12-ம் நாள் பாக்ஸ் ஆபிஸ் நிலவரத்தை பொறுத்தவரை விஜய்யின் வாரிசு திரைப்படம் அஜித்தின் துணிவை விட டபுள் மடங்கு கலெக்ஷனை அள்ளி உள்ளது.
நடிகர் விஜய் நடித்துள்ள வாரிசு திரைப்படமும், அஜித் நடித்த துணிவு திரைப்படமும் கடந்த ஜனவரி 11-ந் தேதி பொங்கல் பண்டிகையை ஒட்டி ரிலீஸ் ஆனது. இரண்டு படங்களுக்குமே ரசிகர்கள் மத்தியில் அமோக வரவேற்பு கிடைத்ததால், பாக்ஸ் ஆபிஸில் இரு படங்களும் வசூலை வாரிக் குவித்து வருகின்றன. இதனால் படக்குழுவினரும், தயாரிப்பாளர்களும் உற்சாகம் அடைந்துள்ளனர்.
துணிவு ஆக்ஷன் திரைப்படமாக எடுக்கப்பட்டு இருந்ததால் இப்படத்திற்கு இளைஞர்கள் மத்தியில் அமோக வரவேற்பு கிடைத்து வருகிறது. மறுபுறம் வாரிசு திரைப்படம் குடும்ப உறவுகளை மையமாக வைத்து எடுக்கப்பட்டு இருப்பதால் இப்படத்தை பேமிலி ஆடியன்ஸ் மிகப்பெரிய அளவில் கொண்டாடி வருகின்றனர். இதனால் இப்படம் வசூலில் லீடிங்கில் உள்ளது.
இதையும் படியுங்கள்... பிக்பாஸில் இருந்து விலகலா... அடுத்த சீசனுக்கு ‘நாயகன்’ மீண்டும் வருவாரா? - பைனலில் கமல் அளித்த சூசக பதில்
துணிவு திரைப்படம் 12 நாள் முடிவில் உலகளவில் ரூ.200 கோடி கலெக்ஷனை கடந்துள்ளது. விஸ்வாசம், வலிமை படங்களுக்கு பின்னர் ரூ.200 கோடி கலெக்ஷனை அள்ளிய அஜித்தின் மூன்றாவது படம் துணிவு. அதேபோல் விஜய்யின் வாரிசு திரைப்படம் 12 நாட்கள் முடிவில் உலகளவில் ரூ.250 கோடி வசூலைக் கடந்து சாதனை படைத்துள்ளது.
குறிப்பாக விடுமுறை தினமான நேற்று வாரிசு படம் அஜித்தின் துணிவு படத்தை விட டபுள் மடங்கு கலெக்ஷனை அள்ளி இருப்பதாக தகவல் வெளியாகி உள்ளது. அதன்படி வாரிசு திரைப்படம் நேற்று ஒரே நாளில் ரூ.8 கோடிக்கு மேல் வசூலித்துள்ளதாகவும், துணிவு திரைப்படம் ரூ.4.5 கோடி மட்டுமே வசூல் ஈட்டி இருப்பதாகவும் தகவல்கள் தெரிவிக்கின்றன.
இதையும் படியுங்கள்... பிக்பாஸ் டைட்டில் வின்னர் அசீமுக்கு அடித்த ஜாக்பாட்... ரூ.50 லட்சத்துடன் கிடைத்த மற்றுமொரு பிரம்மாண்ட பரிசு