Nana Patekar : சினிமாவை தூக்கியெறிந்துவிட்டு நானா படேகர் கார்கில் போருக்கு சென்ற கதை தெரியுமா? சினிமாவில் வில்லன்... ஆனா நிஜத்தில் ஹீரோ!

Nana Patekar Kargil War:பாலிவுட் நடிகர் நானா படேகர் சினிமாவில் மட்டுமில்லாமல் நிஜ வாழ்க்கையிலும் தேசப்பக்தியை நிரூபித்தவர். 1999 கார்கில் போரின் போது, நடிப்புக்கு பிரேக் விட்டுவிட்டு, போர்க்களத்தில் ராணுவ வீரர்களுடன் இணைந்து பணியாற்றினார்.

சினிமாவில் வில்லன்... நிஜத்தில் ஹீரோ!

இன்னைக்கு நிறைய பாலிவுட் நடிகர்கள் சினிமாவில் மட்டும் பயங்கரமா தேசப்பக்தி பேசுவாங்க. ஆனா நிஜத்துல பாகிஸ்தான் மேல பாசம் காட்டுவாங்க. நாட்டுல நடக்குற பிரச்சனைகள் பத்தி வாய் திறக்க மாட்டாங்க. இவங்கள தான் ரசிகர்கள் கடவுள் மாதிரி கொண்டாடுறாங்க. ஆனா, நிஜ வாழ்க்கையில ஹீரோவா இருக்குறவங்க ரொம்ப கம்மி. அப்படிப்பட்ட ஒருத்தர் தான் நானா படேகர். ஒருபக்கம் சில பாலிவுட் பிரபலங்கள் பாகிஸ்தான் மேல பாசம் காட்டிட்டு இருந்தப்போ, நானா படேகர் கார்கில் போர்க்களத்துல இறங்கி வேலை செஞ்சாரு.

பொதுவா ஒரு பிரபலம் இறந்ததுக்கு அப்புறம் தான் அவங்களோட நல்ல குணங்கள் வெளிய வரும். ஆனா, சினிமாவில் பெரும்பாலும் வில்லனாகவே நடிச்ச நானா படேகர், நிஜ வாழ்க்கையில செஞ்ச பல ஹீரோயிசமான விஷயங்கள் இப்போ வெளிய வந்துகிட்டு இருக்கு. அதுல ஒன்னுதான், கார்கில் போர் நடந்தப்போ சினிமாவை விட்டுட்டு அவர் போர்க்களத்துக்கு போன சம்பவம்.

நானா படேகரின் தேசபக்தி

நானா படேகருக்கு நாட்டுக்காக சேவை செய்யணும்ங்குற ஆர்வம் ரொம்பவே இருந்துச்சு. 1999 கார்கில் போர்ல அவர் ராணுவத்துல வேலை செஞ்சது சிலருக்கு மட்டுமே தெரிஞ்ச விஷயம். மூணு முறை தேசிய விருது வாங்கிய நானா படேகர், தன்னோட நடிப்புக்காகவும் சமூக சேவைக்காகவும் ரொம்பவே பிரபலமானவர். அவர் டெரிட்டோரியல் ஆர்மியில வேலை செஞ்சது மட்டுமில்லாம, ராணுவ வீரர்களுக்கும் அவங்க குடும்பத்துக்கும் அடிக்கடி நிதி திரட்டி கொடுத்திருக்காரு. மத்த நடிகர்கள் மாதிரி இல்லாம, ராணுவத்தின் மேல அவர் வெச்சிருந்த பாசம் அவரை நேரா போர்க்களத்துக்கே கூட்டிட்டு போச்சு. கார்கில் போர்ல இது ஒரு வித்தியாசமான கதை.

