இயக்குனர் லோகேஷ் கனகராஜ், தன்னுடைய 37-ஆவது பிறந்தநாளை.. இந்த ஆண்டு 'லியோ' படப்பிடிப்பில், கொண்டாடியுள்ளார். இது குறித்த புகைப்படங்கள் தற்போது சமூக வலைத்தளத்தில் வெளியாகி வைரலாகி வருகிறது.
தமிழ் சினிமாவில், கடந்த 2016 ஆம் ஆண்டு வெளியான அந்தாலஜி படமான 'அவியல்' மூலம் இயக்குனராக அறிமுகமானவர் லோகேஷ் கனகராஜ். இதை தொடர்ந்து, 2017 ஆம் ஆண்டு இவர் இயக்கத்தில் முப்பரிமான கதையாக வெளியான 'மாநகரம்' திரைப்படம் ரசிகர்கள் மத்தியில் நல்ல வரவேற்பை பெற்றதோடு, இப்படத்தின் கதையை... லோகேஷ் கனகராஜ் கொண்டு சென்ற விதம் அனைத்து தரப்பினர் மத்தியிலும் பாராட்டுகளை குவித்தது.
இப்படத்தை தொடர்ந்து, நடிகர் கார்த்தியை வைத்து லோகேஷ் கனகராஜ் இயக்கிய 'கைதி', தளபதி விஜய்யை வைத்து இயக்கிய 'மாஸ்டர்', மற்றும் உலகநாயகன் நடிப்பில் வெளியான 'விக்ரம்' ஆகிய படங்கள் அடுத்தடுத்து வெற்றி பெற்றது. குறிப்பாக உலகநாயகன் கமல் ஹாசனை வைத்து இவர் இயக்கிய 'விக்ரம்' படம் 450 கோடிக்கு மேல் வசூல் செய்து, 100 நாள் வெற்றி விழாவையும் கொண்டாடியது.
நயன்தாரா கூட இப்படி பண்ண மாட்டாங்க! வயசுக்கு மீறிய செயலால்... கல்லூரி விழாவில் அசிங்கப்பட்ட அனிகா..!
தற்போது அனைத்து தரப்பு ரசிகர்களாலும் கவனிக்கப்படும் முக்கிய இயக்குனர்களில் ஒருவராக இருக்கும் லோகேஷ் கனகராஜ், மாஸ்டர் படத்திற்கு பின்னர் மீண்டும் நடிகர் விஜய்யை வைத்து இயக்கி வரும் திரைப்படம் 'லியோ'. கேங் ஸ்டார் கதையம்சத்துடன் எடுக்கப்படும் இந்த படத்தில், விஜய்க்கு ஜோடியாக நடிகை த்ரிஷா நடித்து வருகிறார்.
மேலும் வில்லன்களாக, சஞ்சய் தத், கௌதம் மேனன், மன்சூர் அலிகான், மிஷ்கின், உள்ளிட்ட பலர் நடிக்கிறார்கள். இவர்களை தவிர யோகி பாபு, ப்ரியா ஆனந்த் போன்ற பிரபலங்களும் நடிக்கின்றனர். கடந்த ஒரு மாதமாகவே இப்படத்தின் படப்பிடிப்பு... கடும் குளிருக்கு நடுவே, காஷ்மீரில் நடந்து வரும் நிலையில், இயக்குனர் லோகேஷ் கனகராஜ் தன்னுடைய 37 ஆவது பிறந்தநாளை மிக சிறப்பாக கொண்டாடியுள்ளார்.
பிரபலங்கள் அனைவரும், லோகேஷ் கனகராஜை கட்டி பிடித்து... வாழ்த்து கூறி உள்ளனர். இது குறித்த புகைப்படங்கள் தற்போது சமூக வலைத்தளத்தில் படு வைரலாகி வருவதோடு, ரசிகர்களும் தங்களின் வாழ்த்துக்களை பகிர்ந்து வருகிறார்கள்.
சேனலை கிளிக் செய்து பின்தொடரவும்