நடிகர் விஜய்யின் 66-வது திரைப்படம் வாரிசு. தெலுங்கு இயக்குனர் வம்சி இயக்கியுள்ள இப்படத்தை தில் ராஜு தயாரித்துள்ளார். தெலுங்கில் முன்னணி தயாரிப்பாளராக இருக்கும் இவர், தமிழில் தயாரித்துள்ள முதல் படம் இதுவாகும். இப்படத்தில் விஜய்யுடன் சரத்குமார், ஷியாம், விடிவி கணேஷ், சதீஷ், ராஷ்மிகா, குஷ்பு, சங்கீதா, சம்யுக்தா, பிரகாஷ் ராஜ், தெலுங்கு நடிகர் ஸ்ரீகாந்த் என மிகப்பெரிய நட்சத்திர பட்டாளமே இப்படத்தில் நடித்துள்ளது.
முதலில் இப்படத்தை தெலுங்கிலும் ஜனவரி 11-ந் தேதி ரிலீஸ் செய்வதாக இருந்தனர். ஆனால் ரிலீசுக்கு இன்னும் இரு தினங்களே உள்ள நிலையில், வாரிசுடு படத்தின் ரிலீஸ் தேதி தள்ளிவைக்கப்பட்டு உள்ளது. அதன்படி வாரிசுடு திரைப்படம் வருகிற ஜனவரி 14-ந் தேதி ரிலீஸ் செய்யப்படும் என அதிகாரப்பூர்வமாக அறிவித்துள்ளனர். தமிழில் திட்டமிட்டபடி ஜனவரி 11-ந் தேதி வாரிசு படம் ரிலீசாகும் என்பதையும் உறுதிபட தெரிவித்துள்ளனர்.