நடிகர் விஜய் கடந்த பிப்ரவரி மாதம் தமிழக வெற்றிக் கழகம் என்கிற அரசியல் கட்சியை தொடங்கினார். பின்னர் ஆன்லைன் வாயிலாக அந்த கட்சியின் உறுப்பினர் சேர்க்கை நடைபெற்றது. அதில் 75 லட்சத்துக்கும் அதிகமானோர் உறுப்பினர்களாக சேர்ந்துள்ளனர். இதனிடையே கட்சியின் கொடி அறிமுக விழா இன்று சென்னை பனையூரில் உள்ள தமிழக வெற்றிக் கழக அலுவலகத்தில் நடைபெற உள்ளது. இதில் முக்கிய நிர்வாகிகள் கலந்துகொள்ள உள்ளனர்.
24
Tamilaga Vettri Kazhagam
கடந்த சில தினங்களுக்கு முன்னர் தனது கட்சி அலுவலகத்தில் நிறுவப்பட்டுள்ள பிரம்மாண்ட கொடிக்கம்பத்தை பார்வையிட்ட நடிகர் விஜய், அதில் கொடி ஒன்றையும் ஏற்றிப் பார்த்தார். அந்தக் கொடி மஞ்சள் நிறத்தில் இருந்தது. இதனால் தமிழக வெற்றிக் கழகத்தின் கொடியில் மஞ்சள் முக்கிய பங்காற்றும் என்பது உறுதியாக தெரிகிறது. அதுமட்டுமின்றி இந்த கொடி அறிமுக விழாவை ஒட்டி அதற்காக கம்போஸ் செய்யப்பட்ட சிறப்பு பாடலையும் வெளியிட உள்ளனர்.
விஜய் கட்சிக்கு அந்தப்பாடலை கம்போஸ் செய்தது யார் என்கிற தகவல் தற்போது இணையத்தில் கசிந்துள்ளது. அந்த பாடலை இசையமைப்பாளர் தமன் கம்போஸ் செய்துள்ளதாகவும், பாடலாசிரியர் விவேக் அதன் வரிகளை எழுதி இருப்பதாகவும் கூறப்படுகிறது. இதனால் வாரிசு படத்தில் இந்த காம்போவில் இடம்பெற்ற தீ தளபதி பாடல் போல் ஒரு அனல் பறக்கும் பாடலை தமிழக வெற்றிக் கழகத்திற்காக அவர்கள் தயார் செய்திருக்கக் கூடும் என எதிர்பார்க்கப்படுகிறது.
44
thaman
இசையமைப்பாளர் தமன் இப்படி அரசியல் கட்சிக்கு பாடல் கம்போஸ் செய்வது இது முதன்முறை அல்ல. இதற்கு முன்னரே கடந்த 2018-ம் ஆண்டு தெலுங்கு நடிகரும், ஜனசேனா கட்சியின் தலைவரும், தற்போதைய ஆந்திராவின் துணை முதல்வருமான பவன் கல்யாண் கட்சி ஆரம்பிக்கும் போது, அக்கட்சிக்கான ஆந்தம் பாடலை தமன் தான் இசையமைத்து இருந்தார். அந்த பாடலுக்கு ரசிகர்கள் மத்தியில் வரவேற்பு கிடைத்ததை போல் தவெக கட்சி பாடலும் வரவேற்பை பெறும் என எதிர்பார்க்கப்படுகிறது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
