TOP 10 Most Watched Movies : நெட்ஃபிளிக்ஸ் ஓடிடி தளத்தில் ரிலீஸ் ஆன படங்களில் அதிக வியூஸ் எந்த படங்களுக்கு கிடைத்துள்ளது என்பதை இந்த தொகுப்பில் பார்க்கலாம்.
செப்டம்பர் 7 முதல் 13-ம் தேதி வரையிலான ஒரு வாரத்தில், நெட்ஃப்ளிக்ஸ் இந்தியாவில் அதிக வரவேற்பைப் பெற்ற திரைப்படங்களின் முதல் 10 இடங்களுக்கான பட்டியல் வெளியாகியுள்ளது. இதில் தமிழ் திரைப்படங்களுக்கும் குறிப்பிடத்தக்க இடம் கிடைத்துள்ளது. இந்த பட்டியலில் ‘விஸ்வநாத் அண்ட் சன்ஸ்’, ‘ஜிடிஎன்’, ‘பியார் பிரேமா கல்யாணம்’, ‘கட்டா குஸ்தி 2’ ஆகிய நான்கு தமிழ் படங்கள் இடம்பெற்றுள்ளன. அவை எந்தெந்த இடங்களில் உள்ளன என்பதை இந்த தொகுப்பில் விரிவாக பார்க்கலாம்.
அதன்படி முதலிடத்தில் நடிகர் சூர்யா நடித்த ‘விஸ்வநாத் அண்ட் சன்ஸ்’ திரைப்படம் உள்ளது. அப்படம் கடந்த வாரம் ஓடிடியில் ரிலீஸ் ஆனது. ரிலீஸ் ஆகி மூன்று நாட்களில் 55 லட்சம் வியூஸை பெற்று முதலிடத்தில் உள்ளது. இதற்கு அடுத்தபடியாக ‘தமால் 4’ என்கிற இந்திப் படம் இரண்டாம் இடத்தை பிடித்திருக்கிறது. அஜய் தேவ்கன் நடித்த அப்படம் 29 லட்சம் வியூஸ் உடன் இரண்டாம் இடத்தில் உள்ளது. அடுத்ததாக மூன்றாம் இடத்தில் மேலும் ஒரு தமிழ் படம் உள்ளது. அதுதான் ஜிடிஎன். மாதவன் நாயகனாக நடித்த இப்படம் 22 லட்சம் வியூஸ்களை பெற்றிருக்கிறது.
நான்காவது இடத்தையும் இந்திப் படம் தான் ஆக்கிரமித்து உள்ளது. டாப்ஸி நடித்த காந்தாரி திரைப்படம் தான் அந்த இடத்தை பிடித்திருக்கிறது. ஐந்தாம் இடத்தில் ‘கொரியன் கனகராஜுலு’ என்கிற தெலுங்கு படம் உள்ளது. இப்படத்திற்கு 12 லட்சம் வியூஸ் கிடைத்துள்ளது. ‘ஆல்பா’ ஆறாவது இடத்தையும், ‘நியூட்டன்ஸ் தேர்ட் லா’ ஏழாவது இடத்தையும் பிடித்துள்ளன. அடுத்ததாக 8-வது இடத்தை ‘காக்டெய்ல் 2’ திரைப்படம் பிடித்துள்ளது. எஞ்சியுள்ள இரண்டு இடங்களையும் தமிழ் படங்கள் தான் பிடித்துள்ளன.
அதன்படி இயக்குநர் இளன் ஹீரோவாக நடித்துள்ள ‘பியார் பிரேமா கல்யாணம்’ திரைப்படம் இந்த வாரம் 9-வது இடத்தை பிடித்துள்ளது. அப்படம் நேரடியாக நெட்ஃபிளிக்ஸ் ஓடிடியில் ரிலீஸ் ஆனது. இதற்கு அடுத்தபடியாக 10வது இடத்தில் விஷ்ணு விஷால் நடித்த ‘கட்டா குஸ்தி 2’ திரைப்படம் உள்ளது. அப்படம் ஓடிடியில் ரிலீஸ் ஆகி ஒரு மாதத்திற்கு மேலானாலும் அதற்கான மவுசு மக்கள் மத்தியில் குறையவில்லை என்பதை இந்த பட்டியல் உணர்த்துகிறது. இப்படத்தை செல்லா இயக்கி இருந்தார். இதில் விஷ்ணு விஷால் ஜோடியாக ஐஸ்வர்யா லட்சுமி நடித்திருந்தார்.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
