உலகின் முதல் சிங்கிள் ஷாட் மூவி !பார்த்திபனின் 'இரவின் நிழல்' எப்ப ரிலீஸ் தெரியுமா?

கைகளை கால்களாய் வணங்குவேன் என்னும் வசனத்துடன் உலகின் முதல் சிங்கிள் ஷாட் படமாக உருவாகியுள்ள பார்த்திபனின் 'இரவின் நிழல்' ரிலீஸ் தேதி மற்றும் ஆடியோ லாஞ்ச் ரிலீஸ் தேதி தற்போது வெளியாகியுள்ளது.

iravin-nizhal

வித்யாசமான கதையமங்களால் தன்னை நிலை நிறுத்தி கொண்டவர் இயக்குனரும், நடிகருமான பார்த்திபன், நாயகியே இல்லாத கதை, வசனம் இல்லா கதை, யாருமே இல்லாமல் நாயகன் மட்டும் இருக்கு கதை என சினிமா உலகில் புதுமை படைத்து பல விருதுகளை வென்று வருகிறார் பார்த்திபன்.

iravin-nizhal

சமீபத்தில் இவர் இயக்கி நடித்திருந்த 'ஒத்த செருப்பு சைஸ் 7' ரசிகர்களை கவர்ந்தததுடன் விருதுகளையும் குவித்தது.தனி ஒருவரே எழுதி, இயக்கிய, தனி நடிப்பு மற்றும் திரைப்படத்தை தயாரித்ததற்காக ஏசியா புக் ஆஃப் ரெக்கார்ட்ஸ் மற்றும் இந்தியா புக் ஆஃப் ரெக்கார்ட்ஸ் ஆகியவற்றில் இந்தப் படம் நுழைந்தது.  உலகின் பதின்மூன்றாவது படமாக தனி நடிப்பில் அமைந்தது என்றும்,ஒரு நடிகரைக் கொண்ட இரண்டாவது தென்னிந்தியத் திரைப்படம் என்றும் கூறப்படுகிறது. மேலும் ஒத்த செருப்பு 30 ஆகஸ்ட் 2019 அன்று சிங்கப்பூர் தெற்காசிய திரைப்பட விழாவில் திரையிடப்பட்டது.

iravin nizhal

தற்போது இந்தியில் ரீமேக் ஆகி வரும் 'ஒத்த செருப்பு சைஸ் 7' படத்தை தொடர்ந்து மீண்டும் ஒரு புதுமையாக இரவின் நிழல் என்னும் படத்தை உருவாக்கி வருகிறார். அப்படம் ஒரே ஷாட்டில் படமாக்கப்பட்டு உள்ளது. இப்படத்தில் பார்த்திபன், வரலட்சுமி சரத்குமார், பிரிகடா ஆகியோர் நடித்துள்ளனர். இதில் இசையமைப்பாளர் ஏ.ஆர்.ரகுமான் இசையமைத்துள்ளார். 

iravin nizhal

இரவின் நிழல் படத்தின் டீசர் சமீபத்தில் வெளியிடப்பட்டது. இதில் ஏ.ஆர்.ரகுமான் சமுத்திரகனி, சசி, எழில், மதன் கார்க்கி உள்பட படக்குழுவினர் அனைவரும் கலந்துகொண்டனர். இதன் டீசரைப் பார்த்த ரசிகர்கள், இப்படத்திற்கு நிச்சயம் ஆஸ்கர் விருது கிடைக்கும் என பாராட்டி வருகின்றனர். 

iravin nizhal

இந்நிலையில் இரவின் நிழல் படத்தின் வெளியீட்டு தேதி மற்றும் ஆடியோ லாஞ்ச் வெளியீட்டு தேதியை படக்குழு அறிவித்துள்ளது. அதன்படி வரும் ஜூன் 5 -ம் தேதி ஆடியோ வெளியீடும், ஜூன் 24-ம் தேதி படம் வெளியாகும் என அறிவிக்கப்பட்டுள்ளது. அந்த அறிவிப்புடன் வித்யாசமான போஸ்டரையும் வெளியிட்டுள்ளது. அதில் ரோபோ சங்கர் சாமியார் வேடத்திலும் உடன் சிஷ்யை வேடத்தில் வரலட்சுமியும் பின்னர் பார்த்திபன் நிற்பது போன்ற காட்சி உள்ளது. அந்த போஸ்டருடன் இந்த முதல் முயற்சிக்கு முதல் டிக்கெட் வாங்கும் கைகளை கால்களாய் நினைத்து வணங்குகிறேன். வடிவேல் ரசிகன் என்னும் வாசகமும் உள்ளது.