Captain Vijayakanth : தளபதி விஜயின் "கோட்" திரைப்படத்தில் மறைந்த அரசியல் தலைவரும் நடிகருமான கேப்டன் விஜயகாந்த் AI தொழில்நுட்பம் மூலம் இணைந்திருப்பது அனைவரும் அறிந்ததே.
தமிழ் சினிமாவின் முன்னணி நடிகராக விளங்கி வரும் தளபதி விஜயை வைத்து, முதல் முறையாக பிரபல இயக்குனர் வெங்கட் பிரபு இயக்கிய திரைப்படம் தான் "தி கிரேட்டஸ்ட் ஆஃப் ஆல் டைம்". கடந்த செப்டம்பர் மாதம் 5ஆம் தேதி உலக அளவில் வெளியாகி, தற்போது வரை சுமார் 300 கோடி ரூபாய்க்கு மேல் அந்த திரைப்படம் வசூல் செய்து சாதனை படைத்து வருகிறது. குறிப்பாக தமிழகத்தில் மட்டும் 100 கோடி ரூபாயை தாண்டி அந்த திரைப்படம் வசூல் செய்துள்ளது குறிப்பிடத்தக்கது.
செப்டம்பர் 5ஆம் தேதி அந்த திரைப்படம் வெளியான முதல் நாளிலேயே 126.23 கோடி ரூபாய் வசூல் செய்து பல சாதனைகளை அந்த திரைப்படம் முறியடித்தது. முற்றிலும் மாறுபட்ட வெவ்வேறு கதாபாத்திரங்களில் தளபதி விஜய் இந்த திரைப்படத்தில் நடித்து அசத்தியிருந்தார். வெங்கட் பிரபு தனக்கே உரித்தான பாணியில் தளபதியின் நெகட்டிவ் சேடு கொண்ட கதாபாத்திரத்தை மிக நேர்த்தியாக உருவாக்கி இருந்தார் என்றே கூறி வருகின்றனர் தளபதியின் ரசிகர்கள்.
ராதிகாவிடமே பல கோடி பணத்தை ஆட்டையை போட்டவர் விஜயகாந்த்! பிரபலம் கூறிய ஷாக் தகவல்!
ஏற்கனவே பலமுறை அரைக்கப்பட்ட கதை தான் என்றாலும், அதை திரைக்கதையாக மக்களுக்கு கொடுக்கும் பொழுது அதில் தனக்கே உரித்தான கமர்சியல் எலிமெண்ட்கள் பலவற்றை இணைத்து அதில் வெற்றியும் கண்டு இருக்கிறார் வெங்கட் பிரபு. கூடுதல் பலமாக இந்த திரைப்படத்தில் மூத்த தமிழ் திரையுலக நடிகர்கள், நடிகைகள் பிரசாந்த், பிரபுதேவா, லைலா, சினேகா மற்றும் ஜெயராம் உள்ளிட்ட பலரும் நடித்திருக்கின்றனர்.
அது மட்டும் அல்லாமல் இயக்குனர் வெங்கட் பிரபுவின் ஆஸ்தான நடிகர்கள் பிரேம்ஜி அமரன், வைபவ் உள்ளிட்டவர்களும் தங்களுடைய கதாபாத்திரங்களில் மிக நேர்த்தியாக நடித்திருக்கின்றனர். மேலும் கோட் படத்தின் மற்றொரு சிறப்பு அம்சமாக, தமிழ் சினிமாவின் மூத்த நடிகரான "மைக்" மோகன் இந்த படத்தில் வில்லனாக நடித்து அசத்தியிருக்கிறார். பொதுவாக "மைக்" மோகன் தான் உச்சத்தில் இருந்த காலகட்டத்தில் தன்னுடைய சொந்த குரலில் பேசி நடித்ததில்லை.
ஆனால் அண்மை காலமாக அவர் நடித்து வரும் படங்களில் தன்னுடைய சொந்த குரலில் அவர் பேசி நடித்து வருவது அவருக்கு கூடுதல் வரவேற்பை கொடுத்து வருகின்றது.
