Yashoda Movie: சமந்தாவின் 'யசோதா' திரைப்படத்தின் சென்சார் தகவல் வெளியானது..!

நடிகை சமந்தா நடித்துள்ள 'யசோதா' திரைப்படம், ரசிகர்கள் மத்தியில் எதிர்பார்ப்பை கூட்டியுள்ள நிலையில் இந்த படத்தின் சென்சார் தகவல் தற்போது வெளியாகியுள்ளது.  

இதுவரை ஏற்று நடித்திராத மிகவும் துணிச்சலான கதாபாத்திரத்திலும், அதிதீவிரமான ஆக்‌ஷன் காட்சிகளிலும் சமந்தா நடித்திருக்கும் திரைப்படம் 'யசோதா'. அதாவது, வாடகைத்தாய் மற்றும் அதைச் சுற்றி நடக்கும் மருத்துவக் குற்றங்களை அடிப்படையாகக் கொண்டு, 'யசோதா' திரைப்படம் ஆக்ஷன் மற்றும் எமோஷன் கதையம்சத்துடன் உருவாகியுள்ளது. 

இது மட்டுமல்லாது, சமந்தாவின் திறமையான நடிப்பு, பிரம்மாண்டமான தயாரிப்புப் பணிகள் மற்றும் கதைக்கு வலுவூட்டும் பின்னணி இசை, போன்றவற்றை ட்ரைலரிலேயே பார்க்கக்க முடிந்தது.  

வாடகைத்தாயாக சமந்தா நடித்திருக்கும் இந்தப் படத்தை, ஹரி மற்றும் ஹரீஷ் ஆகியோர் இயக்கி உள்ளனர். தயாரிப்பாளர் சிவலெங்கா கிருஷ்ண பிரசாத் தயாரிப்பில் உலகம் முழுவதும் நவம்பர் மாதம் 11ம் தேதி வெளியாகிறது. சமந்தாவை தவிர, இந்த படத்தில் உன்னி முகுந்தன், வரலக்ஷ்மி சரத்குமார் மற்றும் பலர் முக்கிய கதாபாத்திரத்தில் நடித்துள்ளனர்.

'யசோதா’ திரைப்படம் சமந்தாவின் ரசிகர்கள் மத்தியில் அதிக எதிர்பார்ப்புகளை ஏற்படுத்தியுள்ள இந்நிலையில், இந்த படத்திற்கு... தற்போது, யு / ஏ சான்றிதழ் வழங்கப்பட்டுள்ளது. மேலும் முதல் முறையாக பான் இந்தியா படமாக ஐந்து மொழிகளில் உருவாகி, வெளியாக இருக்கக் கூடிய முதல் கதாநாயகியை மையப்படுத்தியப் படம் இது என்பதும் குறிப்பிடத்தக்கது.

சினிமா மீது மிகவும் அர்ப்பணிப்புடன் இருக்கும் சமந்தா, மியோசிட்டி பிரச்சனைக்கு... சிகிச்சை எடுத்து கொண்டிருக்கும் நிலையில் கூட டப்பிங் பணிகளை மேற்கொண்டார் என்பது அனைவரும் அறிந்ததே. மேலும் ரசிகர்கள் பலர், விரைவில் சமந்தா உடல் நலம் பெற தங்களின் வாழ்த்துக்களை தெரிவித்து வருகிறார்கள் என்பது குறிப்பிடத்தக்கது.