு ஒரு நாளைக்கு இரண்டு முறையாவது குளிக்க வேண்டும். மேலும் குளித்த பிறகு மாய்ஸ்சரைசிங் பயன்படுத்துங்கள். அது உங்கள் சருமத்தை நீரேற்றமாக வைத்திருக்க உதவுகிறது. அதுமட்டுமின்றி, இது உங்களை தீங்கு விளைவிக்கும் புற ஊதா கதிர்களிடமிருந்து சருமத்தைப் பாதுகாக்கும்.
நீரேற்றமாக இருங்கள்! சருமத்தின் இயல்பான செயல்பாட்டிற்கு சரியான நீரேற்றம் அவசியம். இது இல்லையென்றால், உடல் பாதிப்படையும். எனவே, தினமும் போதுமான அளவு தண்ணீர் குடியுங்கள்.
மன அழுத்தத்தை தவிர்க்கவும்! மன அழுத்தத்தை தவிர்ப்பது நல்லது. ஏனெனில், நாள்பட்ட மன அழுத்தம் மற்றும் தோல் நிலைமைகளுக்கு இடையே நேரடி தொடர்பைக் காட்டுகின்றன. மன அழுத்தத்தை போக்க, தினமும் யோகா, தியானம் போன்றவற்றில் ஈடுபடுங்கள். இதனால் ஆரோக்கியமான சருமத்தை மட்டுமல்ல, ஒட்டுமொத்த நல்வாழ்வையும் பராமரிக்கலாம்.
இதையும் படிங்க: உணவை அவசர அவசரமாக சாப்பிடுகிறீர்களா..? இந்த பிரச்சனைகள் வரலாம் ஜாக்கிரதை..!!
நல்ல தூக்கம் அவசியம்! நாம் எப்போதும் ஆரோக்கியமாக இருக்க, நம் உடலுக்கு தினமும் போதுமான தூக்கம் தேவை. செல் பழுது மற்றும் புதுப்பித்தல் ஆகியவற்றில் தூக்கம் முக்கிய பங்கு வகிக்கிறது. போதுமான தூக்கமின்மை வயதான மற்றும் பலவீனமான தோல் தடை செயல்பாட்டின் அறிகுறிகளுடன் தொடர்புடையது. எனவே, நீங்கள் நீங்கள் 7 முதல் 8 மணி நேரம் தூங்க வேண்டும்.
இதையும் படிங்க: ரொம்ப சிம்பிள்! நீண்ட ஆயுள் வரை வாழ இந்த 4 விஷயங்களை மட்டும் செஞ்சா போதும்..!!
இந்த கெட்ட பழக்கங்களை விடுங்க! சில வெளித்தோற்றத்தில் பாதிப்பில்லாத அன்றாட பழக்கங்கள் உங்கள் சருமத்திற்கு தீங்கு விளைவிக்கும். உதாரணமாக, புகைபிடித்தல், மது அருந்துதல், பதப்படுத்தப்பட்ட உணவுகளை சாப்பிடுவது மற்றும் அதிக சர்க்கரை சேர்ப்பது போன்றவைஉங்கள் சருமத்தின் ஆரோக்கியத்தையும் தோற்றத்தையும் நேரடியாக பாதிக்கிறது.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D