முன்னணி நடிகர்கள், நடிகைகள் இந்த திரைப்படத்தில் நடித்திருப்பது மிகப்பெரிய பிளஸ் பாயிண்ட் என்றால், கோட் திரைப்படத்தில் கேமியோ கதாபாத்திரத்தில் தோன்றி அசத்தியிருக்கின்றனர் நடிகர் சிவகார்த்திகேயன், தல தோனி மற்றும் நடிகை திரிஷா ஆகியோர். அது மட்டுமல்லாமல் கிளைமாக்ஸ் காட்சியில் ஒலிக்கும் தல அஜித்தின் தீம் மியூசிக் மிகப்பெரிய அளவில் வரவேற்பை பெற்று. யுவன் சங்கர் ராஜா மீண்டும் விஜய்க்கு ஒரு ஹிட் படம் கொடுத்துள்ளார் என்றே கூறலாம்.
அவர் இசையில் அனைத்து பாடல்களும் பெரும் வரவேற்பை பெற்ற நிலையில், மறைந்த அவரது அக்காவும் தேசிய விருது வென்ற படகியுமான பவதாரணியின் குரல், இந்த திரைப்படத்தில் ஒலித்த சின்ன சின்ன கண்கள் திறக்கின்றதே என்ற பாடலில் AI தொழில்நுட்பம் மூலம் பயன்படுத்தப்பட்டுள்ளது குறிப்பிடத்தக்கது. இந்த விஷயம் குறித்து வெங்கட் பிரபு, விஜய்யிடம் பேசிய போது பவதாவின் குரல் இணைக்கப்படுகிறது என்றால், நானே அந்த பாடலை பாடி விடட்டுமா என்று ஆர்வமாக கேட்டதாக மனமுருகி பேசியிருந்தார் வெங்கட் பிரபு.
பல சிறப்புகள் கொண்ட கோட் திரைப்படத்தில் தொழில்நுட்பம் மூலம் மறைந்த அரசியல் தலைவரும், மூத்த நடிகருமான கேப்டன் விஜயகாந்தின் காட்சிகளும் இணைக்கப்பட்டுள்ளது. இதற்காக அவரது குடும்பத்தாரிடம் உரிய அனுமதி பெற்று அதன் பிறகு இந்த காட்சி இணைக்கப்பட்டது அனைவரும் அறிந்ததே. அதுமட்டுமல்லாமல், விஜயகாந்தின் உருவத்தை தங்களது திரைப்படத்தில் பயன்படுத்திக்கொள்ள அனுமதி அளித்ததற்காக, அவரது மனைவி பிரேமலதா மற்றும் மகன்கள் இருவரையும் நேரில் சந்தித்து தனது நன்றியினை கூறி மகிழ்ந்தார் தளபதி விஜய்.
இந்நிலையில் இந்த திரைப்படத்தில் தோன்றிய கேப்டன் விஜயகாந்துக்கு குரல் கொடுத்தது முன்னணி நடிகர் மணிகண்டன் என்கின்ற தகவல் தற்பொழுது வெளியாகி உள்ளது. அவர் ஒரு மிகச் சிறந்த நடிகர் என்பதை தாண்டி, அவர் ஒரு அதி சிறந்த மிமிக்ரி கலைஞர் என்பது அனைவரும் அறிந்ததே. பல மேடைகளில் கேப்டன் விஜயகாந்தின் பல்வேறு வகையான குரல்களை பேசி அசத்திய மணிகண்டன், இப்போது கோட் திரைப்படத்தில் கேப்டனுக்கு டப்பிங் பேசியிருப்பதாக கூறப்படுகிறது.
"எனக்கு டிவோர்ஸ் வேணும்" மனுவில் என்ன சொல்லி இருக்கிறார் ஜெயம் ரவி தெரியுமா?