Thalapathy 69 : தளபதி விஜய் தனது இறுதி திரைப்படத்தை பிரபல இயக்குனர் வினோத் இயக்கத்தில் நடிக்க உள்ளார். நாளை அக்டோபர் 4ம் தேதி இப்படத்திற்கான பூஜை நடக்கவுள்ளது.
இந்த ஆண்டு துவக்கத்தில் தனது தமிழக வெற்றிக்கழகம் கட்சியின் அறிவிப்பை வெளியிட்ட தளபதி விஜய், தான் ஏற்கனவே ஒப்புக்கொண்டுள்ள இரு திரைப்பட பணிகளை முடித்துவிட்டு முழு நேர அரசியலில் பயணிக்க உள்ளதாகவும் அதிரடி அறிவிப்பு ஒன்றை வெளியிட்டார். இந்நிலையில் அந்த இரண்டு திரைப்படங்களில் ஏற்கனவே "தி கிரேட்டஸ்ட் ஆஃப் ஆல் டைம்" திரைப்படம் வெளியாகி உலக அளவில் 450 கோடி ரூபாய்க்கு மேல் வசூல் செய்து மிகப்பெரிய வெற்றி திரைப்படமாக மாறி உள்ள நிலையில், பிரபல இயக்குனர் வினோத் இயக்கத்தில் தனது 69வது மற்றும் இறுதி திரைப்படத்தை நடிக்க உள்ளார் தளபதி விஜய்.
"துணை முதல்வர் உதயநிதிக்கு பாராட்டு விழா" ஆர்.கே. செல்வமணி வெளியிட்ட கலக்கல் தகவல்!
தளபதி விஜயின் இந்த இறுதி திரைப்படத்தின் மூலம் தமிழ் திரை உலகில் காலடி எடுத்து வைக்கிறது பிரபல தெலுங்கு திரைப்பட தயாரிப்பு நிறுவனமான கே.வி.என் ப்ரொடக்ஷன்ஸ் நிறுவனம். மேலும் இந்த திரைப்படத்திற்கு பிரபல இசையமைப்பாளர் அனிருத் இசை அமைத்து வருவது குறிப்பிடத்தக்கது. இந்த திரைப்படத்தில் நடிக்க உள்ள கதாபாத்திரங்கள் குறித்த அறிவிப்பு வெளியாகி வரும் நிலையில், தளபதி விஜய் உடன் "பீஸ்ட்" திரைப்படத்தில் நடித்து அசத்திய பிரபல நடிகை பூஜா ஹெக்டே இந்த திரைப்படத்தில் தளபதி விஜய்க்கு நாயகியாக நடிக்க உள்ளதாக தகவல்கள் வெளியானது.
மேலும் இன்று வெளியான தகவலின் படி பிரபல நடிகர் நரேன் தளபதி 69 திரைப்படத்தில் அதிகாரப்பூர்வமாக இணைந்து இருப்பதாக தகவல்கள் வெளியாகி உள்ளது. அஞ்சாதே திரைப்படம் தொடங்கி பல வெற்றி திரைப்படங்களில் தன்னுடைய இயல்பான நடிப்பை வெளிப்படுத்தியவர் நரேன். இறுதியாக லோகேஷ் கனகராஜன் விக்ரம் திரைப்படத்தில் ஒரு முக்கிய கதாபாத்திரம் ஏற்று அவர் நடித்திருந்தார். தொடர்ச்சியாக பல நல்ல தமிழ் திரைப்படங்களில் அவர் நடித்து வருவது குறிப்பிடத்தக்கது.
மேலும் ஏற்கனவே தளபதி விஜயுடன் கில்லி, திருப்பாச்சி, போக்கிரி மற்றும் வாரிசு போன்ற பல வெற்றி திரைப்படங்களில் நடித்து அசத்திய நடிகர் பிரகாஷ்ராஜ் தளபதி 69 திரைப்படத்திலும் இணைந்திருக்கிறார். தெலுங்கு, மலையாளம் மற்றும் தமிழ் என்று பல மொழிகளில் பிஸியாக நடித்து வரும் பிரகாஷ்ராஜ் அன்மையில் தனுஷ் நடிப்பில் வெளியான "ராயன்" திரைப்படத்தில் ஒரு முக்கிய கதாபாத்திரம் ஏற்று நடித்திருந்தது குறிப்பிடத்தக்கது.
சிவாவின் புறநானூறு.. வெளியேறிய லோக்கி - என்ட்ரி கொடுக்கும் "நயன்தாராவின் தம்பி"!
சேனலை கிளிக் செய்து பின்தொடரவும்