Beast movie : பீஸ்ட் படத்தின் பெயர் திடீரென மாற்றப்பட்டதால் ஷாக் ஆன ரசிகர்கள் - புது பெயர் என்ன தெரியுமா?

Beast movie : பீஸ்ட் படம் பான் இந்தியா படமாக ரிலீசாக உள்ளதை குறிக்கும் விதமாக நேற்று இப்படத்தின் போஸ்டர் 5 மொழிகளில் வெளியிடப்பட்டு உள்ளது.   

நெல்சன் - விஜய் கூட்டணி

நயன்தாரா நடித்த கோலமாவு கோகிலா, சிவகார்த்திகேயனின் டாக்டர் போன்ற பிளாக்பஸ்டர் ஹிட் படங்களை இயக்கிய நெல்சன், தற்போது முதன்முறையாக நடிகர் விஜய் உடன் கூட்டணி அமைத்துள்ளார். பீஸ்ட் என பெயரிடப்பட்டுள்ள இப்படத்தில் ஹீரோயினாக பிரபல தெலுங்கு நடிகை பூஜா ஹெக்டே நடித்துள்ளார். மேலும் செல்வராகவன், ஷான் டாம் சாக்கோ, விடிவி கணேஷ், ரெடின் கிங்ஸ்லி, அபர்ணா தாஸ் என மிகப்பெரிய நட்சத்திர பட்டாளமே நடித்துள்ளது.

ஏப்ரல் 13-ல் ரிலீஸ்

சன் பிக்சர்ஸ் நிறுவனம் பிரம்மாண்ட பட்ஜெட்டில் தயாரித்துள்ள இப்படத்திற்கு அனிருத் இசையமைத்து உள்ளார். மனோஜ் பரமஹம்சா ஒளிப்பதிவு செய்துள்ள இப்படத்திற்கு நிர்மல் குமார் படத்தொகுப்பு பணிகளை மேற்கொண்டுள்ளார். பீஸ்ட் படத்தின் படப்பிடிப்பு முடிந்து ரிலீசுக்கு தயாராகி வருகிறது. அடுத்த மாதம் 13-ந் தேதி இப்படம் திரையரங்குகளில் ரிலீசாக உள்ளது.

பான் இந்தியா படம்

தமிழில் உருவாகி உள்ள பீஸ்ட் படத்தை தெலுங்கு, மலையாளம், கன்னடம், இந்தி ஆகிய மொழிகளில் டப்பிங் செய்து வெளியிட உள்ளனர். நடிகர் விஜய் நடிப்பில் வெளியாக உள்ள இரண்டாவது பான் இந்தியா படம் இதுவாகும். இதற்கு முன்னர் விஜய் நடிப்பில் கடந்த ஆண்டு வெளியான மாஸ்டர் படமும் பான் இந்தியா படமாக வெளியிடப்பட்டது குறிப்பிடத்தக்கது.

பீஸ்ட் பெயர் மாற்றம்

பீஸ்ட் படம் பான் இந்தியா படமாக ரிலீசாக உள்ளதை குறிக்கும் விதமாக நேற்று இப்படத்தின் போஸ்டர் 5 மொழிகளில் வெளியிடப்பட்டு உள்ளது. இதில் இப்படத்தின் இந்தி வெர்ஷனுக்கு மட்டும் பெயர் மாற்றப்பட்டு இருந்ததைப் பார்த்து ரசிகர்கள் ஷாக் ஆகி உள்ளனர். பீஸ்ட் படத்தை இந்தியில் ‘ரா’ என்ற பெயரில் வெளியிட உள்ளனர். பீஸ்ட் என்கிற ஆங்கில தலைப்பே நன்றாக இருக்கும்போது ஏன் ரா என மாற்றினீர்கள் என ரசிகர்கள் கேள்வி எழுப்பி வருகின்றனர்.

கே.ஜி.எஃப் 2 உடன் மோதல்

மேலும் இந்த பெயர் மூலம் நடிகர் விஜய் இப்படத்தில் உளவுத்துறை அதிகாரியாக நடித்துள்ளது கிட்டத்தட்ட உறுதியாகி உள்ளது. இந்திய தவிர்த்து மற்ற மொழிகளில் இப்படம் பீஸ்ட் என்கிற பெயரிலேயே ரிலீசாக உள்ளது. பீஸ்ட் படத்துக்கு போட்டியாக யாஷ் நடித்துள்ள கே.ஜி.எஃப் 2 படம் ரிலீசாக உள்ளது குறிப்பிடத்தக்கது.

இதையும் படியுங்கள்... Valimai ott streaming records: ஓடிடியில் வெளியான ஒரே நாளில் வலிமை தந்த மவுசு...ரசிகர்கள் படு குஷி..!