நயன்தாரா பட இயக்குனரோடு சீக்கிரம் டும் டும் டும்.. காதலரை கரம்பிடித்த பிரபல யூடியூபர் நந்தினி!

Ival Nandhini : பிரபல திரைப்பட நடிகை மற்றும் YouTube பிரபலமான "இவள்" நந்தினி விரைவில் தனது காதலரை கரம்பிடிக்கவுள்ளார்.

Actress Nandhini

இன்று டிஜிட்டல் துறையில் பெரிய அளவில் சாதிப்பவர்களுக்கு விருது கொடுக்கும் அளவுக்கு உயர்ந்துள்ள ஒரு நிறுவனம் தான் "பிளாக் ஷீப்". ஆரம்ப கட்டத்தில் சிறிய யூடியூப் சேனலாக துவங்கப்பட்ட இந்த நிறுவனம், இன்று வடிவேலுவை பிராண்ட் அம்பாசிடராக மாற்றி பல முன்னெடுப்புகளை செய்து வருவது குறிப்பிடத்தக்கது.

Actress Ival Nandhini

இந்நிலையில் பிளாக் ஷீப் நிறுவனத்தில் "இவள்" நந்தினி என்கின்ற தலைப்பில் பெண்களின் முக்கியத்துவத்தை எடுத்துரைக்கும் வீடியோக்களை வெளியிட்டு, அதன் மூலம் பிரபலமடைந்தவர் தான் நந்தினி. இணைய வழியில் இவருக்கு மிகப்பெரிய அளவில் ரசிகர்கள் உள்ளது அனைவரும் அறிந்ததே. தனது நேர்த்தியான நடிப்பால் மக்களை கவர்ந்தவர் இவர் என்பதும் குறிப்பிடத்தக்கது.

Dear Movie

அண்மையில் "டியர்" என்ற திரைப்படத்திலும் நடித்துள்ள நந்தினி தற்பொழுது தனது வாழ்க்கையின் அடுத்த கட்டத்திற்கு செல்லவிருக்கிறார். தன்னுடன் இணைந்து பிளாக் ஷீப்-பில் பயணித்து வந்த ஒருவரை அவர் திருமணம் செய்துகொள்ள உள்ளார்.

Director Dude Vicky

பிரபல பிளாக் ஷீப் நிறுவனத்தில் எழுத்தாளராக பணியாற்றி வந்த "டூட்" விக்கி தற்பொழுது "மண்ணாங்கட்டி சீன்ஸ் 1960" என்கின்ற திரைப்படத்தை பிரபல நடிகை நயன்தாராவை வைத்து இயக்கி வருகின்றார். விரைவில் அந்த திரைப்படம் வெளியாக உள்ள நிலையில், இயக்குனரை விக்கியை தான் நந்தினி விரைவில் திருமணம் செய்துகொள்ள உள்ளார். இப்போது அவர்களின் நிச்சயதார்த்தம் நடந்து முடிந்துள்ளது.