கார்கில் போருக்காக சினிமாவை விட்டு விலகிய நானா படேகர்

கார்கில் போர்க்களத்துக்கு போக, அப்போதைய பாதுகாப்புத்துறை அமைச்சர் ஜார்ஜ் பெர்னாண்டஸ் கிட்ட நானா படேகர் அனுமதி வாங்கின விஷயம் இப்போ வெளிய வந்திருக்கு. துப்பாக்கி சுடுறதுல எக்ஸ்பர்ட்டான நானா படேகர், கார்கில் போர்ல கலந்துக்க தன்னோட சினிமா கேரியரை கொஞ்ச நாள் நிறுத்தி வெச்சாரு. 1999-ல் கார்கில் போர் நடந்தப்போ, இந்திய ராணுவம் ரொம்ப கஷ்டமான மலைப்பகுதியில பாகிஸ்தான் ராணுவத்தை எதிர்த்து சண்டை போட்டுட்டு இருந்துச்சு. அந்த நேரத்துல, அடல் பிகாரி வாஜ்பாய் தலைமையிலான அரசுல பாதுகாப்புத்துறை அமைச்சரா இருந்த ஜார்ஜ் பெர்னாண்டஸ் கிட்ட சிறப்பு அனுமதி வாங்கிட்டு அவர் போர்க்களத்துக்கு போனாரு.

3 வருட பயிற்சி

2026-ம் ஆண்டின் தொடக்கத்தில், 'கவுன் பனேகா குரோர்பதி' நிகழ்ச்சியில நானா படேகர் கலந்துக்கிட்டாரு. அப்போ, கார்கில் போர்ல தான் எப்படி வேலை செஞ்சேன்ங்குறத அமிதாப் பச்சன் கிட்ட அவர் சொன்னாரு. 1990-களின் தொடக்கத்துல தன்னோட 'பிரஹார்' படத்துக்காக கதை எழுதும்போது, ராணுவத்தின் மராத்தா லைட் இன்ஃபேன்ட்ரி படையோட சேர்ந்து மூணு வருஷம் அவர் பயிற்சி எடுத்திருக்காரு. கார்கில் போர் தொடங்குனப்போ, அந்தப் படையின் உயர் அதிகாரிகளை தொடர்பு கொண்டு தானும் போர்க்களத்துக்கு வரணும்னு கேட்டிருக்காரு. ஆனா அவங்க மறுத்துட்டாங்க. பாதுகாப்புத்துறை அமைச்சர் அனுமதி கொடுத்தா மட்டும்தான் போக முடியும்னு சொல்லிட்டாங்க.

அமைச்சரை வியப்பில் ஆழ்த்திய நானா படேகர்

கேபிசி நிகழ்ச்சியில நானா படேகர் இதை பத்தி சொல்லும்போது, "நம்ம பாதுகாப்புத்துறை அமைச்சர் ஜார்ஜ் பெர்னாண்டஸை எனக்கு நல்லா தெரியும். அதனால அவருக்கு போன் பண்ணேன். அவரும் அது முடியாதுன்னு சொல்லிட்டாரு. ராணுவத்துல சேர ஆறு மாசம் பயிற்சி எடுத்தாலே போதும், ஆனா நான் மூணு வருஷம் பயிற்சி எடுத்திருக்கேன்னு அவர்கிட்ட சொன்னேன். இதை கேட்டு ஆச்சரியப்பட்ட அவர், அதை பத்தி என்கிட்ட விசாரிச்சாரு. மராத்தா லைட் இன்ஃபேன்ட்ரியில எனக்கு இருந்த அனுபவத்தை தெரிஞ்சுகிட்டதும், 'எப்போ கிளம்புறீங்க?'னு கேட்டாரு" என்றார். ஆகஸ்ட் 1999-ல், எல்லைக் கட்டுப்பாட்டுக் கோடு பக்கத்துல ரெண்டு வாரத்துக்கும் மேல நானா படேகர் இருந்தாரு. அங்க ராணுவ வீரர்களுக்கு உதவி செஞ்சது மட்டுமில்லாம, பேஸ் கேம்ப் ஆஸ்பத்திரியிலயும் சில நாட்கள் வேலை பார்த்தாரு. கார்கில்ல இருந்தப்போ, குயிக் ரெஸ்பான்ஸ் டீம் குழுவுலயும் அவர் இருந்திருக்காரு. "நான் ஸ்ரீநகர் போனப்போ என் எடை 76 கிலோ இருந்துச்சு. அங்க இருந்த கஷ்டமான சூழ்நிலையால, நான் திரும்பி வந்தப்போ என் எடை 56 கிலோவா குறைஞ்சிடுச்சு"னு அவர் அந்த நிகழ்ச்சியில நினைவுகூர்ந்தார்.