Valimai BoxOffice : தல டக்கர் டோய்... ஒரே நாளில் மாஸ்டர், அண்ணாத்த பட சாதனையை அடிச்சு துவம்சம் செய்த வலிமை

ரசிகர்களின் ஏகோபித்த வரவேற்பை பெற்ற வலிமை திரைப்படம் பாக்ஸ் ஆபிஸிலும் பட்டையை கிளப்பி வருகிறது. முதல் நாளிலேயே மாஸ்டர், அண்ணாத்த போன்ற படங்களின் சாதனைகளை இப்படம் முறியடித்துள்ளது.

தமிழகத்தில் கடந்த 2020-ம் ஆண்டு கொரோனா காரணமாக ஊரடங்கு போடப்பட்டதில் இருந்து திரையுலகம் கடும் இழப்பை சந்தித்து வந்தது. குறிப்பாக அந்த சமயத்தில் திரையரங்குகள் மூடப்பட்டதால், படங்கள் ரிலீசாகாமல் தேங்கிக் கிடந்தன. சில படங்கள் மட்டுமே நேரடியாக ஓடிடி-யில் வெளியிடப்பட்டன.

பின்னர் 2020-ம் ஆண்டு நவம்பர் மாதம் திரையரங்குகள் திறக்கப்பட்டபோதிலும், கொரோனா அச்சுறுத்தல் காரணமாக மக்கள் திரையரங்குகளில் படம் பார்க்க தயக்கம் காட்டினர். இவ்வாறு களையிழந்து காணப்பட்ட திரையரங்குகளுக்கு புத்துயிர் கொடுக்கும் விதமாக ரிலீசானது தான் விஜய்யின் மாஸ்டர் (Master) திரைப்படம். இப்படம் கடந்தாண்டு ஜனவரி மாதம் பொங்கல் பண்டிகைக்கு வெளியாகி பிளாக்பஸ்டர் வெற்றியை ருசித்தது.

இதையடுத்து திரையுலகம் படிப்படியாக மீண்டு வந்த சமயத்தில் கடந்த ஏப்ரல் மாதம் கொரோனா இரண்டாவது அலை பரவியதால் மீண்டும் திரையரங்குகளை மூடும் சூழல் உருவானது. பின்னர் செப்டம்பர் மாதம் கொரோனா பரவல் படிப்படியாக குறையத் தொடங்கியதால் தியேட்டர்கள் திறக்கப்பட்டன. 

பின்னர் தீபாவளிக்கு ரஜினியின் அண்ணாத்த (Annatthe) திரைப்படம் வெளியானபோது தான் திரையரங்குகள் மீண்டும் இயல்பு நிலைக்கு திரும்பின. இப்படம் கலவையான விமர்சனங்களை பெற்றாலும், ஃபேமிலி ஆடியன்சுக்கு இப்படம் பிடித்திருந்ததால் வசூலில் சோடை போகாமல் டஃப் கொடுத்தது அண்ணாத்த.

இதனிடையே கடந்த மாதம் கொரோனா மூன்றாவது அலை பரவியதன் காரணமாக அஜித்தின் வலிமை (Valimai) திரைப்படம் பொங்கல் ரேஸில் இருந்து விலகியது. தற்போது கொரோனா பரவல் குறைந்து திரையரங்குகள் 100 சதவீத இருக்கைகளுடன் இயங்க அனுமதி அளித்த நிலையில், வலிமை படம் நேற்று பிரம்மாண்டமாக வெளியானது.

ரசிகர்களின் ஏகோபித்த வரவேற்பை பெற்ற இப்படம் பாக்ஸ் ஆபிஸிலும் பட்டையை கிளப்பி வருகிறது. அதன்படி வலிமை (Valimai) திரைப்படம் சென்னையில் மட்டும் முதல் நாளில் 1.82 கோடி ரூபாய் வசூலித்துள்ளதாக தகவல் வெளியாகி உள்ளது. கொரோனா பரவலுக்கு பின் வெளியான படங்களில் விஜய்யின் மாஸ்டர் 1.21 கோடியும், ரஜினியின் அண்ணாத்த 1.71 கோடியும் சென்னையில் வசூலித்ததே சாதனையாக இருந்து வந்த நிலையில் தற்போது அஜித்தின் வலிமை திரைப்படம் அந்த சாதனையை முறியடித்துள்ளது.

இதையும் படியுங்கள்.... Valimai Movie :என்ன இப்படி ஆயிருச்சு... முதல் நாளே வலிமைக்கு காத்திருந்த அதிர்ச்சி- அப்போ கலெக்‌ஷன் அவ்ளோதானா?