"சின்னத்திரையின் செல்லப்பிள்ளை" BB வீட்டில் ஜாலியாக நுழைந்த நடிகர் VJ விஷால்! வாழ்த்திய VJS!

Bigg Boss Tamil Season 8 : பிக் பாஸ் நிகழ்ச்சியின் 8வது சீசனில் விஜய் டிவியின் செல்ல பிள்ளை VJ விஷால் ஜாலியாக பிக் பாஸ் வீட்டிற்கு என்ட்ரி கொடுத்துள்ளார்.

Vijay Vishal

பிக் பாஸ் நிகழ்ச்சி சூடுபிடிக்க தொடங்கி இருக்கிறது என்றே கூறலாம். தொடர்ச்சியாக பல்வேறு புதிய முகங்களும், ஏற்கனவே அறிமுகமான பழைய முகங்களும் பிக் பாஸ் வீட்டுக்குள் தொடர்ச்சியாக சென்று வருகின்றனர். மொத்தம் 18 பேர் கொண்ட இந்த போட்டியில் உண்மையில் பல்வேறு குணாதிசயங்கள் கொண்ட நபர்கள் இணைந்து இருப்பது சுவாரசியத்திற்கு நிச்சயம் பஞ்சம் இருக்காது என்ற விஷயத்தை உறுதிப்படுத்தி இருக்கிறது.

VJS Bigg Boss 8

மேலும் பிக் பாஸ் நிகழ்ச்சிக்குள் செல்லும் அனைவருக்கும் தன்னுடைய வாழ்த்துக்களை சொல்வதோடு மட்டுமல்லாமல் பிக் பாஸ் சீசன் 8 டைட்டில் போன்ற உருவம் கொண்ட ஒரு பரிசு பொருளையும் அனைவருக்கும் கொடுத்து அவர்களை உள்ளே அனுப்பி வருகிறார் மக்கள் செல்வன் விஜய் சேதுபதி.

VJS Bigg Boss

விஜய் டிவியில் கடந்த 10 ஆண்டுகளுக்கு மேலாக பயணித்து வருபவர் தான் VJ விஷால். பட்டப்படிப்பு முடித்த பிறகு சொந்தமாக தொழில் தொடங்கி அதில் பயணித்து வந்த விஜய் விஷால். அதற்கு முன்னதாக பண்பலை தொகுப்பாளராகவும் பணியாற்றியுள்ளார். அதன் பிறகு விஜய் டிவியில் உதவி இயக்குனராக தான் தனது பணியை அவர் தொடங்கினார். விஜய் டிவியில் பணியாற்றி வரும் பிரபல இயக்குனர் தாம்சனிடன் தான் உதவி இயக்குனராக கலக்கப்போவது யாரு உள்ளிட்ட பல நிகழ்ச்சிகளில் இவர் உதவி இயக்குனராக பணியாற்றியுள்ளார்.

VJ Vishal

ஆனால் சில ஆண்டுகளுக்கு முன்பு ஒளிபரப்பாக தொடங்கிய பாக்கியலட்சுமி என்ற தொடரில் எழிலன் என்ற கதாபாத்திரத்தில் நடித்த பிறகு தான் இவருக்கு மிகப்பெரிய அளவிலான வரவேற்பு மக்கள் மத்தியில் கிடைத்தது. ஆனால் இப்போது அந்த நாடகத்தில் இருந்து முற்றிலுமாக விலகி, தன்னுடைய சினிமா பயணத்தை நோக்கி தனது கனவை நகர்த்தி இருக்கிறார் விஷால். அதற்கு முன்னதாக இந்த பிக் பாஸ் வீட்டில் கலக்கி தான் யார் என்பதை மக்களுக்கு நிரூபிக்க BB வீட்டிற்குள் அவர் சென்றுள்ளார்.