Varisu story Leaked : இயக்குனர் வம்சி இதற்கு முன் இயக்கிய தமிழ் படமான தோழாவும், ஒரு பிரெஞ்ச் படத்தை தழுவி தான் எடுக்கப்பட்டிருந்தது. ஆதலால் வாரிசு படமும் அவ்வாறு எடுக்கப்பட்டு வருவதாக சினிமா வட்டாரத்தில் பேச்சு அடிபடுகிறது.
நடிகர் விஜய்யின் 66-வது படம் வாரிசு. வம்சி இயக்கி வரும் இப்படத்தில் நடிகர் விஜய்க்கு ஜோடியாக புஷ்பா பட நடிகை ராஷ்மிகா மந்தனா நடித்துள்ளார். இதுதவிர சரத்குமார், பிரகாஷ் ராஜ், ஷ்யாம், சங்கீதா, சம்யுக்தா, பிரபு, குஷ்பு என மிகப்பெரிய நட்சத்திர பட்டாளமே இப்படத்தில் நடித்துள்ளது. இசையமைப்பாளர் தமன் இப்படத்திற்கு இசையமைக்கிறார்.
இதையும் படியுங்கள்.... இரவில் போட்ட அந்த போஸ்ட்டால் குழம்பிப்போன ரசிகர்கள்... ஹேக் செய்யப்பட்டதா சமந்தாவின் இன்ஸ்டாகிராம்?
வாரிசு படத்தின் முதற்கட்ட படப்பிடிப்பு சென்னையில் நடைபெற்றது. இதையடுத்து 2-ம் கட்ட படப்பிடிப்பை ஐதராபாத்தில் நடத்தி முடித்த படக்குழு, தற்போது அடுத்தக்கட்ட படப்பிடிப்புக்கான பணிகளை மேற்கொண்டு வருகிறது. தில் ராஜு தயாரிக்கும் இப்படம் அடுத்தாண்டு ஜனவரி மாதம் பொங்கல் பண்டிகைக்கு ரிலீசாகும் என தெரிவிக்கப்பட்டு உள்ளது.
இதையும் படியுங்கள்.... ராஜ்ஜியம் இல்லாத இளவரசன்.... பொன்னியின் செல்வனில் வந்தியத்தேவனாக வாகைசூட வரும் கார்த்தி - வைரலாகும் மாஸ் லுக்
இந்நிலையில், வாரிசு படத்தின் கதை இணையத்தில் லீக் ஆகி உள்ளது. அதன்படி லார்கோ வின்ச் என்கிற பிரென்ச் படத்தின் கதையும் வாரிசு படத்தின் கதையும் ஒன்றுதான் என கூறப்படுகிறது. லார்கோ வின்ச் படத்தின் கதைப்படி ஒரு பணக்கார தொழிலதிபர் மர்மமான முறையில் கொல்லப்படுகிறார். பின்னர் அந்த தொழிலபருக்கு ரகசிய வாரிசு இருப்பது தெரியவருகிறது. இதையறிந்த வில்லன்கள் அந்த வாரிசை கொல்ல நினைக்கிறார்கள். அவற்றிலிருந்து நாயகன் எப்படி தப்பித்தார் என்பதை திருப்பங்களுடன் தெரிவித்திருக்கும் படம் தான் லார்கோ வின்ச்.
இதையும் படியுங்கள்.... வரவேற்பை பெற்ற '777 சார்லி'... லாபத்தில் தொண்டு நிறுவனங்களுக்கு நிதி வழங்க முடிவு ...
விஜய்யின் வாரிசு படமும் லார்கோ வின்ச் படத்தின் கதையை தழுவி எடுக்கப்பட்டு வருவதாக கூறப்படுகிறது. இயக்குனர் வம்சி இதற்கு முன் இயக்கிய தமிழ் படமான தோழாவும், ஒரு பிரெஞ்ச் படத்தை தழுவி தான் எடுக்கப்பட்டிருந்தது. ஆதலால் வாரிசு படமும் அவ்வாறு எடுக்கப்பட்டு வருவதாக சினிமா வட்டாரத்தில் பேச்சு அடிபடுகிறது.