பாக்ஸ் ஆபிஸ் மட்டுமில்ல.. சோசியல் மீடியாவிலும் நான் ‘கிங்’குடா..! இன்ஸ்டாகிராமில் விஜய் படைத்த உலக சாதனை

நடிகர் விஜய் இன்ஸ்டாகிராமில் புதிதாக கணக்கு தொடங்கியதை அடுத்து அவருக்கு மில்லியன் கணக்கிலான பாலோவர்கள் குவிந்து வருகின்றனர்.

நடிகர் விஜய், தமிழ் திரையுலகில் முன்னணி நடிகராக வலம் வந்து கொண்டிருக்கிறார். இவருக்கென உலகளவில் மிகப்பெரிய ரசிகர் பட்டாளமே உள்ளது. நடிகர் விஜய் சோசியல் மீடியாவை பெரியளவில் பயன்படுத்துவதில்லை. இருப்பினும் அவருக்கு டுவிட்டரில் மில்லியன் கணக்கிலான பாலோவர்கள் இருக்கிறார்கள். இதுவரை டுவிட்டரில் மட்டும் ஆக்டிவாக இருந்து வந்த விஜய், நேற்று திடீரென இன்ஸ்டாகிராமிலும் இணைந்து புதிதாக கணக்கு ஒன்றை தொடங்கினார்.

நடிகர் விஜய்யின் இன்ஸ்டாகிராம் எண்ட்ரி தான் நேற்று பேசுபொருளாக இருந்தது. அவர் இன்ஸ்டாகிராம் கணக்கு தொடங்கியதும் போட்ட முதல் பதிவு, லியோ படத்தின் ஷூட்டிங்கிற்காக காஷ்மீரில் எடுத்த புகைப்படம் தான். அந்த புகைப்படத்தை பதிவிட்டு, ஹலோ நண்பாஸ் & நண்பீஸ் என்கிற பதிவு தான். இந்த ஒரே பதிவுக்கு மில்லியன் கணக்கில் லைக்குகள் குவிந்து வருகின்றன.

நடிகர் விஜய் இன்ஸ்டாகிராமில் எண்ட்ரி கொடுத்தது அவருக்கு மில்லியன் கணக்கில் பாலோவர்கள் குவியத் தொடங்கினர். இதிலும் பல்வேறு சாதனைகளை படைத்து இருக்கிறார் விஜய். அதன்படி இன்ஸ்டாகிராம் கணக்கு தொடங்கியதும் அதிவேகமாக 1 மில்லியன் பாலோவர்களை எட்டிய பிரபலங்களின் பட்டியலில் நடிகர் விஜய் உலகளவில் சாதனையும் படைத்துள்ளார்.

அதன்படி இன்ஸ்டாகிராமில் அறிமுகமானதும் உலகளவில் அதிவேகமாக 1 மில்லியன் பாலோவர்களை எட்டிய பிரபலங்கள் பட்டியலில் நடிகர் விஜய் மூன்றாவது இடம் பிடித்துள்ளார். இவர் 99 நிமிடத்தில் 1 மில்லியன் பாலோவர்களை எட்டினார். இந்த பட்டியலில் BTS V என்கிற தென்கொரிய பாடகர் முதலிடத்திலும் (43 நிமிடம்), ஹாலிவுட் நடிகை ஏஞ்சலினா ஜோலி 2-வது இடத்திலும் (59 நிமிடம்) உள்ளனர்.

இதையும் படியுங்கள்... இந்தியன் 2 படத்திற்காக தைவான் பறந்த படக்குழு! இயக்குனர் ஷங்கர் வெளியிட்ட புகைப்படம்..!

அதுமட்டுமின்றி இன்ஸ்டாகிராமில் அதிக லைக்குகளை பெற்ற கோலிவுட் நடிகரின் புகைப்படம் என்கிற சாதனையையும் நடிகர் விஜய் படைத்துள்ளார். இதற்கு முன் நடிகர் சிவகார்த்திகேயன் பொங்கல் பண்டிகையின் போது தனது குடும்பத்துடன் எடுத்த புகைப்படத்தை பதிவிட்டபோது அதற்கு 2.6 மில்லியன் லைக்குகள் கிடைத்ததே சாதனையாக இருந்தது. அந்த சாதனையை நடிகர் விஜய் 4 மணிநேரம் 30 நிமிடத்தில் முறியடித்து முதலிடம் பிடித்தார். தற்போது வரை அந்த போட்டோவுக்கு கிட்டத்தட்ட 4 மில்லியன் லைக்குகள் கிடைத்துள்ளன. அதுமட்டுமின்றி விஜய்யை பின் தொடர்பவர்கள் எண்ணிக்கையும் 38 லட்சத்தை தாண்டி உள்ளது.

இதையும் படியுங்கள்... தேவதை வம்சம் நீயோ... வெள்ளை நிற சேலையில் ஏஞ்சல் போல் ஜொலித்த நயன்! அழகில் மயங்கிய ரசிகர்கள்!