கேஜிஎப் 2 படத்தின் வெற்றிக்கு பின்னர் யாஷ் ஹீரோவாக நடிக்க உள்ள டாக்ஸிக் திரைப்படத்தின் படப்பிடிப்பு பூஜையுடன் தொடங்கி உள்ளது.
கேஜிஎப் படம் மூலம் பான் இந்தியா ஹீரோவாக உயர்ந்தவர் யாஷ். பிரசாந்த் நீல் இயக்கிய அப்படத்தின் முதல் பாகம் கடந்த 2018-ம் ஆண்டு வெளியானது. கேஜிஎப் முதல் பாகத்தின் வெற்றியை தொடர்ந்து அதன் இரண்டாம் பாகத்தை கடந்த 2022-ம் ஆண்டு ரிலீஸ் செய்தனர். முதல் பாகத்தை காட்டிலும் செம்ம மாஸாக எடுக்கப்பட்டிருந்த இப்படம் பான் இந்தியா அளவில் மாஸ் ஹிட் அடித்தது மட்டுமின்றி பாக்ஸ் ஆபிஸிலும் ரூ,1200 கோடி வசூலித்தது.
கேஜிஎப் 2 படத்தின் வெற்றியை தொடர்ந்து நடிகர் யாஷ் அடுத்ததாக என்ன படம் நடிக்கப்போகிறார் என்கிற எதிர்பார்ப்பு ரசிகர்கள் மத்தியில் நிலவி வந்தது. ஆனால் கடந்த 2 ஆண்டுகளாக தனது அடுத்த படம் குறித்த அறிவிப்பை வெளியிடாமல் இருந்த யாஷ், அண்மையில் டாக்ஸிக் என்கிற படத்தில் நடிக்க கமிட்டாகி உள்ளதாக அறிவித்தார். அப்படத்தை கீத்து மோகன் தாஸ் இயக்க உள்ளார். இவர் நளதமயந்தி படத்தில் நடிகர் மாதவனுக்கு ஜோடியாக நடித்தவர்.
இதையும் படியுங்கள்... இது நம்ம லிஸ்ட்லயே இல்லையே... சுதா கொங்கரா இயக்கத்தில் ஹீரோவாக அறிமுகமாகும் லோகேஷ் கனகராஜ்?
டாக்ஸிக் படத்திலும் நடிகர் யாஷ் கேங்ஸ்டராக நடிக்க உள்ளதாக கூறப்படுகிறது. இப்படத்தின் அறிவிப்பு வெளியான கையோடு அதன் ரிலீஸ் தேதியையும் அறிவித்தனர். அதன்படி வருகிற 2025-ம் ஆண்டு ஏப்ரல் மாதம் 10ந் தேதி டாக்ஸிக் திரைப்படம் ரிலீசாகும் என அறிவிக்கப்பட்டு. ஆனால் அந்த அறிவிப்பு வெளியாகி பல மாதங்கள் ஆகியும் ஷூட்டிங் தொடங்கப்படாமல் இருந்தது. இந்நிலையில், அதுகுறித்த அதிகாரப்பூர்வ அறிவிப்பு வெளியாகி இருக்கிறது.
அதன்படி டாக்ஸிக் படத்தின் படப்பிடிப்பு இன்று பூஜையுடன் தொடங்கி உள்ளது. இதில் புது லுக்கில் வந்து கலந்துகொண்ட நடிகர் யாஷின் புகைப்படங்கள் இணையத்தில் வைரலாகி வருகின்றன. டாக்ஸிக் திரைப்படத்தில் நடிகர் யாஷுக்கு ஜோடியாக கியாரா அத்வானி நடிக்க உள்ளாராம். இதுதவிர நடிகை நயன்தாரா மற்றும் பாலிவுட் நடிகை கரீனா கபூர் ஆகியோரும் இப்படத்தில் முக்கிய கதாபாத்திரத்தில் நடிக்க உள்ளதாக கூறப்படுகிறது. ஆனால் இதுபற்றி படக்குழு எந்தவித அறிவிப்பையும் வெளியிடவில்லை.
இதையும் படியுங்கள்... கொசுவலையில் தைத்த கிக்கான உடையில்... கடற்கரையில் பிக்பாஸ் ஜனனி எடுத்து கொண்ட மிடுக்கான போட்டோஸ் ஷூட்!
சேனலை கிளிக் செய்து பின்தொடரவும்