'வாரிசு' படத்தில் இருந்து புத்தாண்டை முன்னிட்டு ட்ரெய்லர் வெளியாகும் என எதிர்பார்த்த ரசிகர்களுக்கு ஏமாற்றமே மிஞ்சிய நிலையில்... புதிய போஸ்டர் ஒன்றை வெளியிட்டு ஆறுதல் படுத்தியுள்ளது படக்குழு.
அஜித் நடிப்பில் உருவாக்கியுள்ள 'துணிவு' திரைப்படமும், விஜய் நடிப்பில் உருவாகியுள்ள 'வாரிசு' திரைப்படமும் இன் இந்த ஆண்டு பொங்கல் பண்டிகையை முன்னிட்டு வெளியாக உள்ளது. இது குறித்து வெளியாகி உள்ள தகவலின் படி... 'துணிவு' திரைப்படம் ஜனவரி 11-ம் தேதி வெளியாக வாய்ப்புள்ளதாகவும், 'வாரிசு' திரைப்படம் ஜனவரி 12ஆம் தேதி வெளியாக உள்ளதாகவும் கூறப்படுகிறது.
தமிழ் சினிமாவில் டாப் நடிகர்களான இவர்கள் இருவரின் படமும் சுமார் 9 வருடங்களுக்கு பின்னர் நேருக்கு நேர் பொங்கல் பண்டிகையை குறி வைத்து வெளியாக உள்ள நிலையில், இருதரப்பு படக்குழுவினரும் மிகப்பிரமாண்டமாக படத்தை புரமோட் செய்து வருகின்றனர்.
உன் வாழ்க்கை உன் கையில்..! ரஜினிகாந்த் - கமல் ரசிகர்களுக்கு புத்தாண்டு வாழ்த்து!
இந்நிலையில் நேற்று புத்தாண்டை முன்னிட்டு, அஜித் நடித்துள்ள 'துணிவு' படத்தின் டிரைலர்.. இரவு 7 மணிக்கு வெளியாகி ரசிகர்கள் மத்தியில் தொடர்ந்து நல்ல வரவேற்பை பெற்று வரும் நிலையில், 'வாரிசு' படத்தின் டிரைலரும் வெளியாகும் என காத்திருந்த விஜய் ரசிகர்களுக்கு ஏமாற்றமே மிஞ்சியது.
கடைசிவரை ட்ரைலர் குறித்த எந்த அறிவிப்பும் வெளியாகாதது ரசிகர்களை அதிருப்தி அடையச் செய்தாலும், சிறு ஆறுதல் கொடுப்பது போல் புதிய போஸ்டர் ஒன்று வெளியானது. ஆனால் இந்த போஸ்டர் ரசிகர்களின் எதிர்பார்ப்பை பூர்த்தி செய்யவில்லை என கூறலாம்.
இயக்குனர் வம்சி இயக்கத்தில் விஜய் நடித்துள்ள 'வாரிசு' படத்தை பிரபல தெலுங்கு தயாரிப்பாளர் தில் ராஜு தயாரித்துள்ளார். இப்படத்திற்கு தமன் இசை அமைத்துள்ளார். மிக பிரம்மாண்டமாக உருவாகியுள்ள இப்படத்தின், ட்ரைலர் ஆங்கில புத்தாண்டை முன்னிட்டு வெளியாகவில்லை என்றாலும், அடுத்த வாரத்தில் வெளியாக வாய்ப்புள்ளதாக கூறப்படுகிறது.
சேனலை கிளிக் செய்து பின்தொடரவும்